Pages

الاثنين، 25 مايو، 2009

كلمات كفريه في الاغاني



انا كنت بسمع اغاني ...



اه والله العظيم كنت بسمع ....... بس من زمان



مش زمان اوي يعني ... يعني تقدروا تقولوا كدا من 5 سنين لما ربنا تاب علي وبطلت ابوظ وداني


الحمد لله رب العالمين .......... بقيت احس بخنقه وضيق لما اسمع اي اغنيه لاي حد


بس احيانا .. ها ... احيانا كدا ممكن اقعد جنب حد بيسمع وممكن اسمع حاجه تعجبني


المهم .........مش دا موضوعنا


الموضوع هو


في اغاني فيها كفر ... كفر صريح ... يارب استر


اه والله دا مش كلام وخلاص والموضوع دا انا فكرت فيه كويس ودورت علي شوية حاجات


وتعالوا معايا نفكر وشوفوا


مثلا



عبد الحليم حافظ


بيقول ( قدر احمق الخطي .... سحقت هامتي خطاه)



هل القدر الذي قدره الله يوصف بهذا الوصف


هل الله يقدر شيئا احمقا تعالي الله عن ذلك علوا كبيرا



(لا هاسلم بالمكتوب ولا هارضي ابات مغلوب )



فهو يرفض التسليم بما كتبه الله ويريد التمرد عليه والكلام واضح في معناه




محمد عبد الوهاب




بيقول ( جئت لا اعرف من اين اتيت ولكني اتيت وقد ابصرت امامي طريقا فمشيت غير اني لا ادرك لماذا جئت فاين المفر؟ )




الكلمات واضحه مثل الشمس فهو لا يعرف الحكمه من خلقه ولماذا جاء الي الدنيا



وكيف جاء كما انه مسير وليس مخير لانه راي طريقا امامه فسار فيه مرغما




ام كلثوم



بتقول ( لا تقل شئنا فإن الحظ شاء )



هل الحظ يملك ان يقرر شيئا ؟



هل هناك اصلا ما يسمي بالحظ ثم اذا افترضنا جدلا بان هناك حظ هل له ارادة المشيئه



فسبحان الله العظيم




فيروز



بتقول ( اعطني الناي وغني فالغني سر الخلود وانين الناي يبقي بعد ان يفني الوجود )





هل هناك كفر اكثر من ذلك



فالله قد خلق الحياة والكون لسر واحد ولسبب واحد هو الغناء لاني الغني سر الوجود


اذا هي دعوه للناس اذا ارادو الخلود ان يتمسكو بانين




لانه الوحيد ا لذي سيبقي بعد فناء الكون استغفر الله العظيم




كاظم الساهر



بيقول ( انا رجل بلا قدر فكوني انتي لي قدري )




اي خلقه الله هكذا عبثا ولم يقرر قدره ولا مصيره



وهاهو يدعوه حبيبته ان تكون هي القدر الذي لم يقدره الله له



حاشا لله 0 انا كل شىء خلقناه بقدر 0




دول شوية حاجات افتكرتها بس اكيد في كتير منها


ياريت بقي يا حبايب قلبي اللي عنده خبره بالموضوع دا يفيدنا


خاصة في الاغاني الجديده


وتسلموا


هناك 12 تعليقًا:

عاشقة الأحزان يقول...

احم احم
السلام عليكم
انا جيت
اخى الفاضل بجد موضوعك جميل ربنا يوفقك يارب ويسعدك
وده أصلا اسمه جهل هنقول ايه بس
حسبى الله ونعمه الوكيل
دمت بألف خير
ويسعدنى ان اكون معك دائمآ فى تلك المدونه الجميله
ربنا يعزك
اختك
نوووووسه

فتاه من الصعيد يقول...

لا الاغانى الجديده ما فيهاش كفر.......فيها غباء ودوشه
شكرا للمعلومات
دمت بخير..........تقبل مرورى

beautiful mind يقول...

