Pages

الجمعة، 30 أبريل 2010

90يوم فقط يا جدعان



الايام بتعدي أهي
بطيئة اوي زي ليالي الشتا
لكن في النهاية بتمشي
واهو يا جدعان
خلاااااااااااااااااااااص
عدوا معايا 90 يوم من النهارده
واكون خلاص بقيت ملك نفسي
في الملكيه يعني زي ما بيقولوا
يعني 3 شهور وبس
وابقي رئيس جمهورية نفسي يا جدعان
تصبحوا علي خير
ملحوظة صغنطوطة بس
النت عندي رايح في داهيه خالص
والشبكة كلها بقت في خبر كان
واديني بعافر علشان ارجع كل حاجه
علشان كدا مش بدخل كتير
تصبحوا علي خير تاني

الأحد، 25 أبريل 2010

i..love ..u..so... much


احبك جدا




وأعرف أني أعيش بمنفي




وأنتي  بمنفي





وبيني وبينك





ريح  ٌ





ورعد ٌ





وبرق ٌ




وثلج  ٌ




ونار ُ





وأعرف أن الوصول لعينيك ِ وهم ٌ





وأعرف أن الوصول اليك  ِ






إنتحار ُ



الجمعة، 16 أبريل 2010

تاج جرىء جدا



السلام عليكم احبائي 
ازيكم كلكم ويارب تكونوا بخير وبصحة وسعاده
اكيد طبعا كلنا عارفين التاج وانه عبارة عن شوية اسئله 
كل واحد بيحاول يجاوب عليها بصراحه
ومن قلبه لانها بتعرف الناس كلها اللي بيقروا الاجابات
عن حياتنا اكتر وبيقربوا منا اكتر واكتر
بصراحه الاسئلة دي او التاج دا
لما قريته في موقع من المواقع عجبني
مش علشان انا بحب نظام س و ج والكلام دا
علشان الاسئلة دي فيها شوية جرأة وطبعا اجابتها هتحتاج
جرأة اكتر
اتمني ربنا يوفقني اني اجاوب بصدق
يلا نبدأ

*
*
*

. ماذا ستكتب لنا لتعبر عن حياتك التي عشتها الى الان في كلمات قليله ؟

 
احيا لأبحث عن ذاتي

. اذا اردت ان تبكي الان , فعلى من تبكي؟

أبكي بجد علي نفسي وعلي شخصي
اللي اتغير كتير اوي منه وبحاول ارجع كل شىء زي ماكان
لكن فيه عقبات كتير لازم اتخلص منها الاول

من ستختار ليمسح دموعك ؟

أختار كل واحد بيحبني بجد وبيتعامل معايا
لشخصي انا مش علشان
حاجه  تانيه


لو خيروك بين حبيبك وبين اعز صديق فمن تختار ؟


مممممم
سؤال صعب بجد 
ومينفعش فيه الاختيار
لكن لو مفيش بد ان اختار هختار صديقي
لان الحب ممكن اعوضه اما الصديق مستحيل يتعوض
 

.من يسكن قلبك؟


اكيد اللي بحبه هههههههه


.هل تعتقد ان حظك سيئ؟


لا الحمد لله انا لا اؤمن اساسا ان فيه حاجه اسمها حظ
كل شىء مقدر والقدر طالما من عند الله
فلازم اتحمله سواء كويس او سىء


.هل هزمك حزنك في يوما من الايام؟


بصراحه  اه
مرة واحده بس
بعد قصة حب فاشله ويومها عرفت ان مفيش حاجه
في الدنيا تستاهل ان الواحد يحزن علشانها


.((مستحيل انساك)) لمن تقولها ؟


اقولها لكل اللي انا حبيتهم
لاني لما كنت بحب حد كنت بحبه وبجد
علشان كدا مستحيل انساهم


.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟


اقصد عدم البكاء علي اللبن المسكوب 
واني لازم ابص لنفسي كويس
وبلاش تفكير في اللي فات
لان التفكير في الماضي هيعطل مستقبلي اكيد


.(( انت كل شيء بحياتي )) لمن تقولها ؟


ممممممممم
لاشخاص معينه فمفيش حد اقوله كدا في الفتره دي
لان اللي كانوا يستاهلوا الجمله دي انا خرجتهم بره حياتي
لكن فيه اشياء كتير هي كل شىء بحياتي
منها مثلا
تفكيري في مستقبلي


