عاد من عمله متأخرا كعادته كل ليلة
لم يجد أحدا مستيقظا لاستقباله
فقد تعود منذ فترة علي أن يعيش حياته وحيدا
خلع ملابسه متعجلا بينما أمسكت إحدي يديه بعلبة السجائر
ليشعل سيجارة ينفث فيها غضبه وسخطه علي الحياة
بينما أمسك بيده الاخري الريموت كنترول ليتابع في التلفاز
اخر الاخبار المشؤمة التي لايسمع سواها في ايامه الاخيرة
انفتح التلفاز علي احدي القنوات التي كانت تذيع لقطات مسجله
لاحدي الحفلات .. وقف المطرب علي المسرح تملأ عينيه سحابة من الدموع
والجميع يتابع في صمت بلا حركة ....
أخدته المعاني بعيدا جدا .... ووقف يتأمل الكلمات التي نزلت عليه
نارا لم تطفئها دموع خديه.....
..........................................................
نسيانك صعب أكيد
.....................................
رمي كل ما في يديه جانبا
أغلق التلفاز .... أغلق هاتفه المحمول
أعلن الانقطاع عن العالم .....
اعتقد انه بهذا سيمحي اي اثر للأيام الغابرات
لكن هيهات
كيف سينساها..؟
وكل ما حوله يذكره بها ...........
هناك 14 تعليقًا:
الله موضوع جميل قوي
حسيت فيه بشعور كنت نسيته فعلا
ربنا ان شاء الله ينسيك كل حاجه
وتقدر تكمل حياتك
بس مكنتش اعرف انك بتشرب سجاير
هههههههه
باسمين
ياسمين
ربنا يخليكي علي شعورك الجميل ودعواتك
بس انا بجد الحمد لله مش بشرب سجاير ولا بطيقها والله
ومش شرط يكون الموضوع بيتكلم عني شخصيا
عامة نورتيني
تحياتي ليكي
رصد واقعي و ذكيّ لما يخالج داخل أكثرنا هذه الأيام ..
أسعدتني قراءة حرفك !
منجي
http://zaman-jamil.blogspot.com/
اهلا اهلا
وحشتنى يارب تكون بخير
متشكرة لسؤالك عنى ويارب يديم الود يارب
بجد بوست جميل وبالذات الاغنيه وعرض الصور أكتر من رائع
دمت بكل خير
ايناس
منجي باكير
اسعدتني جدا زيارتك للمرة الاولي
ادام الله التواصل
وتحياتي لشخصكم الكريم
نبع الغرام
انووووووووووووووسه
يا خبر فعلا والله الدنيا دي صغيره اوي
انتي فين يابنتي اخيرا ظهرتي
يارب تكوني بخير
والله وانتي كمان ليكي وحشه
ابقي طمنيني علي حياتك وعلي دنيتك
ويارب تكوني دايما بكل خير
كلمات رقيقه
ولكن هل تعتقد ان هناك حب ينسى حب ؟
ان لا اعتقد ذلك الا اذا كانت لديك الرغبة الحقيقية فى فعل ذلك
فلندع ما حال الله بيننا وبينه جانبا
ولنبدأمن جديد
فهى ليست قصة تحكى
ولكن مشاعر رقيقه
دعها فى قلبك لتشعرك انك ما زال فيك قلب ينبض
ولكن امض قدما
امض قيس
nour
nour
اسعدتني زيارتك وتعليقك للمرة الاولي
ويارب تفضلي منورانا علي طول
الموضوع وما فيه مش حكاية ان القصه لا تحكي الموضوع ان دي مدونتي وانا عاملها علشان اقول كل حاجه جوايا لانها المكان الوحيد اللي بقدر اقول فيه اللي انا عاوزه وبلاقيها تسمعني وتحتويني
الحب الاول لا ينسي ... دا رأيي
ومش شرط انه يكون الاول كرقم انا اقصد اول مرة حبيت بجد استحاله حد يقدر ينساه حتي لو قلت اني حبيت الف مرة بعده
عامة تقبلي تحياتي
نورتيني
قال الشاعر :
نقل فؤادك حيث شئت من الهوى
ما الحب إلا للحبيب الأولي
إخراج أكثر من رائع ومضمون راقي جدا سلمت الأنامل
كريمة سندي
صدقت كلماتك وصدق ايضا الشاعر
ما الحب الا للحبيب الاولي
تشكراتنا لثنائكم الجميل
تقبلي خالص التحية
عرضت احساسك يا ابراهيم بصورة غاية في الرقة
وصلت بكل تفاصيلها واحساسها
مودتي وتقديري لك
أمل حمدي
لك أيضا كل التقدير
وشكرا لتعليقك المميز
أنا أول مرة أشوف مدونتك بس عجبتنى بجد
وبعدين عندك تنسيق للموضوع حتى لو حزين ومؤلم ........
ولو إن ليا تعقيب على إنك إزاى بتحب قراءة كتب العلوم والتراث ومش بتحب الأفلام الأجنبى الخيال العلمى دى كلها علوم وذكاء مفيش منه فى مصر ومش أى حد يفهما كمان ولا أكشن ولا رعب مع إنه فيه ذكاء واضح أوى ......
سؤالى بقا إمال بتحب تشوف أفلام ايه لو أجبنى أقصد لما إنت قولت لأ على كلا أنوع الأجنبى جايز تكون بتشوف عربى وبس وخصوصواً حلمى ....
تحياتى وتمنياتى بالتوفيق ؛؛؛؛؛
ندى الربيع
أولا شكرا جدا على زيارتك ليا
وان شاء الله مش تكون الأخيرة
ثاينا ردا على سؤالك
انا بحب طبعا أتفرج على الافلام الاجنبي
بس مش بسمع غير الأفلام الرومانسية واللي بتحكي قصة فقط
كل تحياتي
ويارب تشرفيني دايما
إرسال تعليق