Pages

الجمعة، 16 أكتوبر، 2009

سؤال محيرني



اهلا بيكم يا اغلي الناس
وحشتوني اوي من كل قلبي
ووحشني كلامكم
ومدوناتكم
وكل حاجه فيكم
كان نفسي اكتب بوست جديد
اقول فيه اي حاجه اوجع فيها دماغكم او قلبكم
لكن لما تعب فكري ... واحتار دليلي

 ومحددتش بالظبط اكتب ايه او اقول ايه
لما لقيت كل الناس بتوع المدونات كل واحد فيهم
اللي عايز يبطل تدوين... واللي الدنيا ماليه احزان وغرقان فيها
واللي بتحكي عن مشاكل من سبعين تمنين سنه
وحاجات ومحتاجات كدا تهوس
لقيت انا بقي سؤال محيرني انا بصراحه
وسالت فيه ناس كتير
وكل واحد ليه راي شكل
هو ممكن الشخص يحب اكتر من حد في وقت واحد ؟
وانا اقصد انه حب حب
يعني مش واحد حب والتاني اعجاب 
حب بمعني حب
يعني مثلا لو هو ولد فبيحب بنتين بنفس الدرجه
ويتمني اي واحده فيهم
ولا دا كلام فاضي
ومفيش حاجه اسمها كدا
وانه بيضحك عليهم هم الاتنين
ومش بيحب لادي ولادي
طيب واذا كان الشخص دا فعلا واثق من نفسه اوي
وبيقول ان مشاعره فعلا حقيقيه
وانه ميقدرش يستغني عن واحده فيهم
نقوله ايه بقي؟
انا عايز كل واحد يفكر معايا
هو دا ممكن يكون فعلا
ولا دا نوع من الانقسام والشيزوفرنيا
وحب الامتلاك والانانيه
يلا كل واحد يمسك امالكيبورد بتاعته ويجاوب
بس استنوا
حاجه صغنونه بس
بلاش والنبي شغل الواااااااااو
وايوه ياعم
وهنيالك
والكلام دا
ههههههههههه
علشان الكلام دا مش بتاعي خالص
كفايه علينا واحده 
ومطلعه عين اللي جايبنا كمان
يلا يا جدعان 
هو انتم لسه مردتوش بردو
ادعولي بقي
مسافر الصبح
ربنا معايا يارب
ومعاكم
ودومتم بخير

هناك 12 تعليقًا:

dodoo يقول...

ازيك يابراهيم

يارب تكون بخير

بالنسبه لسؤالك بقى فهو فعلا محير جدااااااا

فانا هحاول اتقمس دور اسامه منير واجاوبلك عليه

هو ممكن يكون حاسس انه بيحب الاتنين بنفس الدرجه لكن فى الحقيقه هو اكيد فيه واحده فيهم اغلى من التانيه عنده حتى لو هو مش حاسس بكده

طب يعمل ايه عشان يعرف مين الاغلى ؟

لازم يبعد فتره طويله عن الاتنين ويشوف هو قادر يستغنى عن مين فيهم او مين فيهم اللى فارقه معاه اكتر ونفسه يرجعلها
لان المشاعر احيان كتير بتختلط علينا وبنبقى مش عارفين نحدد هى حب ولا تعود ولا ايه بالظبط

فعشان كده انا متاكده ان واحده فيهم بس هى اللى حب والتانيه اى حاجه غير الحب

بسسسسسسسسس ياسيدى ده راى

وتحياتى لسؤالك وماتحرمناش من بوستاتك

dodoo يقول...

