Pages

الأربعاء، 8 فبراير، 2012

جنت علي نفسها براقش


( موضوع قديم لكن بصياغة جديدة )

من زماااااااااااااان اوي

ايام العرب القدامي بتوع القبائل والصحرا والجمال

كان فيه قبيلتين كبار

دايما بينهم مشاكل وحروب وكر وفر

وناس تموت هنا وناس تموت هناك

ومفيش صلح نافع

ولا حد بيكبر لحد

لغاية ما شوية رجاله من قبيله فيهم

قالوا احنا خلاص فاض بينا الكيل

ولازم نشوف حل للعيال بتوع القبيله التانيه

واتفقوا انهم اول ما يطلع عليهم النهار

ياخدوا السلاح والشوم والمطاوي

ويهجموا علي القبيلة التانيه هجمة رجل واحد

لغاية ما يخلصوا عليهم وعلي اللي جايبنهم

ويرموهم في مزبلة التاريخ ( علي رأي التراس الاهلي )..

ولا تقوم لهم قومة بعد كدا

وروح كل واحد نام في بيته وعمال بيفكر في المعركه

اللي هينفذوها بكره واللي كل واحد فيهم هايشفي غليله

من العيال ولاد التيييييييييييييييت ولاد عمهم التانين

الجماعه التانين بقي كان ليهم عيون في كل حته

وعرفوا اللي حصل في الاجتماع

وايه اللي ناوي عليه جيرانهم

قام الكبير بتاعهم وقال :

يارجااااااااااااال انتم عارفين اننا مش قدهم

لا في العدد ولا القوة ولا التسليح

ولو دخلنا معاهم في حرب اكيد خسرانين خسرانين

انا هقولكم رأيي اللي انا شايف اننا لازم نعمل بيه

احنا لازم نرحل عن الديار

ولازم نجهز للرحيل في التو واللحظه

يعني في الحال ومفيش داعي ابدا لأي نقاش

وفعلا الجميع وافق علي كلام السيد الكبير

وكل واحد اخد خيمته وغنماته واللاب توب بتاعه

وجهز الركايب وانطلق الجميع

وعنيهم مليانه بدموع الحسرة والذل والعار

واحد ( نايتي ) منهم وفي رواية أخري ( سيس )

زي العيال بتوع 6 ابريل اللي مش بيسرحو شعرهم دول

 كان عنده كلبه والكلبة اسمها براقش

لقيت الواد صاحبها لم حاجاته ومحتاجاته وماشي

راحت ماشية وراه من باب الوفاء يعني عشان محدش يشمت في الكلاب

وبراقش بقي مش تعرف انهم هربانين وتمشي وهي ساكته

لا

سمعت ان فيه حكمة بتقول ( الكلاب تعوي والقافلة تسير )

قالت وهو انا مش من الكلاب دول ولا ايه؟

وراحت شغاله عواء... نباح يعني

يووووووه

يعني قعدت تقول هو هو هو هووووووووووووه بصوت عالي

مين بقي اللي سمع صوت براقش

الرجاله التانين

راحوا قايلين : اصحوا يا جدعان العيال هربوا

هجوووووووووووووووووم يارجاله

وتتبعوا صوت الكلبة لغاية ما وصلوا لهم

وصاحبها النايتي عمال يسكت فيها وهي وخداها الجلالة اوي

هجم عليهم الاعداء وكانت براقش اول الضحايا

وأبيد قومها عن بكرة ابيهم

يعني لغاية اخر واحد فيهم

ولم يعد لهم ذكر بعد ذلك

وصارت براقش مثلا يضرب

يقولون

جنت علي نفسها براقش


بالبلدي يعني

هي اللي جابته لنفسها

.....
واحنا كلنا عملنا زي براقش او بيتعمل فينا زيها
قولنا نعمل ثورة ونغير اللي مكنش ابدا ممكن يتغير
وافتكرنا ان كل حاجه بقت تمام وباقي لينا
كام يوم ونبقي امريكا التانيه
لكن كان فيه ناس تانيه ليها رأي تاني
مش انتم عملتم ثورة؟
مش انتم سجنتم كبار البلد؟
مش انتم عايزين حرية وديمقراطية؟
طيب احنا هندفعكم ضريبة الحاجات البسيطة دي
لازم تدفعوا الضريبة دي من دمكم
ومش اي دم لازم يكون دم شبابي طازه
مش بس كدا ... لا هتلاقو المصايب كل يوم والتاني
ومش هتقدرو تعرفوا تعملوا اي حاجه
ولا هتعرفوا مين اللي بيعمل كدا ؟
لاننا ببساطه متغلغلين جوا كل حتة في البلد
مش بعيد تكون انت شخصيا معانا وانت مش عارف
وبتنفذ كل اللي احنا عايزينه
احتجاجات .. مظاهرات ... اضرابات
واللي جاي احلي كمان
هنخليكم تعملوا عصيان مدني
وانتم اصلا متعرفوش يعني ايه عصيان
احنا مسيطرين كويس
ومعانا احلا شباب الشباب الثورجي
اللي مظبط الداخلية وهدفه الاول والاخير انه يخلص عليها
نقابلكم بقي بعد عشرين سنه
عشان نعرف وصلتم لإيه
يلا باي دلوقتي .. تليفونات بقي





