Pages

الجمعة، 30 سبتمبر 2011

ممنوعة



ممنوعة أنت ِ



من الدخول ياحبيبتي عليا




ممنوعة أن تجلسي




أو تهمسي




أو تتركي يديك ِ في يديا




ممنوعة أن تحملي لي دمية ً أحضنها




أو تقرأي لي قصة الأقزام والأميرة الحسناء والجنية



الخميس، 29 سبتمبر 2011

انا مش شايف حاجه




والله ما أعرف حصل إزاي .؟
كل اللي أعرفه إني من يومين كدا لما رجعت البيت
كالعادة بليل , والليل بيجي عندنا بليل 
لقيت مرات أخويا ماسكة عنيها وبتقولي انها بنوجعها
ومش شايفة بيها كويس , طمنتها وقولتلها ان الموضوع عادي
وشوية وجع وهيروحوا لحالهم
وقعدت تاكل معايا وياريتها ما قعدت.......
صحيت من النوم لقيت نفسي مش انا
بقيت بعين واحده وعيني الشمال مش شايف بيها
ولونها احمر زي الدم غير الوجع اللي فيها
ولما روحت المدرسة لقيت الحكاية عمالة تزيد
اقترح عليا زملائي اني اخرج اكشف بره
وفعلا خرجت . وقالتلي الدكتورة هو انت منهم ؟
المتفيرسين زادوا واحد
دا فيرس منتشر اليومين دول في الجو ومعدي جدا
جدا كمان بس هيروح بالعلاج ان شاء الله
أخدت طبعا العلاج علي أمل اني اعرف امشي حتي
من غير ما احط عليها منديل وابقي مسار للتساؤل من اي حد
بيقابلني ... واضطر للإجابة عن نفس الاسئلة كل مرة.
وعلي بليل كدا اللي بيجي عندنا بردو بليل الأمر اتطور جدا
وعيني التانيه اشتغلت وبقيت زي العيال اللي بيشربوا 
استغفر الله العظيم وبيعملوا حاجات استغفر الله العظيم
ااااااااااه ياعيني
واحد دكتور صاحبي قالي ان الفيرس دا مش بينفع معاه علاج
لأنه لازم ياخد دورته وهيروح لوحده 
يعني استحمل يابطل 5 ايام كدا
ادعولي يا جماعة ... ووحياة ابوكم اوعوا تدعوا عليا دلوقتي
عشان اكيد اكيد يعني
كل اللي قرا البوست دا جاتله العدوي 

الاثنين، 26 سبتمبر 2011

رغم الرحيل



رغم الرحيل.....
رغم ما فعلت بنا الأيام.....
قلبي لم يزل ....
يحيا وحيدا بالأمل.

الخميس، 22 سبتمبر 2011

بيني وبين حبيبي




انا كنت عارف ومتأكد من زمان انك معايا
بس مش عارف ليه كان الشيطان بيوحيلي غير كدا
أحيانا كنت بزعل منك
وأشيل في نفسي
وأقول ليه بتعمل فيا كدا ..؟
هو إنت مش بتحبني زي ما بحبك..؟
طيب ليه مش بتديني اللي نفسي فيه .. زي أي حد ؟
وليه بتحرمني من حاجات كتير نفسي فيها ...؟
وليه ... ؟ وليه ...؟ وليه .....؟
ويفضل الشيطان يلعب بيا وياخدني ويوديني
ويقولي كلام كتير عشان يبعدني عنك
وأبعد .... وأبعد ...... وتاخدني الدنيا عنك
والاقي نفسي صغير أوي ونفسي أرجعلك
وتروح الأيام وتيجي الأيام ... وأعرف قد ايه حبك ليا
وان كل حاجه عملتهالي هي الأحسن ليا
والاقي نفسي كل ما أطلب منك حاجه كنت بتستجيب
وتديهاني وانا مش واخد بالي
عشان كانت جاهل ... ملهي ..... ومستكبر
الأيام دي انت معايا اوي 
ومش بتسبني لحظه
بمجرد إني أفكر في حاجه الاقيها بقت قدامي
كل ما ادعي دعوة تتحقق
لو شكرتك لاخر عمري عمر شكري ما يقدر
ممكن أكون أسأت أدبي معاك دلوقتي وانا في حضرتك
لكن يكفيني فخرا أنك لي ربا
ويكفيني عزا انك لي صاحبا
لك الحمد حتي ترضي
ولك الحمد إذا رضيت
ولك الحمد بعد الرضا

السبت، 17 سبتمبر 2011

ورجعنالكم مرة تانيه



السلام عليكم ورحمة الله
عودا حميدا مرة أخري يا اغلي واعز ناس
انا غبت المرة دي غيبة طويله شوية
بس والله لظروف ما يعلمها غير ربنا
اهمها الشغل الجديد وجواز اختي 
اللي انا كنت فاكر لما تتجوز هرتاح منها
بس لقيت البيت بقي مالوش طعم من غيرها
ربنا يسعدها ويفرحها يارب
ان شاء الله انا موجود علي طول في اي وقت انا فاضي فيه
والحمد لله مشكلة النت عندي اتحلت علي خير
هتلاقوني في كل مدوناتكم 
وهكتب كتير ان شاء الله
تصبحوا علي خير