Pages

الثلاثاء، 1 ديسمبر، 2009

لازم اتكلم



مش ذنب الانسان انه يلاقي نفسه بيحب حد
ويوصل حبه له انه يتعلق بيه لدرجة انه مش ممكن يتخيل ابدا حياته من غيره
ويفضل يبني احلام واحلام وكل حلم يجره للتاني
ويعيش اسعد ايام عمره
لكن ميعرفش ان القدر مستنيه وان فيه حاجات كتير مكشره انيابها
ومستعده انها تقتل احلامه دي وتموت اي لحظة سعاده كان بيعيشها
ويقف الانسان دا عاجز بمعني الكلمة
يبكي.... وهيعمل ايه البكاء؟
يتحدي حياته؟.........يتحدي القدر؟
مين عنده استطاعة انه يتحدي القدر؟
ويعيش متخبط
مش عارف يعمل ايه؟
يعمل ايه وكل حاجه بتضيع منه؟
يبقي مفيش غير الاسف
يمكن دي الكلمة الوحيده اللي ممكن يقولها
لانه ضعيف
لانه عاجز
لانه ميستهلش حتي ان حد كان يهتم بيه
مش ممكن يكون انسان
مش ممكن يكون جواه احساس
لانه معرفش يحافظ علي اجمل حاجه في حياته
الدموع اللي نازله دي عمرها ما هتغفر اللي عمله
بقي كابوس
ومش عايز يفوق منه
لازم يرحل دلوقتي
لازم ميظهرش في حياة اي حد تاني
زي المخدر بالظبط
لازم ينسحب من الجسم بهدوء
رغم الالم اللي هيسيبه
رغم العذاب اللي هيعيش بيه
بس لازم ينتهي من حياته
************
إذا ارت شيئا بشده فأطلق سراحه
فإن عاد اليك فهو لك
وإلا
فهو لم يكن لك من البدايه

هناك 19 تعليقًا:

dramaqueen يقول...

تقريبا انا اول تعليق

المهم
مش ذنبه انه معرفش يحافظ على حبه
ومش هيقدر يتحدى القدر
بس مينفعش قول انا عاجز وضعيف وقليل الحيلة
مش كل حاجة عايزنها فى حياتنا بتحصل
ياما ناس نفسها فى حاجات ومش بتقدر تحققها
ربنا مش كاتب لك كدة
مفيش نصيب
اكيد ربنا شايل لك خير بعد كدة
او يمكن ربنا بعد عنك اذى

من حقك تبكى وتتألم لكن لازم تقوى وتقوم من تانى لان الدنيا مش بتقف عند حد
ولو كانت بتقف كان وقفت على ناس اهم كتير ماتوا زمان
عارفة ان الاحساس بفقدان اهم شئ فى الحياة صعب لكن ممكن تكون بتتوهم انه اهم شئ

المهم تدور على حد يبقى مهم بعد كدة

سلام

donya يقول...

مساء الخير

بوست له معني كبير جدا
وساعات اللي بتحبه ده مايكنش بيحبك زي ماانت بتحبه وبتفضل تتعذب جنبه
وهنا احسن حل انك تبعد علشان لاهو ينهار والا انت تنهار
ولو ان كتير لما بيعملوا كده بينهاروا فعلا لكن انهيار ساعه والا كل ساعه

تحياتي

dodoo يقول...

لو فى ايدك اىىىى حاجه تعملها ولو فيه امل بسيط امشى وراه لغاية اخرررررر لحظه

ماتتخلاش عن حلمك وافضل متمسك بيه لغاية ماتقول انا مش فى ايدى حاجه اعملها خلاص

ومادام مش فى ايدك حاجه تعملها يبقى اكيد ربنا مقدرلك الخير داااااايما

بس اهم حاجه انك تتاكد انك ماظلمتش حد لان مكانش فى ايدك تعمل اكتر من كده

واللى من نصيبك اكيييييد هتاخده

اذا اردت شىء " فاسعى اليه " ولا تنتظر قدومه

ربنا يوفقك ويسعدك

dodoo يقول...
أزال المؤلف هذا التعليق.
ستيته حسب الله الحمش يقول...

طالما القدر مستنيه
والقصة قدرية بحته
ساعات الإنسان ميعرفش فعلا وصدقا يعمل حاجة
شوف
عجبا لأمر المؤمن كله خير
ولذلك ساعات منفهمش الحكمة القدرية من اللي حصل
وساعات منكونش عاوزين نفهم
وساعات نعيش ونموت حتى من غير ما نفهم
بس كل انسان ذو عقل واعي يعلم شيء واحد بشكل يقيني
لو كان خيرك لكتبه الله لك
وساعتها مش لازم نجيب حد نحط عليه اللوم في الفراق ده
هو كمان يمكن تكون قدرته قاصرة عن اتخاذ اجراء ضد احكام القدر
وكده كده عاندنا حاربنا
اتخانقنا مع طواحين الهوا
أمر الله نافذ نافذ
ولو كان خيرك لأنفذه الله

تحياتي وخالص دعواتي وبوست حلو قوي ومكتوب من جوا القلب

ستيته حسب الله الحمش يقول...