متى اخر مره بكيت؟


لما توفيت جدتي بكيت بكاء مرير
وفضلت لايام كتيره بعدها بكائي لا ينقطع
ولما بفتكرها بردو دلوقتي بعيط علشانها
ربنا يرحمها ويتغمدها برحمته


اي الدول تتمنى ان تزورها ؟


بجد اتمني ازور السعوديه
ومش ازورها بس نفسي اعيش باقي عمري فيها
كفايه علي كدا


هل لديك الجرأه ان تقول عمرك أمامنا ؟


هههههههههههه عادي يعني
22 سنه و8شهور 
وبعدين ماهو مكتوب في المدونة 


هل انت راضي عن نفسك ؟

لا


.هل تؤيد الزواج العاطفي ام الزواج التقليدي ؟ ولماذا ؟


بص
كل واحد من الانواع دي له مميزات وعيوب
بالنسبه ليا انا انا اؤيد العاطفي
بس مش اي عاطفي
معني كلامي اني لازم اللي اختار اللي هرتبط بيها
واكون عارفها كويس جدا
التقليدي دا كان زمان ايام جدي وجدك ايام ما كانت البنت
بتوه لو خرجت بره الشارع بتاعهم
دلوقتي معدش فيه حاجه مضمونه
ولا ايه


.ايهما اهم شهادتك الجامعيه أم الزواج ممن تحب ؟


دلوقتي
الزواج ممن احب طبعا
بلدنا معدتش بتاعة شهادات 
ياعم خد شهادتي واديني فلوس اتجوز
انا موافق


.هل تعترف بشيء اسمه الصداقه بين الرجل والمرأة ؟


مممممممممم
علي حسب 
وعلي حسب شخصية كل واحد فيهم

.هل انت مدمن تفكير؟


لما بيكون في شىء يستدعي التفكير بس
لكن في الغالب مش بتعب نفسي في وجع الدماغ


.من هو اكثر شخص تفكر فيه؟

ايه يا عم حكاية الاشخاص دي
اكتر شخص بفكر فيه هو انا 
ودي مش انانيه
لاني لما بفكر ازاي هكون انا
فدا معناه اني بفكر في الاشخاص التانيه
معادله صعبه .. صح


.اذا تم تعيينك ملكا لجميع البلاد العربيه فما اول قرار ستتخذه ؟


احم .. احم
مرسوم ملكي من فخامة الملك المعظم ابراهيم ملك البلاد
اطال الله عمره وحفظه لنا امين جاء فيه
( أي سيدة مسلمة او فتاة بلغت المحيض تخرج الي الشارع 
وهي ترتدي زي السفور او غير مرتدية للحجاب الشرعي 
تعاقب عقوبة علنيه تقضي بقص شعرها عقابا لها علي فتنتها
للعيال الصيع اللي واقفين في الشوارع ولا شغله ولا مشغله )


.هل تكره شخص بشده في حياتك ؟


تصدق انا كنت برىء اوي ومكنتش اعرف يعني ايه اكره حد
لكن دلوقتي لما دخلت الجيش وعرفت اشكال والوان من البشر
بقيت بكره ناس كتير طلعوا ولاد تيييييييييييييييييت
 

.هل ملابس الشخص امامك تؤثر فيك لتأخذ عنه انطباع ؟؟


اه طبعا 
واي حد يقول غير كدا يبقي كداب
بص اصل بتخنق من اللي بيقولك كل واحد حر في لبسه
يعني ايه حر في لبسه
يعني تلبس هدوم مش هدوم اصلا وتمشي في الشارع
وتقولي المهم هي من جوا
لا طبعا اكيد اللبس المحترم بجد بيدي انطباع ان الشخص 
فيه شوية احترام


.ماالذي يلفت انتباهك بسرعه في الشخص لكي تعجب به ؟


انت تقصد الشخص راجل ولا ست
لو راجل فأنا بيلفت انتباهي طريقة كلامه بعرف منها علي طول
هو اي نوع من الرجال
اما لو بنت فبيلفت انتباهي حاجتين علشان احكم عليها
الحاجه الاولي طريقة لبسها
الحاجه التانيه والغريبه حركة عنيها
اكيد في ناس فهمت ولو فيه حد مفهمش يقولي في التعليق
وانا اشرح يعني ايه حركة عنيها


