Pages

الثلاثاء، 15 ديسمبر، 2009

والله العظيم مش انا



اولا ازيكم كلكم
عايز اقول لكل اللي سالوا عليا انا بخير الحمد لله
وكل شىء تمام
وانا اللي كنت غايب  بقصد
كنت حابب ابعد شويه
يعني تغيير جو ممكن
او الهروب من الجو احتمال
وملقتش مكان اكون متواجد فيه وانا بالي خالي
مش خالي اخو مامتي هههههههه ( رخم اوي )
غير اللي المكان اللي انتوا عارفينه
وعدي يوم ورا يوم
وانا مستمتع بجد
عايش مع بشر من اصناف وطباع شتي
الطيب والشرير والمؤدب وقليل الادب
كله كله
بس مدونتي والناس واللي فيها مغابوش بجد عني
وحنيني ليهم كان كل يوم بيزيد
وكان قدامي اختيار من اتنين
يا اما اروح البيت علشان اشوفهم واطمن عليهم
يا اما استني هناك واتصرف
ففضلت استني هناك
بس اتصرف ازاي
لغاية ما صدفة لقيت واحد زميلي معاه موبيل فيه نت
( بس اوعوا تقولوا لحد علشان ميتاخدش منه )
المهم
جيت طالب منه انه يدخل علي المدونة
وقد كان
وشوفت شىء مستفز بجد
حاجه تخلي الواحد يجيله شعور بالكيد والغيظ
واحد مريض نفسيا مقدرش اقول عليه غير كدا
دخل الشات بوكس وكتب كلام باسمي
كاني انا اللي بقوله
وبدا يشتم الناس بقلة ذوق
انا مش عارف ليه فيه ناس كدا
ليه فيه حد جبان كدا
مهو لو هو فيه ذرة شجاعه ومسؤليه مكنش عمل كدا
طيب هيستفاد ايه
اكيد الناس لما تقرا كلامه مش هتصدق انه انا
خاصة الناس اللي تعرفني كويس
والحمد لله
هم اتصلوا بيا وقالولي ان فيه حد بيتكلم باسمي
يعني اللعيه اللي بيلعبها بانت
انا بقوله عيب كدا
ولو انت زعلان مني ف حاجه قولي
قولي قدام الناس دي كلها
ولو انا غلطان هعتذرلك قدامهم بردو
لاني مش جبان زيك
وعلي فكره
انا جيت النهارده مخصوص علشان اشوف الحكاية دي
وكنت ناوي اشيل الشات بوكس خالص
واعمل اشراف ع التعليقات كمان
بس لقيت اني كدا هحط نفسي في مواجة عيال
اطفال يعني
ورجعت عن قراري دا
عشان كدا بقولك
اعمل كل اللي انت عاوزه
واذا خاطبك السفيه فلا تجبه
فخير من اجابته السكوت





هناك 16 تعليقًا:

همس يقول...

اكيد انت اكبر واعظم عندنا من انك تقولنا انت مين شويه عيال وغلطوا ومكنوش يستاهلوا انك تعبرهم حتى احنا بنحبك اوى يا هيما

dodoo يقول...

مااعتقدش ان فيه اى حد ممكن يصدقك عليك حاجه وحشه

فمايهمكش خاااااااااالص

وحمدالله على السلامه

donya يقول...

مساء الخير
حمد الله علي السلامه
كلنا عارفينك وعارفين ادبك حتي في الاختلاف
اي حد يدخل يعمل حاجه
هيتكشف علي طول
ماتخافش
المفروض اننا عارفين بعض كويس
انا لسه بقالي تلات شهور وقدرت احكم مين الكويس ومين الوحش

تحياتي

ستيته حسب الله الحمش يقول...

عارف يا هيما
لأ الأول اقول لك حمد الله على السلامة ويارب دايما معانا
وارجع اقول ‘ارف يا هيما احنا اللي بندخل عند بعضيتنا تقريبا عارفين احنا مين
الأصل ايه من غير ما نعرف بعض
الدين والأخلاق شكلها ايه
المصيبة بقى ان يوم ما دخلت التدوين كان ناس محددة اللي بيتغلس عليها
لاحظت مؤخرا ان الغتاتة بقت عامة
وان السخف بقى على كل المدونين
كل واحد بيسخف لسبب
بس كل اناء "قليل الأدب" بينضح بما فيه
من عدم رباية
وأمراض نفسية
انا مشفتش الشات بوكس
بس من غير ما تقول
مكنتش ها اصدق
ربنا يحفظك وترجع نفسيتك زي الفل وكل شيء يبقى لك كما تحب واكتر
تحياتي

الفراغ يقول...

