Pages

الاثنين، 23 نوفمبر، 2009

لمسه



انقضي سواد الليل , وبدأ نهار جديد في الخروج الي الدنيا
بينما يغط في نوم عميق لم ينم مثله من قبل
وبينما هو على هذه الحال, أحس بشىء يلمس خده
ملمس يعرفه جيدا . طالما استمتع به ,
إنها أصابعها الناعمه التي نزلت عليه كأنها قطعة
من ريش النعام الحريري
استيقظ يا حبيبي , قالتها بكل حنو وحب لهذا المخلوق السارح في نومه
اقتربت برفق لترتب بعض الشعر الثائر علي جبينه
 إذ بدأ يفتح عنينه .. يا الهي كم احمدك ياربي
اول ما أبدأ به نهاري ان أرى بريق تلك العينين الممتلئتين بكل هذا الحنين
قالها وهو ينهض من سريره آخذا بكفها يضعه علي فمه ويقبله كالطفل الصغير
لو اردت ان أحمد الله كل عمري على هديته لي لم أستطع ان أوفيه حقه
لذاك سأعده ان أحتفظ بهديته طول عمري جميله حانيه مثلما أهداها لي
تركته في نشوته وذهبت لتجهز فطوره وفمها ممتلىء بابتسامة صافية
افضت بريقا وسحرا آخر علي تلك العينين المخلوقتين من اللؤلؤ
بينما هو يجلس امام طفله الصغير السارح في النوم ايضا مثل أبيه
ياااااااااااه سبحانك يا الهي
ماهذا الجمال الملائكي , إنني لم اخطىء حين أسميته يوسف
طبع قبلة حانية علي جبين طفله الصغير النائم
اعتني بامك حتي أعود , ولا تتعبها
امازلت هناك ؟ هيا ستتاخر
اممممممم  لا توقظ الولد سيعيقني عن استكمال عملي
ابتسم ابتسامه هادئه
واستكمل ما تبقي من ملابسه
هيا حبيبتي اربطي رباط العنق
تعال ,
لما تنظر هكذا لي؟
لا أستطيع ان اقف امام هاتين العينين ولا انظر اليها
امسك بيدها
ثم ناولها قبلة بين حاجبيها
سأهاتفك كل دقيقة
فأنا ما عدت أقدر علي فراقك لحظه يا ام يوسف
ولا انا يا حبيبي
سلم كل منهما علي الاخر
خرج من البيت ومازالت لمسة يدها علي يده
وكلما شده الحنين لها ينظر الي يده التي كانت معها
ثم يقبلها
ويكمل ما تبقي من عمله

هناك 20 تعليقًا:

خواطر شابة يقول...

هذا النوع من الرجال رأته المرأة العربية فقط في مسلسل نور لذلك حقق هذا المسلسل نجاحا منقطع النظير بينما في واقع الحال لاوجود له وان وجد فهو محدو العدد ويشكل الاستتناء الذي لايلغي القاعدة
تحياتي لك

dodoo يقول...

ياسيدى ياسيدى على الرومانسيه

لو كل الازواج والزوجات كده مكناش سمعنا عن حالات طلاق ولا خلع

ربنا يسعد كل اتنين بيحبوا بعض ومايحرمهمش من بعض ابداااااا

فتاه من الصعيد يقول...

رومانسيه بين الزوجين لا تتواجد الان الا على صفحات القصص الخرافيه

تحياتي

ريمان يقول...

الله الله

ايه البوست الرائع ده


رومانسى اوى اوى


كل سنه وانت طيب


انت فين بقى مقاطع مدونتى ليه؟

لاء هزعل منك بجد


تحياتى ليك

ستيته حسب الله الحمش يقول...

ايه كلام البنات اللي داخلين دول؟
لا والله
كل هذه الرومانسية والحب والحنان والإحترام والشوق والتضحية وتقبيل العيون ولمسات الروح عشتها وشوفتها
وموجودة
الرجالة الكويسة موجودة
والستات اللي بتقدر وتعطي موجودة
أنتم بس ارضوا ربنا يرضي عنكم ويراضي الخلائق
تحياتي على شوية الرومانسية اللي في الجون دول

rony يقول...

ايه ده
هو فى كده
كل الناس بتقولى ده فى أول
شهر مثلا وناس تانيه بتقول
فى اول كام شهر
انما بعدين لالالالالالالالالالا
اصدق مين انا دلوقتى ؟؟
يا رب يكونوا كده دايما
وكل المتجوزين يبقوا كده
مش هنسمع ابدا عن مشاكل ولا
حالات طلاق او انفصال
ربنا يهنى كل الناس ويسعدهم
يا رب
تحياتى لكى ولرومانسيتك

SHEMOooo يقول...

برغم اني بأيد كلام البنات اللي ردت قبلي علي البوست، في ان دا مبقاش موجود دلوقتي...
لكن
مش قاعدة في وفي ، يعني هي بس المشكلة ان الغالب اللي مفتقد للرومانسية دي..

بعترف زي ما ستيتة قالت موجود بس نرضا ونتقي الله هنلاقي كل ده..

