Pages

الأحد، 20 سبتمبر 2009

حتي اكون عارية لك + تحديث مهم جدا

وحشتوني اوي
كل سنه وانتم طيبين
ويارب عيد سعيد علي الجميع
*************
بجد انا لما قريت الموضوع دا في احد المواقع
عجبني جدا 
لدرجة اني قررت وصممت وانا في كامل قواي التدوينيه
اني اعمله بوست جديد
علشان كل الناس تقراه زي انا ما قريته
بصراحه كمان انا مش عارف مين بالظبط اللي كتب 
الخاطره الروعه دي
بس اقل وصف ممكن اوصفه انها فعلا عبقريه بجد
انا هضيف ليها شوية صور كدا
علشان تثري الموضوع اكتر
وكان نفسي والله احط خلفيه موسيقيه معبره
علشان نعيط واحنا بنقرا
ههههههههه
بس للاسف فشلت كل محاولاتي
لاني معرفش بتتعمل ازاي
شوفتوا انا خايب قد ايه
........ وكمان انا
بطل رغي بقي وهات البتاعه دي
حاضر
يلا بينا
****************

(1)
نعم !!
لم يكن أبي امْرَأَ سَوْءٍ
وما كانت أمي بغيا
لكني لست بطهر مريم العذراء
كي أقاوم شوق أنوثتي إلى أحضانك
ولا أنا بتقوى يوسف الصديق وورعه
كي لا أهم بك وأنت تُغلق أبوابك دوني!
وأخشى أن لا أثبت أمامك طويلا !
أخشى أن لا أثبت أمامك طويلا !
فجنبني الحرام ...و ارحل !!
(2)
وأنت تهاتفني في الليلة الأخيرة
وتحدثني بهمس عن وعن وعن
كنت تغمض عينيك بنشوة
وتتخيلني معك على بقعة أرض محرمة
وكنت أغمض عيني بصمت !!
وأتخيلك معي على الأرائك في جنة الخلد !
وأعلم أن ألمي العظيم في الفقرة السابقة لن يشعر به
إلا عاشقة تقيم الليل على سجادة صلاتها
ورجل ...مازال يبكيه قول الله تعالى
والسابقون السابقون أولئك المقربون
(3)
شربت من حكايتك البحر كله !!
حتى شرقت بملح أمواجه !
ضربت رأسي بجدار ظروفك حتى أفقدته ذاكرته!
مددت لك يدي كأنك أخر أطواق النجاة لي !!
جاهدت في الوصول إليك كأنك قشة الغريق الوحيدة!
ركضت خلفك بقلب لاهث وكأنك سفينة نوح التي خلفتني !
حتى انقطعت أنفاسي
وتعبت !!
تعبت منك....تعبت مني !
تعبت من صمت التمثال بك !
تعبت من بكاء الأنثى بي !
(4)
فمنذ أن أحببتك!!
وأنا أغرق في بحر فراقك وأنتظر منك طوق النجاة
ومنذ أن عرفتني وأنت تنتشي بغرقي
وتُلقي لي بطوق خذلانك!!
منذ أن أحببتك !!
وأنا أعاملك كأميرات الحكايا وفرسان الخيال
ومنذ أن عرفتني !
وأنت تعاملني كفريسة الطريق وذئاب الغابة
كلما اقتربت بجوع الحب منك !
اقتربت بجوع الرغبة مني!
فضع عينيك بعين الله إن استطعت وأخبره !
كم مرة دعوتني بها إلى الحرام
وكم مرة صرخت بك :
أخاف الله رب العالمين
(5)

وكم من ليلة خلتها ا ليلة زفافي إليك !
وكم من ليلة ارتديت بها فستاني المطرز بالشوق!
وكم من ليلة خضبت يداي بنقوش الحناء !
وكم من ليلة أغرقت ضفائري بالمسك والدفء والعود !
وكم ليلة زينت بها كفي بالأساور و قدمي بالخلخال!
وكم ليلة رددت بها أني زوجتك نفسي لـ نفسي !!
وخفضت رأسي خجلا منك ووهما بك !
وكم ليلة أشرقت بها الشمس علي..وأنا وحدي!
يغفو على وسادتي الأخرى وهمي .. وهمي !
ولم ... أزف بها إليك !!
(6)
فـ كالأرجوحة كانت حكايتي معك
مرجحتني على خيوط الوهم تارة .
.وعلى خيوط الحنين تارة أخرى !!
فكنت كالمعلقة بخيوط الهواء مابين السماء والأرض
أنتظر سقوطي مع كل ارتفاع إلى السماء
وأترقب موتي مع كل نزول إلى الأرضِ !!
فلا أنا لامست السماء بها معك!
ولا أنا استقريت فوق الأرض !!
(7)