اذا احببت شخصا في الوقت الخطأ وفي المكان الخطأ فماذا تفعل ؟؟


ممممممم
اكيد قصة الحب دي مش هتنجح
علشان كدا بصارحه بحقيقة الامر
ان الموقف صعب بجد
وساعتها لو هو بيفكر صح هيفهم يعني


.حكمة تؤمن بها جدا؟؟


ما اصابك لم يكن ليخطئك... وما اخطأك لم يكن ليصيبك


.عاده تفعلها دائما تتمنى ان تتركها ؟

ممممممممممم
هو فيه حاجات كتير
حاجات ينفع اقولها وحاجات مينفعش
بس ممكن اقول اني اتمني ابطل اقعد ع النت 
الا لضرورة طبعا
واتمني ابطل ثقة زايده في الناس
دا اللي ممكن اقوله هنا


ماهو اجمل اسم لولد واجمل اسم لبنت من وجهة نظرك؟


يوسف 
ومريم 


.ماذا تفعل اول شيء اذا ربحت مليون ؟


مممممممممم
اشتري بيت كويس للعيله
واتجوز
انا مش انا ني علي فكره
خالص


.هل انت من لديهم رغبة حب التملك واذا تملك الشيء اصابه الملل منه ؟


ممكن اكون عندي حب تملك لكن لما املكه اكيد بعرف انا مالكه ليه
ومش بخلي الملل يتسرب لي منه 


.اعتذار تريد ان تقدمه لمن؟


لاي حد انا اسأت اليه في يوم من الايام
او تعديت حدودي معاه
وبعتذر كمان لاخواتي واخواني المدونين اللي مش بزورهم كتير
اكيد هم عارفين ظروفي 


 لمن تهدي هذا التاج من بعدك ؟


والله بهديه لاي حد دخل عندي وقراه وعلق عليه

السبت، 10 أبريل 2010

.....لحظه.....