سلام عليكم
انا بس زعلت علشان بنتنا ايناس زعلت منك
بس لازم طالما ماكنتش انت
انك لازم تروح عندها وتوضحلها الموقف
وزى انت ماقلت انه انسان جبان وسافل
ويجب الا نعطيه مايريد
بان نكون متماسكين ولا نقع فى بعض بسبب انسان غير مسمى
وخلاص ياعم كفايه اجازه وارجع بقا
ولاتترك الساحه فارغه للمدعين

وبعدين انت فى اجازه ازاى؟؟؟؟؟؟؟؟؟
مانا اهو فى الشغل واتمنى اجازه ومش لاقياها

beautiful mind يقول...

همس
ربنا يخليكي يارب
واكيد انا كمان بحبكم جدا
ودا اللي خلاني اوضح اللي حصل
دايما منوراني
تحياتي

beautiful mind يقول...

دودوووو
ربنا يسلمك ويخليكي
بجد انتي حد جميل جدا
كلامك بيدل علي شخصيتك
تحياتي اليكي

beautiful mind يقول...

دنيا
الحمد لله انك قولتي عليا كدا
بجد انا سعيد بكلامك
وان شاء الله ربنا يديم الخير
بين كل المدونين الشرفاء
ويبعد عنا شوية العيال دول
تحياتي

beautiful mind يقول...

د ستيته
والله انتي عارفه اني بفرح جدا لما بلاقي حضرتك علقتي عندي او كتبتي بوست جديد
ومش عارف اقول ايه غير
حسبي الله ونعم الوكيل ف اللي بياذوا الناس كدا
انا سعيد بوجودك
وربنا يديم بينا الخير
وتحياتي الجميله اليكي

beautiful mind يقول...

الفراغ
وعليكم السلام
بجد انا اول مرة اسمع الكلام دا
ايناس زعلت مني انا
طيب ليه
والله العظيم ما عملت ولا قولت اي حاجه تسىء اليها
ايناس اخت غاليه علينا كلنا وبعدين دي اكتر حد بيزور مدونتي وبيعلق عندي
اكيد البني ادم دا دخل عندها وقال كلام بردو علي لساني
انا لازم اروح عندها واشوف اللي حصل بالظبط
وانا متشكر انك لحقتيني وعرفتيني بالموضوع

الايــــــــــام يقول...

السلام عليكم ورحمة الله وبركاته

الف حمد الله ع السلامه اخي في الله منور البلوجر بعد غيبه طويله..

وانا بجد بستغرب من تصرفات بعض الناس ..-الي عندو شجاعه ما يستخبه وراءاسامي ناس تانيه لأي سبب كان يدخل باسمه ويقول الي هو عاوزو لو ما يستحي من نفسو..ويواجه الشخص المعني بالامر ايا كان


- ان لم تستحي فاصنع ما شئت -


هدانا الله واياكم الى ما يحبه ويرضاه


تقبلوا فائق التقدير والاحترام

ريمان يقول...

شيل الشات بوكس خالص


مش عارفه ايه بجد الناس دى حسبى الله ونعم الوكيل


ناس دماغها تعبانه او ناس فاضيه وتافهه


معلش ولا يهمك

المهم حمد الله ع السلامه

beautiful mind يقول...

الايام
انا سعيد جدا بزيارتك
وربنا يهديه
علشان دا بجد شخص مريض
انا شيلت الشات بكوس خالص
لانه كان بدا يتلفظ باالفاظ نابيه
تقبلي مني كل تحبه

beautiful mind يقول...

ريمان
انا شيلته فعلا
بعد ما لقيته قال كلام والفاظ جارحه
معلش
فيه ناس فعلا عديمة التربيه والاخلاق
تحياتي

sookra يقول...

اولا حمدالله على السلامه
ثانيا ولاتزعل نفسك خالص
القافله تسرى والكلاب تعوى
وبعدين احنا عارفينك وكلنا موش نصدق العيال ولانعمل عقلنا بعقلهم
مساك شيكولاته بلون قلبك

El_Tahan يقول...

واذا خاطبك السفيه فلا تجبه

فخير من اجابته السكوت


هوه ده عين العقل