بمناسبة نتيجة الثانوية العامة أنا كنت ثانوية عامة ٢٠٠٤ وجبت مجموع ٩٥% علمي علوم وكنت طاير من الفرحة لأني خلاص هدخل الكلية اللي بحلم بيها والناس كلها بتيجي تباركلي.وقتها كان مجموعي كويس جدا وعلى مقاييس السنة اللي قبلها هدخل صيدلة مرتاح أوي لكن تأتي الرياح بما لا تشتهي السفن والتنسيق كان صدمة لدرجة اني ملحقتش أي كلية أبدا من أي تخصص طبي حتى الطب البيطري فرق معايا على نص درجة وجاتلي الرغبة رقم ٤٦ كلية التربية
طبعا جالي انهيار واكتئاب وعلى رأي حسام حسن احنا كنا قريبين أوي ومقدرتش افوق من الصدمة غير متأخر أوي لكن بعد ما كنت خسرت حاجات كتير ( لا داعي لذكرها ) واضطريت اكمل في تخصص مش مرتاح فيه ولا كلية حاببها لكن أقدر اقول اختيار ربنا مفيش احسن منه،..
الطريق الجديد اللي اترسملي غصب عني لقيت فيه خير كتير أوي وحاجات جميلة مكنتش أبدا احلم بيها..
الخيرة فيما اختاره الله ومفيش حد بياخد غير نصيبه
