هذه الأيام أتذكر الأغنية القديمة التي كنت
أحبها جدا لكاظم ودائما ما كنت أتغني بها
تذكرتها وأنا أتمتم بمعانيها التي تزيدني حرقة وحسرة
كنا نعانق في الظلام دموعنا
والقلب منكسر من العبرات
هذي النهاية لم تكن أبدا لنا
هذي النهاية قمة المأساة
أكيد كلنا مؤمنين ان لكل بداية نهاية
قد تكون البداية سعيدة وقد تكون عادية
وفي غالب الأحيان تكون النهايات مأساوية
الاسبوع الماضي وقعت لي نهايتان إحداهن شر من أختها
الأولي الحادث الأليم الذي تعرض له صديق عمري
علاء وراح ضحيته وترك لنا حسرة وحرقة علي رحيله
علاء الشاب الجميل المؤدب العطوف المحبوب من كل من يعرفه
صاحب اللسات الجميل والأخلاق العالية رحل تاركا ورائه فراغا لا ينسد
الله يرحمك يا علاء
انا مش مصدق اني كل ما أعدي من قدام بيتك مش هلاقيك مستنيني وانت بتضحك
يارب تغمده برحمتك وارحمني اذا صرت الي ما صار اليه
النهاية الاخري
نهاية قصتي مع فوزية
فوزية المثال الحي للبراءة والطفوله والنقاء
رحلت فوزية ايضا ولم تترك مكانها
يعلم الله وحده من السبب في الرحيل
ويعلم الله ايضا كم يتقطع قلبي كل لحظه علي فقدانها
فوزية كانت قصة كبيرة جدا لم يكتب لها النور
قصة قتلها الاستهتار واللامبالاة وعدم التقدير
لك الله يا قلبي
هناك 24 تعليقًا:
مش عارف اقولك ايه... بس اول حاجه البقاء لله علي صحبك..عارف انه صعب اوي تفقد حد بتحبه اوي وقريب منه وفجاه اختفي من حياتك ومش راجع تاني...ربنا يصبرك ويصبر اهله...اما بقي عن فوزيه فبالرغم من اني مش فاهمه ايه قصه فوزيه..بس متزعلش نفسك..هيا الدنيا كده
اميره علي
شكرا جدا علي اخلاقك العالية
وربنا يصبرنا
فعلا هي الدنيا كدا
البقاء لله بجد زعلت لزعلك بس كلنا اموات
اما فوزيه هى قصه حب ونسيان وهجر والكلام ده
ولا موت وفناء ؟؟ حيرتنى معاك
بجد مش فاهمه بس لو كانت ماتت يبقى الله يرحمها
اما اذا كانت قصه حب فتروح فوزيه وتيجى بدلها ست الحته
يا عم فى حد يحب واحده اسمها فوزيه
اوعى تزعل انا بهزر
هبه فاروق
شكر الله سعيكم للعزاء
الله يرحمه
فوزية دا اسم رمزي للبنت اللي حبيتها
هي ماتت بالنسبالي لان علاقتي بيها انتهت
لكن هي مكنش ليها اي ذنب في اي حاجه
في ناس بتتحكم في مصاريرنا وترسم مستقبلنا غصب هنا
شكلك زعلت ..انا اسفه بجد
كنت عايزه اخرجك من المود بس يظهر عكيت
وعايزه اقولك قبل ما امشى ان النصيب غلاب واذا كان لك نصيب معاها حتتجوزها غصب عن اى مخلوق
تحياتى
البقاء لله الله يصبرك على فراق احبابك, على غكرة فوزية دى ماتستاهلش كل اللى انت كتبة ولا حتى انك تزعل عليها كل دة.
" وبشر الصابرين"
البقاء لله ربنا يجعلها اخر الاحزان
بالنسبة لصديقك ربنا يتقبله في عباده الصالحين ويبدل سيئاته حسنات ويدخله الجنة من غير حساب
اما العلاقة وعسي ان تكرهوا شئ ويجعل الله في خيرا كثيرا
الدنيا علمتني ان كتير بيحصل حاجات تعذبنا ونحس انها نهاية العالم وبعد شوية نكتشف ان ربنا عملنا كده علشان في شئ اجمل مستنينا
ربنا معاك يكرمك
والبقاء لله
(هذى النهاية قمة المأساة)مش قمة مأساة ولا حاجة دى نهاية عادية جدا لانك فكرة وقررت لوحدك من غير تدخل من حد وبعدين كفاية انك صنت كرامة اهلك وما وقفتش وقلت دى البنت اللى حبتها وما ينفعش اتخلى عنها يعنى الموضوع فى الاخر كلمتين زى ماقلت (وداعا فوزية).
البقاء لله و ربنا يصبرك...حسيت إن فوزيه قصة كنت بتكتبها مش واقع و عموماً في كلتا الحالتين أكيد ربنا بيعملك الخير.
تحياتي ليك
هبه فاروق
لا انا مش زعلت لا حاجه
وزي ما قولتي النصيب غلاب
وكل واحد بياخد نصيبه
تحياتي لشعورك العالي والنبيل
دومتي بكل خير
غير معرف
اعتقد اك بلاش تتكلم عن حد متعرفوش
هي تستاهل اكتر من كدا بكتير جدا
موناليزا
اللهم الهمنا جميعا الصبر
شكرا لتعازيك
منه
اللهم امين
خالص تحياتي
شمس النهار
ونعم بالله
انا مؤمن جدا ان لكل شىء قدر
وكل واحد مش هياخد غير نصيبه
ربا يلهمنا الصبر علي كل حال
خالص تحياتي
سوني
اللهم امين
ربنا يتقبل دعائك
تحياتي
شيرين سامي
دي قصة حقيقية جدا
يمكن الاسماء مختلفة
بس الاشخاص موجوده
تقبي خالص تحياتي
سنه الحياه ان نفقد الاحباب اجعل قلبك دائما متعلق بحب الله حتي يهون عليك مصاعب الحياه اما عن فوزيه اتمني ان يجمعكما الله سويا في جنه الخلد وان يلهمك الصبر ارجو ان تدعو لي ايضا فانا اثق بك والله يعلم اني في هذه اللحظه احتاج الدعاء ان يلهمني الله الصبر علي ما يحدث لي فالناس تقهرني لاني وحيده ولا اجد من يدفع عني كما يتفننون في مضايقتي
انت اول شخص اشكو اليه لاني علي يقين اننا نعرف بعضنا البعض منذ زمن طويل واشعر اننا متشابهان بعض الشيئ
اهلا اخي
لكن انا اعرف انسانة بنفس الأسم
وهل تقصد فوزية سمير مثال الحربي
اعانك الله على فراق حبيبتك
ولكنك تستطيع ان تحاول معها
وترجع المياه لمجاريها
اي اسماء ياعم
دي اسمها حئيئي
وهي ساكن بالخرج
ايوه صيح دي اسمها حقيقي والله
وليش تقول اسمها حرام عليك
إرسال تعليق