Pages

الاثنين، 22 فبراير، 2010

اه من الانفلونزا

امشير بقي وعمايله
زي ما امي قالتلي
اصله بحالات
يوم حر وفجأه يقلب بريح ومطر وزعبايب
يعني من الاخر محدش ياامن له
بس انا وقعت في الفخ دا
من كام يوم لما كان الجو حر
قلت لا مش هيضحك علي بردو
وهفضل متقل هدومي ولابس كل الدولاب
رغم اني مش بستحمل الحر
تاني يوم لسه الجو حر
معلش استحمل شويه
تالت يوم
رابع يوم
قلت خلاص
لا بقي
الصيف جه خلاص
وجيت مخفف
والله مش مخفف اوي
وخرجت ومشيت وعادي
ولا سمعت كلام الست الوالده
اللي قالتلي
يابني هتاخد برد
قلت لالالا
الموضوع ماشي تمام
لغاية ما سافرت الجيش
من يومين كدا
وهناك بقي شوفت اللي نص مصر شافته زيي
صدااااااااااااااع
حكه
رشح
زوري مسدود مش عارف ابلع
ولا عارف اتكلم
وعنيا احمرت
واشتغلت الانفلونزا في كل جسمي
حتي وصلت لنخاشيشي
حلوة نخاشيشي
صح
واديني اهو
بقي عندي صيديله برشام
ومشروبات ساخنه
وباره
والناس بتبعد عني وهي بتكلمني
اصل انا ممكن اكون بقيت مخنزر
يعني عندي انفلونزا خنازير
والعياذ بالله
عموما ولا يهمنا
خنازير
فراخ
ان شالله حتي تبقي انفلونزا نسانيس
يلا
متقروش البوست دا للاخر
لانكم هتعطسوا بعد ما
تخل .. تخل.....
تخل
تخلصوه
هااااااااااااااتشي


هناك 22 تعليقًا:

ريمان يقول...

السلام عليكم

مش كان المفروض تسمع كلام والدتك برضه؟

حتى لو الجور بقى حر شويه مش ينفع تخفف برضه انا حصلى كده بس عدت على خير الحمد لله ورجعت تانى تقلت هدومى

خلى بالك من نفسك
شفاك الله وعفاك

ابقى طمنا عليك

معلش هى الانفلونزا هتاخد وقتها وهتعدى ان شاء الله مش تقلق

beautiful mind يقول...

ربنا يخليكي يا ريمان
ومتخافيش هسمع كلامها بعد كدا والله
خلاص حرمت
انا كويس وبخير
والمعنويات تمام
وكله عال العال
هاتشي
تحياتي

إبتسامة ملاك يقول...

السلام عليكم
ازيك يا ابراهيم
كل سنه وانت طيب ويارب دايمآ بصحه جيده

إبتسامة ملاك يقول...

الف سلامه عليك
ازمه وهتعدى حصلت معايا انا كمان ولسه بعانى منها
الف مليون سلامه عليك
ربنا يشفيك يارب

الأرواح المتمردة يقول...

مساء الاخير

ما بعرف هي صدفة و الا انه الجو فعلا هذه الايام بسبب المرض و بكون انا مريضة بالانفلونزا
لكن الانفلونزا جد مزعجة !!!

الف سلامة عليكي و عليّ

و يحمي الجميع منها :)

تقبلي مروري الأول هنا

تحياتي

ستيته حسب الله الحمش يقول...

الف سلامة عليك يا بيه
امال فين المناعة؟ هربت فين :)
شفاك الله وعافاك
انا مسحت الكيبورد بالمطهرات
اه
بعد العطسة دي الواحد مش ضامن حاجة

sony2000 يقول...

ههههههههه
ادي جذاء اللي مبيسمعش كلام ماما وبابا
انا برده بقاوح كتير وفالاخر بتيجي علي دماغي
تقبل مروري وتحياتي

Abo-Kamal يقول...

