Pages

الأربعاء، 15 أبريل، 2009

بتحلم بايه


بتحلم بإيه؟


لما انسألت السؤال دا مفكرتش كتير .... لان حلمي موجود جوايا من زمان

من ايام ما كنت لسه ولد صغير شايف الدنيا بعيوني الصغيره بردو

شايفها واسعه ومليانه طموح وامنيات

بس لما كبرت شويه ..... شوفت حاجات كتير علي حقيقتها ... حاجات اتلونت مع الايام

واتغير شكلها وبقت بميت وش

بحلم بإيه..........؟

ياااااااااااااااه

بحلم بحاجات كتير ..........أوي

انت بتسالني عن حلمي انا ... ولا بتسال الحلم عني .. ولا مش هتفرق طالما الاتنين احتمال ميلاقوش بعض

طيب يا سيدي انا هقولك بحلم بإيه

بس وحياة ابوك ... سبني اتكلم ومتضحكش علي كلامي

بحلم.....

بحلم اني اعيش لغاية ما اموت ( يعني ما اموتش وانا لسه عايش)

بحلم اشوف في المرايه شكلي ( مش وش مزيف كأنه قناع )

بحلم الاقي نفسي في بلدي ( من غير وساطه ولا وجاهه ولا محسوبيه ولا طوابير ولا قلة قيمه ولا تطنيش ولا استهتتار ولا ولا ولا )

بحلم اني اسامح نفسي علي كل غلطة عملتلها ( حتي لو الناس سامحتني )

بحلم اني اعبر عن شعوري ( من غير خوف او خجل )

بحلم اني اقول بحبك من قلبي ( لكل حد انا حبيته فعلا ولسه ميعرفش الكلام دا)

بحلم بحاجات كتيرررررررررررر بس مش عارف احلم بيها ازاي

ياتري حلمك انت ايه؟

ولا السؤال صعب عليك؟

هناك تعليقان (2):

همس يقول...

فعلا سوال صعب عارف ليه عشان مش كل حلم سهل تحقيقه
عشان كدا كتير الحلم بيموت قبل ما يكتمل وتلاقى نفسك ضايع ولازم تربط ايديك ورا ضهرك والدنيا هى اللى ترميك الحلمماهو مستحيل لكن تحقيقه محال لو عشنا على الاحلام هنضيع بس تعرف احلامك بسيطه وادتنى امل جديد شكررا ليك

روز يقول...

بحلم انى اغير حياتى كلها
واقلبها رأسا ع عقب ..
بحلم انى اكون سعيدة فى حياتى000
بحلم انى احقق ذاتى واكون شخصية معروفة ع مستوى العالم قولوا اميييييييييييييييين00
بحلم انى ابتكر حاجة جديدة او اخترع شئ جديد وقريب ان شاء الله بس ادعولىىىىىىى
وبحلم انى الف العالم كلة كلة