كل واحد فينا عنده حاجات بيحبها... بل وبيعتبرها حاجه مميزة فيه ومكمله لشخصيته
الحاجات دي بقي ممكن تكون اكلة بيحبها او اغنيه او صورة معينه او كتاب او نوع مفضل من الرياضه بيمارسه
او حتي فيلم
انا واحد من الناس ( بس مش كريم عبد العزيز هههههه ) عندي بردو الحاجات دي والحمد لله هي كتيره اوي
يعني مثلا لما بقعد علي الجهاز لازم احط قران ومش لاي حد لشيخ واحد بس اسمه ناصر القطامي ماشاء الله عليه
هو دا فعلا اللي بحس معاه باني بسمع قران بجد دا تقريبا شىء اساسي في حياتي
او اسمع اناشيد لمشاري والحمد لله حافظها كلها وبدندن بيها طول الوقت
اما لو حابب انحرف شويه ههههههه فبسمع سامي يوسف
اللي بقي حابب اتكلم عنه النهارده هو فيلم وبصراحه مش زي اي فيلم
لما سمعته اول مرة مكنتش مصدق نفسي فضلت مذهول لغاية اخر لقطه فيه فعلا يا جماعه قصه
تستحق اكتر من اني اقول عليها ممتازة هي فعلا قصه خرافيه سبحان الله والله فعلا الكتايه دي موهبه
مش اي حد ممكن يمسك ورقه وقلم ويكتب الشخص اللي كتب القصه دي عبقري من الطراز الاول
احمد حلمي بجد فنان موهوب فعلا خلاني مصدق كل جزء في الفيلم وادي الدور ببراعه يحسد عليها
تعرفو اني لما بكون مضايق او فيه حاجه خنقاني بروح مشغل الفيلم وسارح معاه ...
اخيرا قدرنا نقول ان فيه فن محترم في مصر .. فن بيبني مش بيهدم ... فن بيركز علي العقل مش الغريزة
الفيلم خالي تماما من اي مشهد مثير او مخل حتي البطله لاول مرة في حياتها تتطلع في دور محترم وبصراحه كانت روعه
القصه عجباني اوي وبعتبرها احلا حاجه اتفرجت عليها بعد الفيلم الخرافي abeautiful mind
ياريت كلكم تتفرجو عليه وتقولو رايكم وهل انا فعلا عندي حق ولا لا
هناك 3 تعليقات:
اه اسلوبك جميل كمان ذوقك جميل دا كتير علينا بجد انت رائع
دا انتي اللي جميله وربنا يبارك فيكي وف كلامك فعلا الفيلم دا بحبه بجد ويارب تكوني شوفتيه
اكيد شوفته ومعجبه بيه فعلا
وفى فيلم تانى اسمه الحياه منتهى اللذه (لحنان ترك)اوك
الفيلم دا رائع ونضيف بجد وليه قصه بس لو حد فهمه وعلى فكره ليه هدف ياريت كل البنات تشوفه وتتعلم الهدف الصح منه
إرسال تعليق