اين تعليقي
اختفى والا انت عامل اشراف
خد بالك انا بعمل دلوقت تست بالمفك الكهربا

sookra يقول...

اقدارنا نصيبنا واختيارنا
نختار غلط ونقول قدر
طيب ليه
مانختار صح ولو حصل واختارنا غلط وكملنا والقدر كان موافق على اختيارنا الغلط يبقى ليه نظلم القدر
تحياتى
مساك شيكولاته

الايــــــــــام يقول...

ليس كل ما يتمناه المرء يدركه


اي نعم ليس ذنبنا ان احببنا شخصا وبنينا عليه احلاما وجاء القدر ليعكسها ونقول ان هذا ضعف او عجز ..اطلاقا .. فيه قصص حب كثيره نجحت وفيه اكثر فشلت لكن الي يحب بجد لازم يحب الخير والسعاده لحبيبه مع من كان واين ما كان اذا فرقت بينهما الاقدار ...
هذه وجهة نظر .


اشكرك على الزيارة الطيبه

ولك وافر التحايا والتقدير

rony يقول...

مش كل حاجه بنتمناها بنحصل عليها
بس عايزه اقولك محدش بيموت من الحب
او لانه محصلش على حبيبه
لكن عينيه هتدمع شويه ويمكن شويه كتيييييييييييير لانه مالوش حيله غيرها هى الوحيده اللى هتريحه وهتطلع اللى جواه وهيتبقى له ندم احتمال !!!
حنين جايز !!!!! ووحشه واشتياق اكيد.
لكن برضه مش هيحل حاجه فى الموضوع ولا هيرجع اللى كان يمكن كمان ساعات يحس انه(لانه ميستهلش حتي ان حد كان يهتم بيه)
مالوش غير ان ربنا يصبره

جميل البوست بتاعك وتسلم ايديك واحساسك
تحياتى

rony يقول...
أزال المؤلف هذا التعليق.
حبيبه يقول...

ممكن حد بيكون بيحب حد قوي
بس بيبعد عنه علشان مش قادر
انه يعيش من غيره
كويس انهم بعدو في الاول
وهم لسه علي البر
البوست بجد عجبني قوي
تحياتي

فكرة من الزمن ده يقول...

الحب شيء غالي لابد ان نقدمه لمن يستحق فقط
تحياتي على قلمك المبدع

أم مالك يقول...

انا داخلة اسلم
عليك ياابراهيم واقولك
كل سنة وانت طيب
بالنسبة للبوست دكتورة ستيتة كفيت ووفيت
ربنا يكتب لك الخير ودعواتك ياهيما

بيبة يقول...

طبعااصلا نو كومينت علىشخصية بالشكل دة لانها شخصية ضعيفة ومن كتر ضعفها بتجب اللوم على القدرواصلا القدر برىء من التصرفات دى هو لو بيحبها فعل هيدافع عن حبةلان دة اول اثبات حبة ليهاوفعلا زىمانت قلت مايستهلش حد يهتم بية لا هى ولا غيرهاوعموا ربنا يوفقة

عمرو امام يقول...

اية يا ريس الكلام الجامد دة
وبعدين عاوز اعرفك حاجة مهمة

لو اردت شى بقوة عليك ان تأخدة
لانك لو اطلقت صراحة لن يعود
فالدنيا من دنوى الاشياء ليس من دونيهاااا

سلااااااااااام
وابقى طمنى عليك

ريمان يقول...

كفاك ِ يا نفس عندا واستسلمى للاقدار



صعب اننا نعاند القدر ونتحداه


بجد صعب


ممكن نعاند الظروف ونتحداها وبنقى اقوى منها

بس ازاى نفرق بين القدر والظروف؟

مش يمكن هما واحد ؟


بجد شىء محير جدا

العيسوى الصغير يقول...

الدمع عمره ما يداوى جرح
و لكنه بغفر الذنوب



إذا ارت شيئا بشده فأطلق سراحه
فإن عاد اليك فهو لك
وإلا
فهو لم يكن لك من البدايه


هذا فى الامتلاك
لا اعتقد انه بالحب

Atef Shahin يقول...

هناك أشياء نندم على فقدانها ثم نكتشف اخيرا ان الله قد اختار لنا الخير.
ان لدى كل منا قوة كامنة لمواجهة هذة المواقف .. المهم ان نكتشفها وننفض الغبار عنها .

تحياتي

dodoo يقول...

غايب بقالك كتيييييير اوووووى

يارب تكون بخيييييييير