Pages

الخميس، 26 نوفمبر 2009

طلقات سريعه

كل سنه وانتم طيبين
وبخير وبصحه يارب
وعيد سعيد علي كل المسلمين
ويارب يكون العيد دا فرصه
للتقارب اكتر ومزيد من التسامح



************
طبعا كل واحد اكيد هيقضي اول يوم العيد
وسط اهله واحبابه
اكيد بيكون يوم جميل خاصة
لما يكون يوم زي دا
انا بقي هقضي اول يوم هناك في المعسكر
حظي كدا
بس ان شاء الله من تاني يوم هاجي علشان احتفل
بطريقتي الخاصه
مع اللحمه طبعا

**************
ياتري مين اول حد هيقولي كل سنه وانت طيب يوم العيد
انا مستنيه من دلوقتي
اما بقي مين اول واحد هقوله كل سنه وانت طيب
فمحجوووووووووز من بدري
بس يارب يكون صاحي ساعتها

****************


الحمد لله الناس ابتدت تهدي شوية
وموجة السب واللعن والقذف ابتدت تخف
بعد ماتش الكورة الشنيع بين مصر والجزائر
اللي المفروض اتنين اخوات
اتحولت الرياضه لشىء تاني خالص
بلطجه وسفاله وقلة ادب من الاتنين
هنا وهناك
النفوس جواها كتير
والماتش دا بين ان في حاجات كتير اوي مدفونه
ياريت كل واحد يراجع نفسه
الف مبروك للجزائر المونديال
وان شاء الله مصر تحاول مرة تانيه علي 2080 كدا
وللجماهير من الجانبين كل تحيه وتقدير
علي كمية قلة الادب اللي فيهم

*********


ديااااااااااااااااااااااااالا
دموع الورد
فاكرنها؟
راحت فين ياتري؟
بجد نفسي اعرف
دي كانت زي الفراشه ما شاء الله
مفيش حد بيكتب موضوع الا وتروحله
اختفت مرة واحده
بعد  اخر موضوع كتبته من 3 شهور
( مش انا اشتغلت)
ياتري هي فين
ربنا يطمنا عليها
ياريت يا جماعه اي حد يعرفها
او قريب منها
او يعرف اي حاجه عنها يطمنا
ويارب تكون غيبتها دي خير
**********

متاكلوش لحمه كتير بقي
وعيد سعيد عليكم
وربنا يهدي الجميع
والسلام ختام

هناك 13 تعليقًا:

غير معرف يقول...

كل سنه وحضرتك طيب

تحياتي

د.آيه يقول...

كل سنة و حضرتك إلى الله أقرب و على طاعته أدوم ..
دى أول زيارة ليا هنا ..
و إن شاء الله مش هتكون آخر مرة
تحياتى

د. ياسر عمر عبد الفتاح يقول...

كل سنة وانت بخير
كل سنة والأمة الإسلامية كلها بخير
تقبل الله منا ومنكم صالح الأعمال

وبعودة الأيااااااااام

القدر و انا يقول...

عيد سعيد عليك وعلى الامة الاسلامية جميعا .. ودايما يارب كل يوم وانت واسرتك واحبابك بالف خير

مدحت محمد يقول...

كل سنة وانت طيب ياباشا

Cute Kitty **sookra يقول...

كل سنه وانت طيب

beautiful mind يقول...

فتاه من الصعيد

وحضرتك طيبه يااااارب
وعيد سعيد

beautiful mind يقول...

د.ايه

وحضرتك طيبه وبخير يااارب

وشرفتينى بوجودك وان شاء الله ماتكونش اخر زياره ومستنيكى فى البوست الجاى

beautiful mind يقول...

د ياسر
كل سنه وانت طيب
واضحي مبارك
وربنا يتقبل منا جميعا

beautiful mind يقول...

القدر وانا
ربنا يسمع منك
كل سنه وحضرتك طيب او طيبه
وان شاء الله هزور مدونتك
ويارب تشرفني دايما
تقبل مني خالص التقدير

beautiful mind يقول...

مدحت محمد
وانت طيب يارب
وعيد سعيد
وان شاء الله اشوفك بخير

beautiful mind يقول...

سكره
مدونتك جميله اوي
كل سنه وانتي طيبه
عيد سعيد عليكي يارب

رحلتنا في الحياة يقول...

ازيك ياابراهيم كل سنة وانت طيب
ياترى خلصت الجيش ولا لسه :)
مرسيى بجد لمرورك على المدونة انا اسفة انى مقصرة بجد معاك