هناك 29 تعليقًا:

الحب الجميل يقول...

حنانى

ربنا يسعدك ان شاء الله وتلاقى الحب الصحيح والمره الجايه تختار صح

اى حب فى الدنيا مفيهوش راحه وفيه ايجابياته وسلبياته

وفيه حب بيتولد من اول لحظه وبيدوم العمر كله وساعات بنغلط فى اختيارنا

قصه جميله

دام قلمك

تحياتى

beautiful mind يقول...

الحب الجميل
اكيد كلامك صح
اهم حاجه في اي علاقة زي دي
اننا نختار صح
تحياتي
ويارب تكوني بخير

الحب الجميل يقول...

صدقنى اوعى تزعل نفسك من اختيارك المره دى انه كان خطأ نقول الحمد لله انك عرفت من البدايه انه كان غلط


لان كان احتمال نتمدى فى الأختيار الخاطىء والفاس تقع فى الراس زى مابيقوله وتندم بعد كدا

قول الحمد لله

تحياتى

الحب الجميل يقول...

بس يارب يكون فى البدايه

ساسو يقول...

مساء الفل ياصديقي
بجد موضوعك دا عجبني أوي
وكمان فيه خفه دم جميله جدا

اما بالنسبه للحب أجمل مافيه هو التعب
ياعني لازم تتعب وتستحمل اي حاجه علشان حبيبك
اه هو فيه سلبيات كتيره بس صدقني اللي يفهموا صح هيلقاه جميل جدا ومليان بالايجابيات

ربنا يوفقك وكل اللي بتتمناه تلقاه

ستيتة حسب الله الحمش يقول...

ملكش دعوة بألتراس :)
الحياة ايه غير تجارب الأخرين نتعلم منها
وتجاربنا التي ينبغي ولابد نعدي عليها
الجميل ان النضج ده ليه ثمنه
بس الحمد لله مش ثمن غالي لأن الإنسان عاقل ويقدر يوقف اي مشروع فاشل عند نقطة "لا ضرر ولا ضرار"
تحياتي

أم الخلود يقول...

سلمت الأنامل أخي في الله وبارك الله وفي يوم ما سنسترد مجدنا وسيكون قريبا إن شاء الله

وأشكرك من كل قلبي على سؤال عني في غيابي

نهــــــــــار يقول...

السلام عليكم..
قيل ان الحياه تجارب
والإنسان يتعلم من خطأه مع اني ارفض كلمة خطأ وأفضل كلمة تجربه ..
...
ربنا يوفقك يارب ...
ويسعدك وتلاقي إلي تستاهلك..
...
عذرا على تقصيري أخي ..
بجد مكسوفه منك
..
في أمان الله

هي وظروفها يقول...

متزعلنيش منك يا كبير

براقش مين اللي انت تشبه نفسك بيها

اللي اختار غلط مجبتش الموت لاهله

صحيح ممكن حاجات جواه تموت وقتيا موت شبه اكلينيكيا
بس لما تعمل ريفرش بعد مده وتكون فقت بتصحي تاني

صحيح لما بنحب الشخص الغلط بنضيع وقت ومحزون بس بنستفيد اننا لما نيجي نتختار تاني نختار صح

نختار بعقلنا

بس النصيبه لو متعلمناش من غلطنا وسيبنا روحنا تاني واتورطنا ساعتها تبقي براقش احسن مننا

اقله

براقش قالت لنفسها اذا لم يكن من الموت بدا فمن العار ان تموت جبانا

تلاقي براقش قبل ما تموت راحت عضلها
كام فارس من اماكن حساسه او مش حساسه
بس ماتت بشرف يا هيما
وخلدت اسمها في موسوعه التاريخ الحيواني

كاكتر كلب سيح وشرد صاحبه وجابله الموت

صباح الفل يا هيما

دودي فلسطين يقول...

