Pages

الخميس، 14 أكتوبر 2010

اجمل حب




الحب في حياة كل واحد منا ليه اسلوب وطريقة 
بتختلف عن غيره
منا اللي بيحب عشان ميعرفش يعيش غير وهو بيحب
ومنا اللي بيحب عشان بيلاقي في الحب نفسه
ومنا اللي بيحب عشان ميحسش بالنقص عن غيره
ومنا اللي بيداري عيوب كتير جواه بالحب
ومنا اللي بيحب عشان مصلحته ولما بتخلص مصلحته دي 
بيخلص معاها الحب
ومنا اللي بيمشي يحب علي نفسه وبشوف في اي حد 
بيعامله كويس ان دا حب حياته وانه قاعد يدور عليه من زمان
بس عشان تكمل كل قصة حب جميلة من دي
لازم يكون فيه طرفين
والطرفين دول بلغة العلوم لازم يكونوا موجب وسالب عشان تكون
قوي الجذب بينهم اكبر ما يمكن
عشان استحالة هيعيش الحب اذا كان الطرفين ليهم شحنه واحده سواء موجبة
ولا حتي سالبه التنافر اللي هيكون بينهم كفيل انه يموت الحب دا
وكل واحد بيحاول من ناحيته انه يخلي حبيبه دا اسعد واحد في الدنيا
وبيحاول يبان قدامه انه شخص مميز عن غيره
ويفضل يتقلب من فرح لنشوة لغضب وحزن وعيون مترتاحش
وساعات بتزداد الامور سوء لما يفشل كل واحد انه يبقي مع التاني
وهكذا .. هي دي قصص الحب اللي نعرفها
لكن تصدقوني لو قلتلكم ان اجمل مرة حسيت اني عايش قصة حب امتي؟
حاجه محدش يصدقها
لما كنت بحب حد وهو ميعرفش
يعني حب من بعيد لبعيد
كانت عندي مشاعر جميله اوي
رغم ان اللي بحبه ميعرفش بكدا
مشاعر اقوي من اي مشاكل بتحصل بين اتنين
اقوي من الاهل والظروف والمجتمع
الحب من طرف واحد مش دايما بيكون وحش
انا عرفت انه كان اجمل حب حسيته
لما عشته 
وعايشه دلوقتي
حتي لو مكنتش بحب حد بعينه
اصله حب خيالي شوية
يعني بيديني حرية اتي احب اي حد في الدنيا
في اي بلد
حاجه غريبه
لكن جميله
اكيد كلنا جربناه




هناك 15 تعليقًا:

Dr/ walaa salah يقول...

غريبه انك توصف الحب من طرف واحد الوصف ده

اكتر الناس بتقول ان ده اصعب انواع الحب لأنك بتوصل لمرحله انك بتتمنى ان الطرف الاخر يعيش المشاعر دي معاك

اما من ناحيه ان الطرفين لازم يكونوا مختلفين ده صح جداً واكتر القصص الناجحه بتثبت ده

موضوعك جميل اوي

في انتظار جديدك

غير معرف يقول...

اختلف معاك

لا الحب من طرف واحد جميل.... لا الاختلاف بيكون سبب تقارب

التفاهم وتقارب التفكير والثقافه والمستوى الاجتماعي اساس الحب

تحياتي

غير معرف يقول...

الحب حالة لا توصف ...
المصلحة لا تندرج تحت اسم الحب...
حب من طرف واحد لا يكتمل دون الطرف الاخر وتبادل المشاعر والاحاسيس
حب يمزق قلب الحبيب
والطرف الاخر لا يدرى
ممكن تحصل واهى حصلت معاك بس قدرت ؟؟؟
بوست جميل
ربنا يسعد قلبك وقلوب كل البشر
تحياتى لشخصك

ساسو يقول...

بوست في منهي الجمال
بجد تسلم ايديك
انت فنان
ومواضيعك كلها جميله جدا

sony2000 يقول...

الناس كلها هتختلف معاك
بس لما هيعيشوا نفس التجربه
وهيبقي في اتفاق
مهو موش كل قصه ذي التانيه ابدا
ربنا يوفقك لما فيه الخير ليك يارب

Tarkieb يقول...

خلصت الجيش بقى وداخل ع الحب ياريس ههههههه..ايه فكرك به دلوقتي؟

Soul.o0o.Whisper يقول...

عارف

أنا بأعتقد ان التجربة أمر شخصى

صحيح فى تجارب المعظم بيتفق فيها
لكن يبقى لكل قاعدة شواذ
و دا طبعا لأننا مش كلنا واحد

فى ناس بتشوف الحب اللى من طرف واحد ملوش معنى غير العذاب للشخص دا

و دا غالبا لأن اللى بيحب عاوز يحس انه بيتحب بردوا

لكن فى ناس بتحب لاجل الحب نفسه
و دى اللى ممكن تستعذب الحب من طرف واحد


يمكن أكون صح و ممكن أكون غلط بردوا

دمت بود

غير معرف يقول...

شكرا على البوست

شمس النهار يقول...

الحب الصح الحقيقي تكامل في كل شئ

ناقص عندي موجود عنده
ناقص عنده موجود عندي

ووصفك للحب من طرف واحد لطيف وجديد


وونبي يابني راعي سن ماما شمس ونظرها وماتكتبش بفونت صغير وكمااان ااالوان
لا دي مؤامره بقا
:)))
ربنا يسعدك
:)

جايدا العزيزي يقول...

انا معاك فى كل كلمه واؤيدها

موضوع رائع

دمت متميز

واشكرك

تحياتى

همس يقول...

معرفتش برده انت بتحب ولا لا ياهيما

غير معرف يقول...

حلوة اوي وفعلا الكلام صح

أمل حمدي يقول...

كل سنة وأنت طيب ويارب تكون بخير يارب

Tarkieb يقول...
أزال المؤلف هذا التعليق.
بنت الإسلام يقول...

موضوع جميل جدا يا مستر إبراهيم
أشكرك