Pages

السبت، 18 سبتمبر، 2010

خساره




كتيرة هي الحاجات اللي بنخسرها كل يوم

ومادام احنا في الحياة

مادام احنا عايشين

وكل يوم بنجرب حاجات جديده

يبقي لازم نخسر اي حاجه في طريقنا

احيانا اللي بنخسره مش بيكون ليه قيمة

طالما بنقدر نعوض اللي خسرناه

دور جوا حياتك وفكر في اللي خسرته قبل كدا

هتلاقي حاجات كتير خسرتها ورغم كدا قدرت تكمل حياتك

عادي

انا خسرت صديق , وظيفة , خسرت مدينه

خسرت حب

مقدرتش اعوضه

مش كل حاجه بنخسرها ممكن نعوضها

عشان في حاجات لما نخسرها

حياتنا كلها بتبقي كارثه

هناك 10 تعليقات:

فتاه من الصعيد يقول...

يمكن

تحياتي

الغاردينيا يقول...

انت خسرت ....

بس ليه بتقول عالخسار خساره ؟

مايمكن كانت خير لك دون ان تدري

انت تشاء وانا اشاء والله يفعل مايشاء

بس خليك دائما متاكد ان في حاجات

بتكون انت السبب عن خسارتها ! فيوم

تكون انت السبب عالج الامر واعترف و

صلح غلطتك الغلط مش عيب اصرارك عليه

هو العيب لكن يوم تخسر كل شئ غضب عنك

فخسارتك يا اخي حينها قدر !

وبكل حال احمد الله على كل حال

تحيه عطره ,

ديالا يقول...

خسرنا حاجات كتير س برضه كسبنا اكتر

اصعب حاجه ممكن تخسرها لما تخسر نفسك صعب جدا تلاقيها تاني

ستيتة حسب الله الحمش يقول...

يمكن لسه ربنا معوضش
يمكن يعوض بكرة
مين عارف
علمتني الحياة
انه لا يوجد بشر لا يعوض
أمال السقا ليه كان بيشمي ويقول يعوووووووووض الله ؟:)

شمس النهار يقول...

في حاجات لما بتخسرنا مش احنا اللي بنخسرها

مش كل حاجه بتضيع بنكون احنا السبب

الا سبب واحد ان التقدير بيبقا غلط

وفي حاجات لما بتضيع بيكون ده المكسب الحقيقي واحنا مش واخدين بالنا
بس بعدين لما الدنيا تهدي بنعرف اننا لما خسرناها كسبنا نفسنا

بس مافيش حاجه اتخلقت لما الواحد يخسرها تبقا كارثه الا الدين بس

اي حاجه تانيه بتتلم والدنيا بتمشي
وساعات بتبقا زي الفل كمان

وهو ده الامل في الله

بوست رائع بصراحه يبعث علي التأمل

تحياتي

أع ـقل مـ ج ـنـونــة يقول...

عشان نكسب لازم نخسر

عشان ناخد الخير .. لازم نجرب نقع " مش هاقول الشر "

"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ "

الحمدلله .. راضيين بقضائك دايما يارب

الحب الجميل يقول...

الحياة ما هى إلا خسارة كبيرة
بنخسر حاجات كتير ويمكن سنين عمرنا ولازم نكمل ونعيش
تسلم ايدك
تحياتى

عاشقه وبدوب ف حبيبي يقول...

واحيانا يا ابراهيم بنتخدع

ف ناس ونفتكر انهم يهمهم

امرنا ويطلعو بيضحكو من ورا

ضهرنا على دموعنا وحزنا

ويدورو فين يوجعنا ويضربو

هى دى اكبر خسارة ف نظرى

بوست حلو تقبل مرورى...منه

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

Dr/ walaa salah يقول...

في اشياء لما بنخسرها بنخسر نفسنا معاها

وفي اشياء لما بنخسرها بنكسب نفسنا بخسارتها

الانسان دايماً بيترجم اي شئ بيفقده الى كلمة خساره


احيانا نتمنى ان نخسر اشياء ما زالت موجوده ومستمره معنا مثل الم-ذكرى حب- عيوب تشوب شخصياتنا وغيرها


في اعتقادي اكبر خساره هى خساره النفس للنفس

خساره الانسان لقيمته بين البشر

موضوعك جميل وواقعي

ارجو تقبل مروري المتواضع وفي إانتظار جديدك