والله انا بقرأ ومستمتعه
ما نفسي الحكايه تخلص لحد ما لقيت نفسك تقع في حب

شوف يا ابراهيم الحب وجع
بجيب وجع راس واسهال وانفلونزا
عنجد انا بنصحك ما تحب لانك راح تبقى مشغول وتفكيرك كلو رايح للحبيب
ويمكن تنسى اهلك

بس ربنا يكرمك بوحده تحبك وتقدرك
وتملا عليك الدنيا
واتزكر ان الدنيا تجارب وفيها مفاجات وبدها صبر
لان مش اي شيء ممكن تنولو

فتاه من الصعيد يقول...

الاختيار الخاطيء بيعمل مشاكل واحيانا كوارث للاسف

ربنا يرزقك الاختيار الصح

تحياتي

(ست* جنى* الحسن) يقول...

سلامو عليكو..
ايه يابنى الدنيا مش سودا اوى كده وعلى فكرة الحب موجود بس انت اللى تلاقيك دورت فى صحرا اصل مينفعش نعيش من غير حب من اول حب الله والاهل والوطن والاصحاب والزوجة و...
لك تحياتى وان شاء الله تلاقى اللى تستهلك.

Tarkieb يقول...

شر لابد منه يا سيدي ولا بااختيارك ولا حتى باختيار الكلب اللولو..بس بجد يعني ايه نايتي؟ ابن ليل بقى ؟ صح ..حلو اوووي الحكاية المودرن بتاعة براقش دي...

sony2000 يقول...

يالهوتييييييييييييييييييييييي
بص ياعم الحاج
والله مااعرف هو توارد افكار ولا غيرو
بس انت ملاحظ ان اخر المواضيع بقت عندي وعندك ذي بعض
انا كنت لسه هكتب بوست ذي كدا بس عن حكايه حصلت قدامي..نفس حكااااااااااااااايتك بالضبط
وبعدين كلو كدا بيتكلم عن حاجه اتمناها ولما لاقاها تعبتو ليييييه
هو موش المفروض ان الحب ده بيقوي موش بيضعف
للاسف عندنا مفهومه وتطبيقع غلط خااااااااااالص
ربنا يهدي

♥♥ شذا ♥ الروح ♥♥ يقول...

مش لوحدك

كتير زيك وانا كمان
المهم الدنيا مش بتقف على حد

لاذم نفوق
ربنا جممعنا مع بعض عشان نرتاح وننصح بعض
وناخد بأيدين بعض
هى دى الحياة

معلهش ربك كريم

دمت بكل الخير
وطمنى عليك

افروديت يقول...

مش مهم أنك تفقدحدبتحبه خاصة لوكان ليه دخل كبيرفي الموضوع لكن لوكان حقيقي من الاتنين يبقي حاول مرة أخيرة صدقني مش خساره..سلام

جارة القمر يقول...

اخيرا فهمت حكاية براقش

احنا فعلا في أوقات كتير بتاخدنا العصفة ومابنحسش بالخطر الا فين وفين

ودة حال العرب كلهم دلوقتي فاهمين المصيبة فين بس مش عارفين يعملو ايه

حاطين الاستغماية وماشيين

شكرا لأسلوبك الجميل

♥♥ شذا ♥ الروح ♥♥ يقول...

ايه يا هيما
فينك وايه الغياب ده
يارب تكون بخير
ياريت طمنى عليك اوووووووووووووووووووى
وخلى بالك من نفسك

Sen يقول...

معلش تعيييش وتشوووف !!


بس اقدر اقووول بالعجلة الندامه لازم ما تستعجل وتخلي قلب يشتغل بسرعه !

تحياتي سين

ســـهــــر يقول...

القصه اتكتبت بشكل لذيذ

والحب مش مجرد اتنين بيحبو بعض بس
لا دة فيه احترام وثقه متبادلة وراحه نفسية وحاجات كتيرة جدا مرتبطة ببعض
لو نقصت منهم حاجة باظت وضاعت كل حاجة

ربنا يوفقك يارب

أم الخــلـود يقول...

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

re7ab.sale7 يقول...