ربنا يخليكم وانا سعيد جدا بوجودكم .... وبجد انتم حد كويس جدا وانا متشرف بيكم اوي

وردة يقول...

السلام عليكم ورحمة الله وبركاته
الموضوع مهم جدا
وخصوصا اننا بنسمع الاغاني ونرددها من غير ما ندقق في كلامها وخصوصا القديم وكأنهم لا يخطئو اعوذ بالله
ربنا يكرمك وياريت نقلل من سماع الاغاني عامة
بصراحة كلنا مقصرين في الموضوع ده
شرفني مرورك لمدونتي
واتمني لك التوفيق دايما
سلام

beautiful mind يقول...

وبالتوفيق ليكي ان شاء الله وانا سعيد جدا بوجودك يا ورده

د. ياسر عمر عبد الفتاح يقول...

الحمد لله إن بطلتها
هيه فعلاً بتنبت النفاق في القلب زي ما قال ابو حنيفة

ولازم تفرق بين فعل الكفر والتكفير في ذات نفسه
علشان متقعش في المحظور

ربنا يثبتك

ايوشة يقول...

ده فى اكتر من كده كمان والاغانى دلوقتى مش بقيت كلماتها فيها كفر لا بقيت مشاهد اغراء حتى الكلمات تخدش الحياء
ربنا يتوب علينا كلنا منها بصراحة انا من فترة مش بسمع اغانى بس ولو نفسى الحت عليا بسمع اغانى وطنية زى الشيخ امام محمد منير او اغانى مفيهاش حب خالص
بس برضو كل ده غلط وربنا يهدى الجميع يارب
بس هى بالتدريج مش مرة واحدة

شمس النهار يقول...

اول مره ازور المدونه ووجدتها لطيفه جدا
ربنا يبارك لك فيها

اما البوست

فا مش كل الاغاني بتقول كده
وزمان شيخ من شيوخ الازهر اعترض علي ام كلثوم لما قالت كأني اتخلقت تاني

ودارت مناقاشات كانت مثمره وجميله

انتهو ان دي دي مبالغه لايقصد منها لاسمح الله التطاول

اما الشيخ الشعراوي
فاكان معترض بشده علي عبد الحليم في الاغنيه جدا
وكان مسجل اعتراضه ده في تفسيره للقرآن وفي برنامج كمان

شكرا ليك علي لفت الانظار للكلام ده
علي الاقل اللي بيسمع اغاني يتجني المشتبه فيه

Adam يقول...

اخي الفاضل

الاغاني الجديده مش كلها وحشه
وطبعا هي لاتقارن ابدا بالتراث القديم

اول زياره ولن تكون الاخيره
تحياتي

ادم

beautiful mind يقول...

اولا انا بسجل شكري لكل الاخوة اللي ردوا علي الموضوع
بس احب اوضح شىء يا جماعه
اولا انا مقولتش في كلامي ان اللي بيقول الكلام دا كافر لا فيه فرق
دا كلام كفر وطبعا فيه كتير منا بيرددوا وهم مش عارفين معني الكلام
اما بخصوص الاغاني الجديده فانا معرفش اذا كان فيها كدا ولا لا لاني مش متابعها صراحة
عموما لكم جميعا خالص الحب والتقدير

Medus يقول...

اسمحلي دي اول زيارة بس بجد بأكد احترامي لما كتبت البوست رائع فعلا ودا لان المشاعر الانسانية وحدة ومش بيفرق فيها لا جنس ولا دين ولا جنسيه ودا يأكد على كون الانسان انسان في كل مكان وزمان ودا اللي لازم نععرفة ونتعامل على اساسه
تحياتى والى الامام

غير معرف يقول...

سماع الاغاني حرام اصلا وحتى الاغاني الجديده فيها كفر مثل اغنيه حسين الجسمي انا الشاكي انا الباكي انا الحساس وانا لغير المحبه ما خضعت الراس وكثير من الاغاني وشكرا