والله إني أشتاقك وأحتاجك !!
حد رؤية ملك الموت يحوم في ليالي فراقك حولي!
فلست دمية ثلجية.. ولا لُعبة خشبية !
ولا جدار منزل قديم متهاوي. لا يشعر بالمارين به شوقا !
ولكن ... كيف الوصول إليك ؟
والله يحاصرني من كل الجهات ِ !!
(8)
فإشتر لي قطعة أرض لا تدخل في ملك الله
وأنا أعدك أن أمارس معك عليها
كل آثام البشر وكل خطايا أهل الأرض منذ أن خلق الله الأرض!
أعدك أن أصافحك عليها بشوق..!
دون أن أتذكر حديث أمي عن( جمرة ) مصافحة الغرباء!!
أعدك أن أمزق غطاء رأسي أمامك...
وأسدل على صدرك أرجوحة ضفائري. !!
دون أن أنتفض رعبا..حين تصرخ بي نفسي اللوامة باكية
أن كل شعرة من رأسي.. بجمرة من النار !!
(9)
اشتر لي قطعة أرض لا تدخل في ملك الله !
وأنا أعدك أن أكون عليها معك بكامل أنوثتي وجنوني وخطيئتي!
وان أحكم غلق الأقفال بقوة كي لا يراني معك أحد.. !
وأكتم صوت ضميري وهو يردد لي مذكرا !!
( إن لم تكن تراه فانه يراك ...إن لم تكن تراه فانه يراك)
(10)
اشتر لي قطعة أرض لا تدخل في ملك الله !
وأنا أعدك أن أغافل ثقتهم الآمنة بي
وأتحايل على حسن ظنهم بتربيتي..
وأغدو إلى موعدك الآثم بفرح دون أن يعرقل سيري إليك !!
منظر سيري على الصراط والنار تحتي
وألسنة اللُهب تتخطفني من كل صوب..وإتجاه!!
(11)
اشتر لي قطعة أرض لا تدخل في ملك الله
وأنا أعدك أن أمارس عليها معك الحب والغرام بأرقى الطرق
وأرخص الطرق ... !!
دون أن يُعكر صفو شوقي إليك إنشغال تفكيري !!
بالكبيرة التي ساءت سبيلا !!
(12)
اشتر لي قطعة أرض لا تدخل في ملك الله
وأنا أعدك أن أتجرد أمامك عليها من كل شي
وان أراقصك عليها عارية إلا من ذنبي !
دون أن تعترض خيالي صورتي وأنا ممدة على مغسلة الموت
عارية من كل شيء إلا خطاياي وأعمالي!
أعدك أن أملا بياض ثوبك بأحمر شفاهي..
وأبعثر بوحشية أنثى لهفى غطاء سريرك الأبيض
دون أن يذكرني غطاء سريرك ببياض كفني
وأنا أزف إلى القبر ووحشة القبر وضمة القبر وحدي!!
(13)
اشتر لي قطعة ارض لا تدخل في ملك الله !!
فلن أخون الله أمام عينيه وفي ملكه
لن أخون الله أمام عينيه وفي ملكه
لن أخون الله أمام عينيه وفي ملكه
(14)
في كل مرة أعدك بها أن لا أعود
كنت باسم الحنين أعود !!
ومع كل عودة كان يمزقني إنتحاب الكبرياء بي !
لهذا وعدت الله أمامك في المرة الأخيرة
أن لا أعود
ولن أعود !!!
حنيني وأعرفه
يخجل أن يُخلف مع الله وعده !!
(15)
ثق !!
لم يكن فشلي في حكايتك
سوى طعنة نصيب
لا أكثر ... ولا أقل !!
لا أكثر ... ولا أقل !!
فقط


:يارب تكون عجبتكم
اليكم خالص تحياتي
ibrahim


تحديث
دا لينك تحميل ملف الموضوع
وسهل التحميل جدا ان شاء الله
حمل من هنا

هناك 52 تعليقًا:

همس يقول...