وصباح الورد الاول
معلش انا بقالي فترة بجد بتابع المدونات بدون تعليق بس والله غصب عني مشغولة كتير ...ميرسي علي زيارتك وياريتك تعيدها تاني
البوست جميل والتشبية والحكاية الاول راااائعة بجد
موضوع الحب ده موضوع كبير وشائك وكل وقت وساعة بتكلم فيه مع من اصحابي لانهم بياخدوا رأي فيه كتير
هقولك اننا هنفضل ندور ع الحب ونحاول ان تكو ن المميزات اكتر م العيوب لان في عيون ممكن نتلافاها لكن هناك عيوب قاتلة...وف الاخر احنا بنقبل الحبيب بعيوبه ومميزاته ...واتمني انك تلاقي الحب الحقيقي والصح

مش مهم مين يقول...

زمان كنت بفهمك على طول دلوقتى لا ليه على العموم بتمنى لك التوفيق

غير معرف يقول...

ثقافة الهزيمة .. حلوة يا بلدى

فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...

باقى المقال ضمن مقالات ثقافة الهزيمة بالرابط التالى www.ouregypt.us

و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.

بنت الإسلام يقول...

الموضوع جمييل جدا وانت كمان بتحكيه بخفة دم راااائعة ما شاء الله

اما بالنسبة للحب فهو اعظم واطهر شعور ممكن نحسة بس للأسف مش بنلاقى اللى يقدر ده ودائما بيكون الاختيار غلط وادعوا الله ان يوفقك للإنسانة اللى تسعدك وتقدر مشاعرك وطيبتك وتحس بيك

غير معرف يقول...

ازيك اكيد مش فاكرنى انا غير معروف ولسة عند رأى مش مهم الواحد يقول اسمه طالما ان التعليق هيعرفك مين انا المهم ندخل فى الموضوع على طول أولا انا مافهمتش أن الكلام عن الحب غير من التعليقات احب اقولك ان الحب دة من اجمل وارق الاشياء اللى ممكن الانسان يحس بيها (ما تتصدمش من رأيى) بس فيه حاجات احنا مابنبقاش واخدين بالنا منها زى اختيارنا,بمجرد ما نحس بالحب بنقول ان دة حب حياتنا ساعات الاختيار بيكون صح وساعات بيكون غلط بس الاهم من دة كله ان الانسان يعرف ازاى يقول انه غلطان فى اختيارة ويعرف يعتذر بطريقة ما تزعلش حد منه خاصة اذا كان الشخص دة حبيبه ومش اى حد,مش يجى كاتب قصة زى قصة براقش ويقول انها بتعبر عن قصة حببتة اسفة بس دة اللى فاهمتة من التعليقات,ثانيا عايزة اقولك انى امبارح قريت شوية كلام عن الحب هى مقالة كبيرة بس اجمل حاجة قرتها:(اذا قررت يوما ان تترك حبيبك فلا تترك له جرحا فمن اعطانا قلبا لا يستحق ان نغرس فيه سهما او نترك له لحظة ألم تشقية ولا تتحدث عنه الا بكل ما هو رائع ونبيل فقد اعطاك قلبا واعطيته عمرا وليس هناك اغلى من القلب والعمر,واذا اردت ان تتذكر ايامك معه فحاول ان تتذكر كل الكلمات الجميلة التى سمعتها ممن تحب وكل الكلمات الصادقة التى قلتها لمن تحب,اذا سألوك يوما عمن احببت فلا تقل سرا كان بينكما ,اجعل قلبك مخبأ سريا لكل اسرارة وحكاياتة فالحب اخلاق قبل ان يكون مشاعر.....)له بقية بس عشان ماطولش عليك هذة الكلمات اثرت معى جدا اقل ما يقال اننى لم اعد احتد فى كلامى مع اى انسان سواء احببت ام لا. يارب كلامى مايكنش زعلك زى كل مرة , على فكرة القصة دى كل ما اقراها ما بقدرش امسك نفسى من الضحك وفى الختام سلام.

beautiful mind يقول...

السلام عليكم جميعا ورحمة الله
التعليقات اللي فاتت دي كانت علي الموضوع بصياغته القديمة عشان محدش يتوه
اللي بعد تعليقي دا هاتبقي ع الموضوع الجديد بقي

منجي باكير يقول...

راقت لي جمالية الصياغة ...

تقديري و اعجابي

Mr. Degheidy يقول...

رغم انى عارف القصة و حافظها الا انك الصراحة باسلوبك الجميل اجبرتنى انى اقراها لغاية الاخر . و فعلا الحمد لله احنا بنجنى على نفسنا لاننا شعب الحمد لله يودى فى داهية بايادى مصرية . مش محتاجين تمويل امريكى و الحوارات دى ..