وكمان للأسف الرجالة طبعها غير البنات، ودي طبيعة الحياة، الراجل خلق لدور محتاج رجولة والخشونة طول الوقت، والبنت للحنان والرعاية والاهتمام طول الوقت
وبيبقا موجود عند الراجل زي ما عند المرأه والعكس، لكن بنسب متفاوتة حسب الشخصية

علي العموم انا بحيك علي العالم اللي خلتني اروحلة واسرح في، وياريتني ماخرجت منة :)
لأني مفتقدة الرومانسية دي، لكن قلبي مليان بيها، بس للأسف مدفونة جوة حياتي ونفسي بس...
شكرا مرة تانية علي البوست الرائع ده

donya يقول...

مساء الخير

كل سنه وانت طيب

ايه الجمال والحلاوه دي

اومال الناس بتطلق ليه

ياريت الناس كلها كده
وهو ده اللي بينادي بيه اوشو ان لاتكون ورقة الزواج هي صك موت الحب

تحياتي

beautiful mind يقول...

خواطر شابه
تحياتي الجميله اليك
كلامك صحيح لكن ينقصه بعض الصواب
الحياه مليئه بالرومانسيه
لكننا نغض الطرف عنها
متبعين سياسة اصطياد الاخطاء للغير
لكن كل جميل موجود في الحياه
تقبلي من كل التحيات
ومنتظر زيارتك القادمه
ان شاء الله

beautiful mind يقول...

دودوووووووو
ربنا يسمع منك يارب
وكل اتنين يعيشوا مع بعض في تبات ونبات كمان
الحمد لله في ناس كتير كدا
وحالات الطلاق دي بتحصل بسبب عدم التفاهم اللي بيجي من رواسب الزمن
تحياتي الجميله اليكي

beautiful mind يقول...

فتاه من الصعيد
وليه بتقولي كدا
والله انا اعرف ناس كتير جدا كدا
واكتر من كدا كمان الحمد لله
منها لله الافلام والمسلسلات اللي هيأت للناس ان الجواز موت وانتحار وضياع
دي سياسة يابنتي
بصي للغرب واللي هم فيه
وانتي تعرفي احنا في وهم وخرافه ولالا
تحياتي اليكي

beautiful mind يقول...

ريمااااااان
هههههههه
والله انتي عارفه ظروفي
بس انا بحاول اكون موجود
وبجد متزعليش مني
وان شاء الله هلاقي حل لعدم متابعتي لاعمالكم الجميله
وتقريبا لقيته يعني
منتظرك في البوست الجديد
ولكي مني خالص التقدير والاحترام

beautiful mind يقول...

د ستيته
شايفين بقي الكلام اللي طالع من قلب يعرف يعني ايه حب
قوليلهم يا دكتور
عرفيهم فيه رومانسيه ولا لا
عايز اقول ان اعمالك وحشتني اوي
معلش انا مقصر اوي مع كل الناس ومع حضرتك بالذات
بس والله غصب عني
انا فرحان بمتابعتك دي
وكل سنه وحضرتك بالف خير

beautiful mind يقول...

روني
يارب ربنا يسمع منك
اكيد في كدا وفيه كدا يعني
وان شاء الله يكون الحب اكتر
بصي متسمعيش لكلام حد
لما تتجوزي ان شاء الله هتعرفي
وكله ف ايدك
تحياتي اليكي
ويارب نشوفك هنا تاني

beautiful mind يقول...

شيمووووووو
وانا كمان بحيكي والله علي رايك الجميل دا
فعلا انتي قولتي كل اللي كان نفسي اقوله
واعتقد بعد كلامك دا مفيش كلام
كل سنه وانتي طيبه
ويارب تكرري زيارتك لينا
تحياتي اليكي

beautiful mind يقول...

دنيا
ازيك
يارب الناس تبقي كلها كدا
وتكون فعلا بتحب بعضها
زي ابو يوسف ما بيحب ام يوسف
تحياتي اليكي
وكل سنه وانتي طيبه
متنسيش بقي تسلميلي ع الحاج اوشو
هههههههه
بهزر طبعا

الشجرة الأم يقول...

هذه اللمسات يبقى أثرها حتى بعد الرحيل ..

رومانسية روعة جدا ..

كل عام وانت بخير..

beautiful mind يقول...

الشجره الام
كل سنه وانتي طيبه
سعيد جدا برايك والزياره الاولي ليكي
وان شاء الله تتكرر
وتقبلي مني خالص التحيات

romansy يقول...

كل عام والمسلمين فى مصر والعالم الاسلامى بكل خير ومحبة وسلام لكل الانام

عيد اضحى سعيد

اعاده الله على الجميع بالامن والاستقرار

والسرور والتسامح

اقدم عاصمه فى الحب يقول...

السلام عليكم
ازيك يا ابن بلدى
عامل ايه
يا رب تكون بخير
ايه الكلام الجامد ده
البسوت قمه من الروعه
جواه كميه من المشاعر انا حسيتها اوى

تسلم ايدك يا رايق
وكل سنه وحضرتك بخير :)