Pages

الخميس، 10 مارس 2016

لا أحد يشبهك






الآن مضت الأيام يومًا تلو الآخر ... وكل يوم يبعدني عنك أكثر
اخترت أن ترحل بإرادتك .. واخترت أنا أن أعيش وحيدة مع بقاياك
بقايا عطرك التي مازلت أشمها في بيتنا يوم أن زرتنا .. هل مازلت تتعطر به؟
رميت بنفسك في مستقبل أنت خططت له .. مستقبل لا أنتمي له ولا يحتويني
وأنا رميت بنفسي بين أحضان غيرك .. ظنًا مني أنه يشبههك
كلمته مثلك .. ضحكت له .. هاتفته بالساعات .. حلمت به مثلك .. 
حلمت بأيامي معه كأنه أنت .. لكن قلبي لم يقتنع .. ولم أشم عطرك فيه
وعقلي المغيب ما لبث أن صدمني بحائط الحقيقة فلا أنت هو ولا هو أنت
والآن أجلس بين السطور التي كتبتها لي ذات يوم .. أقرأها حرفًا حرفًا 
وانا مغمضة العينين فلقد حفظتها عن ظهر قلب
علمت أنك أسميت مولودتك باسمي وعلمت أيضا أنها تشبهنني
كم أحسدك على كل ما أنت فيه دوني ..
كم أتحسر على أنني لن أستطيع أن أسمي مولودي باسمك
لأني لا أريد لأحد آخر أن يشبهك

الاثنين، 7 مارس 2016

تخلص من حمامك القديم




مفيش حاجة بتستنى على حالها .. لأن التغيير والتحديث سمة الحياة
من لم يتجدد يتبدد .. هكذا علمونا وهكذا علمتنا تجاربنا 
الإنسان ما هو إلا قطار يسير بلا توقف ويمر على محطات كتييير
كل محطة منهم بينزل ناس ويركب ناس جديدة ويستنى ناس تانين مكملين معاك
لغاية آخر طريقك وهينزلوا معاك في آخر محطة ... 
في كل محطة بنقابل ناس جديدة لأول مرة في حياتنا وبنحتك بيهم في طريقنا
من خلال معاملاتنا معاهم بنستكشف إيه هي شخصيتهم وبعدين نشوف 
لو شخصيتهم دي توافقت معانا ومع ميولنا وأهدافنا تلاقينا على طول بننجذب ليهم
وبنختارهم يكونوا أصدقاء لينا والعكس بالعكس .. لكن أحيانا نخطىء لأننا بنقابل أشخاص
متلونين مش بنقدر نحكم عليهم كويس لكن الزمن والوقت بيكون كفيل إنه يكشفهم لينا مع كل
موقف وكل حاجه بتحصل معانا .... فكركدا كام واحد عرفته وصاحبته في حياتك؟
من أيام الحضانة والدراسة والجامعة والشغل والشارع اوالنادي ..... طب كام واحد فيهم اختفى من حياتك؟
كام واحد فيهم لسه مكمل معاك ؟ وكام واحد فيهم معدش يفرق معاك إنك تعرف حاجه عنه ؟
بيجي علينا وقت في حياتنا بنضطر فيه نعمل فورمات لكل الحاجات اللي ملهاش لازمة ونسيب بس 
اللي احنا محتاجينه وأصبح ضروري بالنسبة لنا .... 
بعد كل فترة من عمرنا بنكتشف تلقائيًا إن فيه ناس في حياتنا مكانها في صندوق قفصنا الصدري
جوه جوه القلب ... وناس تانية مكانها الحقيقي جوه صندوق الزبالة
دومتم بكل ود .....