ازيك يابراهيم

يارب تكون بخير

بالنسبه لسؤالك بقى فهو فعلا محير جدااااااا

فانا هحاول اتقمس دور اسامه منير واجاوبلك عليه

هو ممكن يكون حاسس انه بيحب الاتنين بنفس الدرجه لكن فى الحقيقه هو اكيد فيه واحده فيهم اغلى من التانيه عنده حتى لو هو مش حاسس بكده

طب يعمل ايه عشان يعرف مين الاغلى ؟

لازم يبعد فتره طويله عن الاتنين ويشوف هو قادر يستغنى عن مين فيهم او مين فيهم اللى فارقه معاه اكتر ونفسه يرجعلها
لان المشاعر احيان كتير بتختلط علينا وبنبقى مش عارفين نحدد هى حب ولا تعود ولا ايه بالظبط

فعشان كده انا متاكده ان واحده فيهم بس هى اللى حب والتانيه اى حاجه غير الحب

بسسسسسسسسس ياسيدى ده راى

وتحياتى لسؤالك وماتحرمناش من بوستاتك

همس يقول...

زى ما انت قلت حب امتلاك وانانيه وعلى راى مريام فارس قاسم قلبك ليه نصين حدد واختار اصل الظلم وحش اوى وياريت تحسبها صح فكر فيها وحس بيها
اوعى تظلم حد بيحبك اوى وان كان العدل فى انك تسيبه

دموع القمر يقول...

ازيك ياابراهيم

اخبار ايه

هو شكله تمام ومش تمام

نروح نقرأ البوست ونيجى

دموع القمر يقول...

مش عارفة بجد

انا بلاقى دا فى ناس كتير بس تعرف دا مش حب
انك تحب اتنبن فى وقت واحد وتكلم الاتنين
وتنصح الاتنين لا
دا اسمه حب امتلاك

مفيش حد بقلبين
وصاحب بلين كدا
وصاحب 3 منافق

هو يختار بينهم
يااما يسيبهم الاتنين علشان ميظلمش حد فييهم

dramaqueen يقول...

لاااااااااااااااااااا
محدش يحب اتنين الا ازا كان بيحب واحدة كحبيبة وزوجة وكدة والتانية مثلا اخت او صديقة
مع انى برضه اعترض على اللى يعمل كدة
لانها تعتبر الى حد ما خيانة لحبيبته طالما هى تقدر تقوم بالدور دة
الواحد له قلب واحد بس وفيه مكان لواحد بسسسسسسسسسسس

فتاه من الصعيد يقول...

ممكن طبعا ..... الراجل مزواج بطبعه :)

تحياتي

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

عاشقة الأحزان يقول...

السلام عليكم

تسلم ايديك يا ابراهيم موضوع جميل قووى

بس انا بقا مش مع الشاب اللى يحب اتنين فى نفس الوقت لانه بيضحك على نفسه وعلى اللى بيحبهم

القلب لما بيحب بيحب مرة وحده بس
وعمرة ما يحب اتنين
عامة دا رئى
واللى يعمل كده انانى بطبعه
وان شاء الله ربنا يهديلك حبيبتك
قول يارب

عاشقة الأحزان يقول...

ان شاء الله ربنا معاك ويطمنا عليك

خلى بالك من نفسك

مودتى

عاشقة الأحزان يقول...

جيت اسلم واطمن عليك

وحشتنا ياقمر

اقدم عاصمه فى الحب يقول...

السلام عليكم

كلامك انا لمسته بجد علشان انا كنت عايشه مع واحد صاحبى
دعوتك جميله اوى
بس نهايته معروفه الموضوع ده
مهما كانت نسبه الاخلاص للأتنين لكن
قلوبنا مش مستنيه نقولها حبى مين وما تحبيش مين
ولا كمان بيقلنا حب دى .. ودى كمان بالمره عمره ما يقول كده
هو اكيد الشخص اللى بيمر بالمرحله دى مش بيحب يكسف بنات وبيحب الافتخار بنفسه والحاجه دى بتخليه يقتنع انه له لازمه فى الدنيا وعايش
يعنى تقدر تقول تعبان نفسى
البوست روعه يا ابن بلدى تسلم ايدك
تقبل ودى واحترامى :)