السلام عليكم
ازيكم
طبعا وحشتكم اوي ....... صح؟
ياعم وحشتنا ايه دا انت كل يوم هنا
هو دا جيش؟... ولا دا سلاح اللي انت فيه
دا احسن من سلاح التلميذ بشويه
ماشي يا سيدي
المهم
طبعا العنوان خضكم
وكل واحد بيسال نفسه ايه الحكايه دي؟
هحكيلكم طبعا
صلوا بينا ع النبي
طبعا انتم عارفين اني مجند في البحريه
وعارفين كمان ان المكان اللي انا فيه قريب اوي من بيتي
علشان كدا بكون موجود معاكم باستمرار والحمد لله
وربنا يديمها علينا نعمه
يوم الحد اللي فات بقي كان معاد سفري
اتكلت علي الله ومشيت
ومكنش معايا حاجه خالص غير محفظتي
اللي فيها الكارنيه بتاع الجيش ( البلوه) دا
وشوية فلوس صغنطتين كدا حوالي 70 جنيه
واتنين تلاته جنيه فكه والبطاقه وورق شخصي
وكد ايعني ....المهم
واتنين تلاته جنيه فكه والبطاقه وورق شخصي
وكد ايعني ....المهم
ركبت مواصله من حته اسمها ( الطابيه )
للمكان اللي فيه تجنيدي
للمكان اللي فيه تجنيدي
المواصله دي تقريبا 5 دقائق بالعربيه
طلعت المحفظة دفعت الاجرة ودخلتها تاني في جيبي
ونزلت لما نزلت بحط ايدي في جيبي ملقتش حاجه
ونزلت لما نزلت بحط ايدي في جيبي ملقتش حاجه
المحفظه فص ملح وداب
طبعا انا وشي جاب الوان وقعدت اضرب اسباع في اسداس
اعمل ايه ياناس؟ واتصرف ازاي؟
كل اللي كان شاغلني الكارنيه بتاع الجيش..
هعمل ايه وهو مش معايا
هعمل ايه وهو مش معايا
دا غير الجزاء اللي هاخده وهتحبس
لانه اهم حاجه في المهمات اللي معايا
وضياعه معناه اني مهمل
وضياعه معناه اني مهمل
المهم
كان معايا واحد زميلي اخدت منه فلوس وطلعت بره تاني
طبعا لاني خلاص معدش معايا الحديده حتي
والفلوس اللي كانت في المحفظه كنت هقضي
بيها الكام يوم اللي بقعدهم
بيها الكام يوم اللي بقعدهم
ركبت وروحت ورا العربيه زي المجنون
ولا لقيت لا العربيه ولا السواق وقعدت اسال السواقين كلهم واديلهم مواصافات السواق
ولا من شاف ولا من درى
رجعت تاني علشان متكتبش تأخير .. واهو كله سواد
بعد ما خلصت طابور الصبح جريت للظابط بتاعنا
وقولتله يافندم انا محفظتي ضاعت وانا جاي
وقولتله يافندم انا محفظتي ضاعت وانا جاي
قالي طيب وايه يعني
قولتله يافندم فيها الكارنيه والبطاقه والفلوس وكل حاجه
قالي فيها الكارنيه...؟
قولتيه اه
قالي (........) انت عسكري مهمل ومستهتر
وتستاهل اللي هيجرالك
وتستاهل اللي هيجرالك
قولتله يافندم طيب اعمل ايه بس انا قولتلك اللي حصل
قالي استني بقي لما تعمل محضر وتعمل بدل فاقد
بس لازم هتاخد جزاء ياحلو وتتسجن
اقل حاجه شهر سجن
اقل حاجه شهر سجن
اجري من وشي يلا
طبعا انا مشيت ورجلي بتخبط ع الجيران
والمركز كله عرف ان كارنيهي ضاع
وكله يقولي معلش ان شاء الله هيرجع
وانا اقولهم يارب
المهم الكارنيه مش مهم اي حاجه تانيه
المهم
في نص اليوم كدا لقيت الصول بينادي اسمي
وبيقولي افرح ياد لقينا حاجاتك واحد لاقاها
واداها لواحد زميلنا وهيجبهالك
وبيقولي افرح ياد لقينا حاجاتك واحد لاقاها
واداها لواحد زميلنا وهيجبهالك
متتصورورش والله قد ايه كانت فرحتي برجوع حاجاتي
طبعا تفاصيل رجوعها كانت مثيره بردو
المهم اني اتصلت باخويا وخليته راح قابل الراجل اللي معاه الحاجات بتاعتي وجابها منه
بس تعرفوا والله الحرامي دا طلع ابن ناس وكريم اوي
اخد ال70 جنيه وسابلي 2 جنيه فكه
اهو قال ممكن اجيب حاجه ساقعه ولا حاحه
دا انا في جيش وغلبان
بذمتكم مش حرامي كريم بردو
بس الحمد لله ان الكارنيه رجع بالسلامه
واني انا كمان رجعت بعد ما كنت هفقد الامل
يلا
ادينا بنتعلم
تصبحوا علي خير