ألف سلامة عليك يا غرباو.....
تاني مرة أسمع كلام الي أكبر منك خصوصاً لو كانت والدتك (ست الكل )لكن أنا عارفك يتحب تجادل زي عوايدك ماإحنا يامه إتجادلنا في الكلية .
فاكر سمعه أبو لمعه نيلز بوهر المدار التاني و محدش فاهم هو بيتكلم في ايه.
ولا حسنين الي بيشرح فيزياء خارج الكون
و العلامة البرعـ....و الله الأيام دي و حشتني .
سلمتلي علي عندك و لا نسيت و نسيتنا و طلعت خسيس حلوة خسيس دي .
فاكر لما كنت هتووه عندكم في البلد .
هههههههههههههههههههههه
سلامي ليك يا معلم و لكل دفعتنا .

فتاه من الصعيد يقول...

سلامتك يا استاذ ابراهيم

بس من بعيد السلام لو سمحت :)

تحياتي

Tarkieb يقول...

هههههههههه يعني أول مرة نزورك هنا نلاقيك في الجيش وكمان عندك برد.. اوعي يكون جه من كتر أكل العدس هناك وهو ده اكتر حاجة بتطلعه على طول... كفارة يا عمي وبيعدو قوام وبكرة تقول احلى ايام .. وان شاء الله تخف قوام وشفت بقى اللي ما بيسمعش كلام مامته بيحصل له ايه؟ ألف لا باس عليك يا دفعة

فكرة من الزمن ده يقول...

سلامتك من الانفلونزا يادفعة
لكن مش مخلصك تعطس انتو بس جايبلنا ناس اسيويين يعطسو في المدونة وينشرو العدوا لما تروح الجيش
تحياتي

sweet angel يقول...

ألف سلامه
والله الحال من بعضه

beautiful mind يقول...

ابتسامة ملاك
الله يسلمك يا انوسه
انا الحمد لله كويس
وبتعافي اهو تدريجيا
وكل شىء كويس
المهم انتي تكوني بقيتي كويسه
ربنا يطمنا عليكي
تحياتي

beautiful mind يقول...

الارواح المتمرده
يا الف هلا ومرحبا بيكي
الف سلامه ليكي انتي كمان
وربنا يسلمك
ان شاء الله تزورينا دايما
هو بس في حاجه صغيره ما اخدتيش بالك منها
اني ولد مش بنت
عموما ولا يهمك
وتحياتي

beautiful mind يقول...

د ستيته
لالالا ياست الكل
متخافيش
الحمد لله بقينا بخير
والمناعه موجوده وعال العال
بس لازم ندوق شوية من البتاع دا
قطع وقطعت سيرته
تحياتي يا دكتور

beautiful mind يقول...

sony2000
معلش
انا هسمع الكلام والله بعد كدا
خلاص حرمت
بعد اللي شوفته خلاص
يسلم مرورك
وتحياتي

beautiful mind يقول...

ابو كمال
وحياة ربنا واحشني موت
انت فين يابني
كدا يا خاين حتي ولا رنه ولا اتصال
ماشي ياعم ولا علشان وحيد بقي ومدخلتش الجيش هتنفض
وبعدين مين ينسي ايام الكلية بنت التييييييييييت
والله دا الجيش ارحم
تصدق العيال كلهم وحشوني
فاكر ايام التدريب العملي في مدرسة البنات
ههههههههه
كلمني علي الميل يا محمد لو بتفتح
واحشني ياض

beautiful mind يقول...

فتاة من الصعيد
حاضر يا استاذه مروة
هسلم عليكي من بعيد وانا لابس جوانتي كمان
علشان اح... اح....
اح
هااااااااتشي
احتمال
يكون لسه عندي برد

beautiful mind يقول...

تركيب
معلش بقي والله يا استاذنا هي الظروف اللي جت معاك كدا
عموما زيارة مباركة وان شاء الله نزورك ونتشرف بمدونتك الجميله
تحياتي
وربنا يسلمك
وشكرا ع الدعوات

beautiful mind يقول...

فكره من الزمن دا
معلش اعمل ايه بس
اهي الصورة اللي لاقيتها
يلا الحمد لله علي كل حال
ويسلم مرووك
وتحياتي

beautiful mind يقول...

sweet angel
الله يسلمك
والف سلامه عليكي
وان شاء الله خير
تقبلي تحياتي

دعاء العطار يقول...

الففففففففف سلامه عليك ويارب امشير وانت لاء

ههههههههههه

تعيش وتاخد غيررها