Pages

الجمعة، 10 أبريل، 2009

فتافيت


في يوم من الايام


1: ممكن اقولك حاجه؟


2: قول


1: بصراحه انا حاسس .......


2: حاسس بايه ؟


1: حاسس اني مشدودلك اوي


2: مشدودلي ازاي يعني؟


1: زي الناس ..... هي الناس بتتشد ازاي؟


2: ......... ( مفيش اجايه )


1: مالك؟


2: مش عارفه


1: مش عارفه ايه بالظبط؟


2: مش عارفه اقول ايه اصل الموضوع فاجأني


1: اه مهو باين فعلا..... طيب رايك ايه؟


2: في ايه؟


1: ايه دا هو انا بكلم نفسي ؟ رايك في كلامي طبعا ؟


2: بردو مش عارفه





بعدها بكام شهر كدا


1: وحشتيني اوي


2: والله ؟


1: اه والله


2: اها ... اوك


1: اها... اوك... هي دي اجايه؟


2: عايزني اقول ايه يعني؟


1: لا لا لا متقوليش حاجه



وعدي كمان كام شهر ( بس مش كتير )


2: عايزة اقولك علي حاجه مهمه؟


1: قولي طبعا ها مالك؟


2: انا خايفه اوي


1: من ايه؟


2: من كل حاجه


1: انا اعتقد ان الخوف دا عادي طالما موصلش لحد انه يسيطر علينا


2: مش عارفه؟


1: طيب ممكن اسئلك سؤال؟


2: اه


1: انتي بتحبيني؟


2: .... انت بتسال السؤال دا ليه؟


1: جاوبي؟


2: مش دا موضوعنا


1: لا موضوعنا وعايزك تجاوبي


2: مش عارفه


1: ايه حكاية مش عارفه دي؟


2: مش عارفه


1: والله.... انا اللي مش عارف اقولك ايه


2: بص .. اصل انا محتاره


1: محتاره... بعد دا كله ومحتاره


2: انا خايفه


1: تاني خايفه




بعد شوية ايام وبردو مش كتير


2: مالك؟


1: مفيش


2: لا في


1: انتي ليه بقيتي ممله كدا


2: اناااااااااااااااااااا؟


1: امال انا


2: الله يسامحك


1: يارب سامحني


2: متشكره اوي علي الشتيمه دي


1: غريبه


2: هو ايه اللي غريبه


1: اصلك اول مرة متقوليش مش عارفه


2: ههههههههههه


1: افهم من كدا ايه يعني


2: مش عارفه


1: تاااااااااااااااااااااااني

هناك 11 تعليقًا:

نجمه فى السما يقول...

اه وبعدين

beautiful mind يقول...

بس كدا هههههههه

امال هي اسمها فتافيت ليه

انا سعيد جدا بمشاركتك ورايك يا نجمه

ويارب تنورينا دايما

غير معرف يقول...

ههههههههههههه ربنا يصبرك عليها
بس ساعات الانسان بيكون فعلا مش عارف او بيهرب من الكلام بانه يقول مش عارف
بس بجد كلمه تضايق خصوصا لما تقعد تكلم شخص ومنتظر من رد وفى الاخر يقولك مش عارف وتلاقيه والله عارف
ههههههه والله انا بقى دلوقتى مش عارفه التعليق هيوصل ولا لا اصل كل ما اجى اعلق على موضوع التعليق ما يكملش

beautiful mind يقول...

كان نفسي تكتبي اسمك لكن فعلا كلامك جميل اوي
وعندك حق فعلا وفهمتي الموضوع
اهلا بيكي ويارب متكونش اخر مرة نشوف فيها كلامك

روز يقول...

موضوع حلو ورائع واللى عاجبنى اكثر طريقة كتابتك لييييييييييييييية
بس يمكن انت مبالغ شوية ولا دا علشان الموضوع يبقى حلو؟؟؟؟؟؟؟؟؟؟؟؟؟

beautiful mind يقول...

ازيك يا روز واهلا بيكي يا عسل في المدونه وشكرا جدا لرايك الجميل بالنسبه للمبالغه هو الموضوع مش مبالغ اوي وان كان فيه مبالغه فهي بسيطه ودا زي ما قولتي لغرض الكتابه فقط وللعلم الموضوع لم ينشر الا بعد موافقة ابطال هذه القصة عليه

نجمه فى السما يقول...

اكيد هنوركم دايما لان روددك ذوق جدا مع المشاركين شرف لى

غير معرف يقول...

الله يعينك بس بلااها الوقفه بالمترو لو سمحت

غير معرف يقول...

الله معك ان شاء الله

beautiful mind يقول...

ربنا يبارك فيكم كلكم بس اوعي تفتكرو اني بطل القصه ههههههه انا مجرد كاتب او شاهد عيان ولو عايزين ابقي البطل اوك موافق هههههههه
اتمني منك المزيد يا نجمه لانك فعلا نجمه ولا تحرمينا من ردودك ومتابعتك وياريت كل اخواتي يكتبو اسم علشان اعرف ادي لكل واحد ما يستحق

Ali Ahmmad يقول...

هاي أريد أصدقاء