لن اخون الله امام عينه وف ى ملكه
وكفى

♥نبع الغرام♥♪≈ يقول...

مممممممممم
ايه يعنى تانى تعليق ولا الكام
مش مهم

احجززززززززززز

♥نبع الغرام♥♪≈ يقول...

وكمان تعليق

كل سنه وحضرتك طيب وعيد سعيد عليك وعلى الامة الاسلاميه وربنا يطمنا عليك

♥نبع الغرام♥♪≈ يقول...

ممممممممممم

الصور تحفه جدآ

اروح اقرء وارجع بقا
فاصل ونواصل

♥نبع الغرام♥♪≈ يقول...

احم احم
الخاطرة دى روعه قوووووووووى
وكلماته صعبة جدآ ومحتاجه انى اكون فايقه ومصححه ياااااااااااااااااااه

هرجع تانى

♥نبع الغرام♥♪≈ يقول...

أسأل الله أن يستر على نساء المسلمين


بارك الله فيك كلامك جدا رائع

♥نبع الغرام♥♪≈ يقول...

وطبعآ كلامى دا موجه لكل الناس على ما فهمته من هذه القصيده

أشغل نفسك بالتحليق في ملك الله لتملأ قلبك بالإيمان وتطرد عتك وساوس الشيطان وحزبه تذكر أنك ميت ومبعوث على ما مت عليه ! لا تنس يوم ينشر لك السجل أمام الخلق ! سينطق الله كل عضو فيك بما فعلت ! حتى فرجك ! فياللفضيحة ! وياللعار ! فبأي وجه تقابل ربك ؟ ردد دائما ( الله شاهدي ، الله ناظري ، الله معي )

مودتى
ايناس

عاشقه وغلبانه يقول...

جميله اوي اوي
تسلم ايديك

نوسه وريمان فى هاكونا مطاطا يقول...

كل سنه وحضرتك طيب

عيد سعيد وعمر مديد

عمرو يقول...

أولا كل سنه و أنت طيب ..
ثانيا تحيه كبيره أوى أوى للبنوته الاٍفتراضيه الجميلة القلب و الطارهة الروح اللى قالت هذا الكلام العذب و عبرت به بصدق عن رفضها لما فيه غضب الله رغم شوقها الغريزى اٍليه ..
ثالثا تحيه كبيره برضو أوى أوى لكاتب هذه الأفكار اللى بجد عبر بشكل مذهل عن أشد خبايا النفس توحشا و طهارة ..
رابعا تحيه لك أنت شخصيا على أنك جعلتنا نشاركك متعة التأمل و لم تستأثر بها لوحدك .. و أزعم أنه لو أثرت هذه الكلمات فى أحد و تراجع عن الاٍثم بفضلها فسيكون لك نصيب كبير من الثواب و لا أزكيك على الله و لكن هكذا أئمل..
بارك الله فيك يا اٍبراهيم الحبيب و تقبل تحياتى و تقديرى ..

غير معرف يقول...

كل سنه وانت طيب

اسمحلي ان احيي كاتبه هذه الكلمات التي عبرت بصدق عن صراع الحب والرغبه والخير والشر داخلنا .....

واتمنى ان يثبتنا على طاعته وان يجعل خشيته دائما امامنا

همس يقول...

عجبنى او تعليق ايناس أشغل نفسك بالتحليق في ملك الله لتملأ قلبك بالإيمان وتطرد عتك وساوس الشيطان وحزبه تذكر أنك ميت ومبعوث على ما مت عليه ! لا تنس يوم ينشر لك السجل أمام الخلق ! سينطق الله كل عضو فيك بما فعلت ! حتى فرجك ! فياللفضيحة ! وياللعار ! فبأي وجه تقابل ربك ؟ ردد دائما ( الله شاهدي ، الله ناظري ، الله معي ) كلامك صح اوى يانوسه

promise is promise يقول...

انا بحجز بس هقرا وارجع تانى
كل سنه وانت طيب

promise is promise يقول...

جامده جدا

فعلا عندما تملك ارضا غير ارض الله
ورزقا غير رزقه
وعندما لا يراك
وعندما لا ينظر اليك ويسترك
فاذهب الى حيث سولت لك نفسك

تسلم الايادى
جميله جدااااااااااا

كل عام وانت بخير والسلام ختام

ستيتة يقول...