جاء القطار الي المحطة متباطئا يدوي المكان كله بصوته..
توت... توت.... توت....
وانا واقفة في انتظاره .. ويا لحسن حظي النادر الوجود
فقد وجدت الباب امامي فدخلت فيه وانا امني نفسي ان 
اجد كرسيا استريح عليه من طول الانتظار
لكن من يحالفني الحظ فالقطار مزدحم جدا ولم تفلح
محاولاتي في العثور علي مكان شاغر
اخترت مكانا بين الزحام ووقفت فيه .. اسندت ظهري
وأضعت كتبي بين ذراعي وشردت بذهني مع الركاب
..
إن القطار عالم اخر فيه الباعه المتجولين
وناس من كل جنس ولون .. فهذا يضحك بصوت عال
وأانا أتسائل هل هو يضحك من أعماق قلبه أم أن بداخله
حزنا يخبئه خلف كل هذا الضحك..
وهذه تتحدث مع صديقتها ..
هل هي فعلا تكن لها كل هذا الحب الذي تحاول
أن تظهره لها أم ما بداخلها غير ذلك...
وهذا ثالث يجلس حزينا شارد الذهن
ياتري هل الدنيا بأكملها تستحق أن يجلس
الانسان حزينا هكذا ...
يا الهي .. ما هذا الازدحام الغريب رجلاي ما عادت 
تحملني لقد تعبت جدا من الوقوف
لكن حمدا لله لقد وصل بنا القطار وعليّ أن استعد 
لمعركة النزول لانني عندما أنزل من القطار اشعر بان
رجلي لا تلمس الارض من شدة الزحام
.....
رحت أرتب ملابسي واهندم مظهري ثانية 
وذهبت لكي أستقل ( اتوبيسا ) وبالفعل وجدته
وحمدت الله انني وجدت مقعدا خاليا فلقد تعبت من الوقوف 
داخل القطار فجلست وجلس بجانبي رجل عجوز
وأمتلا ( الاتوبيس ) بالركاب ومن بين هؤلاء الركاب
شخص كان يحمل معه حقيبه كبيره علي كتفه
ولسوء حظه لم يجد مكانا يجلس فيه 
وقف هذا الشخص بجانبي ويالغرابة الموقف
انني اشعر انني اعرف هذا الشخص جيدا
نعم إن ملامحه ليست بغريبه علي بل انها مألوفة جدا لعيني
لقد اصبح شكي اقرب لليقين انني اعرفه من قبل
ولكن يا تري من يكون هذا الشخص بملامحه تلك؟
إنه قمحي اللون أسود الشعر طويل القامه ذا عيون عسليه
تمنيت لو تكلم معي أو جلس بجانبي نتبادل الحديث 
إن حقيبته تبدوا ثقيله عليه وكان في حيرة من أمره
اين يضعها؟
فطلبت منه ان اخذ الحقيبه لكي اخفف عنه عنائها
لعل هذا الامر يحقق لي ما اتمني
بعدها بلحظات سمعت الرجل العجوز الذي بجواري 
يطلب من السائق ان ينزله في المحطه القادمه
فشعرت بنوع من السعاده وخيل لي في لحظه
أن العجوز سوف ينزل ويصبح مكانه خاليا
لكي يجلس فيه هذا الشخص الذي سياخذ مني الحقيبه
وبعد ذلك سيشكرني علي صنيعي فأرد له شكره
ثم انتهزها فرصه للحديث معه
كنت اتمني ان أن اساله عما اذا كنا قد تقابلنا من قبل
فيجيب علي ّ ويفكر معي ونتبادل العبارات ومن يدري
ربما سيكون بيننا حديث طويل وبالطبع سيكون لذيذا 
لابعد الحدود فإنه يبدوا وكانه شخصيه ممتعه
وحدث ما كانت اتمناه ووصلنا محطة العجوز التي سينزل
بها وقام العجوز من مكانه مستعدا للنزول 
واعتدلت انا في جلستي مستعدة للحديث الطويل الممتع
نزل العجوز في المحطه.. وبالفعل تقرب مني ذلك الشخص
وأخذ حقيبته وشكرني علي ذلك
ولكن يا الهي فقد نزل هو الاخر في نفس المحطه
دون ان يترك لي الفرصه ان اساله
ذهب واخذ مني كل ما تمنيته في لحظه
.....
القصة اللي فوق دي او الخاطره لو حبيتوا تسموها
انا لقيتها وانا بدور في اوراقي القديمة اللي بحب 
بين كل فتره والتانيه اني اقرا فيها علشان بتفكرني بكل
شىء جميل من الماضى خاصة واني واحد من اللي بيحبوا يحتفظوا 
باي حاجه حتي ولو كانت ورقة ملهاش لازمه
القصة دي مش انا اللي كتبتها لا
دي كتبتها صديقه او زميله كانت معايا في الكليه
انا كنت وقتها في سنه اولي جامعه وهي كانت اكبر مني شويه
لكن القدر جمعنا وكانت مدياهالي علشان اقول رايي
في اول محاولة لها في الكتابه
ياااااااااااااااه دنيا
يعني بقالها تقريبا كدا 6 سنوات
ياتري صاحبتها فين دلوقتي وياتري لو قريتها
في يوم من الايام هتعرف انها اللي كتبتها؟
قصة لحظة
بقلم 
شيماء غازي



الجمعة، 9 أبريل 2010

تحياتي


طال الغياب
لكن طالما فيه رجوع بعد كل غياب
يبقي مفيش زعل
بس والله كل حاجه بتبقي غصب عني
صحيح انا بكون موجود
لكن مكنتش بفتح المدونة خالص
ولا بقعد ع النت نوهائي
مع اني المفروض ابقي معاها ومعاكم علي طول اليومين دول
لكن نعمل ايه ؟ هي ظروفنا كدا ولازم نستحمل
كنت وعدتكم قبل كدا بشوية حاجات وهعملها ان شاء الله
بس الايام دي هايبقي صعب اني اقعد واكتب كتير
بس بعض الحاجات اللي مش هوجع دماغكم بيها
واهي فرصه اني اتجول شوية عندكم في مدوناتكم
واقرا اخر ابداعاتكم
تحياتي للجميع
وكل سنه وانتم طيبين