اسمح لي احط اللينك عندي كبوست
شكرا لموضوع ان شاء الله في موازين حسناتك

أبــــو ضـــيــاء يقول...

يااااااااااااااه
جامده قوي
بجد مالهاش حل
تسلم ايدك انك وصلتهالنا نقراها

حاسوباتيه يقول...

كل سنه وانت بالف خير يارب

انا اول مره ادخل عندك ودخلت من مدونه ستيته

بس بجد خاطره فوق الرائعه بجد رائعه ياريت كل بنت تقراها وكل شاب كمان ياريت بدل الي بنشوفه بيحصل للاسف

بجد رائعه وجميله جدااااااااااا وبعد اذنك هل ممكن اخدها احطها على منتدى انا مشتركه فيه هو منتدى نسائي وهكتب اسمك وعنوان البلوج فلو سمحت هاخدها لو قولت لا حقك اكيد بس حابه احطها بجد علشان الكل يستفيد منها وهستنى ردك

القدر و انا يقول...

ابراهيم
اولا كل سنة وانت طيب
ثانيا.. شكرا لهذا الاختيار الرائع
ليت كل الشباب والفتياتي يضعنه كلمات ومعانى نصب اعينهم .. فهو تصوير رهيب لصراع عميق لمؤمنة بالله مع براثن الشياطين ونعوذ برب العالمين منهم
تحياتى

منــار فايد يقول...

لا اله الا الله
مؤثره جدا جدا
ربنا يباركلك يارب
ربنا يهدينا جميعا ويحمينا من الشيطان واثمه
وبارك لك في ايام العيد
وحلت عليك سعاده الدارين
وشكرا ايضا للدكتوره ستوته لاني عرفت اللينك من عندها


كل عام وانت بخير
وعيدك سعيد

عاشقه الرومانسيه يقول...

بجد راااااااااائعه
اهنيك على حُسن اختيارك
تسلم ايد اللى كتب واللى نقل
انا حسيت بكل حرف فيها
والاسلوب ممتاز

ساره يقول...

ماشاء الله تبارك الرحمن
خاطره ارتجف قلبي لها
ودمعت عيانى منها
كلمات ولا اروع
شكرا اخي
وكل سنه وانت طيب

توتة المخنوقة يقول...

bgad post gamed awii we fe a7ases 3alya awii

------ يقول...

كل سنة وانت طيب

ربنا يحفظنا ويحمينا ويرضى عنا
قول امييين

تحياتى لك

مسدس صغير يقول...

جميلة جدا
احييك على حسن الاختيار
كل سنة وانت طيب

حنعيش يعنى حنعيش يقول...

روعة روعة روعة تسلم ايدك ودماغك وكل سنة وانت طيب

حنعيش يعنى حنعيش يقول...

روعة روعة روعة تسلم ايدك ودماغك

غير معرف يقول...

جميل قوى ياابراهيم
وكان احد التابعين ذكر فى حوار له مع
شخص كان يعصى كثير ويعود بعد التوبة
فكان من ضمن نصائحه
ان كنت تصر على المعصية فاعصاه خارج ارضه قال كيف والارض كلها ملك لله
قال التابعى تعلم ذلك وتصر ان تعصاه
على ارضه وكذلك الرزق
فكان المقصود هذا المعنى
جزاك الله خير على النقل
وجزا الله خير المنقول عنه

Soul.o0o.Whisper يقول...

أول زيارة
و الاول نقول كل سنة و انت طيب

و عيد سعيد عليك يارب ان شاء الله



حقيقى الخاطرة رائعة و عبقرية فعلا
ما شاء الله


سعيدة بالتعرف على مدونتك و ان شاء الله ماتكونش الاخيرة


دمت بكل خير

Yusuf يقول...

رائعة بجد يا هيما

احلي ما فيها عمق معانيها

كل سنة وانت طيب يا هيما

قلم رصاص يقول...

كل سنة وانت طيب ابراهيم بيك

عيد سعيد عليك وعلى سائر المسلمين

البوست ده وجع قلوبنا يااخي

صراعات عجيبة

ربنا يثبتنا على دينه الذي هو عسمة امرنا وان يجعلنا للمتقين اماما

دمتم على خير

TWEETY يقول...

كل سنة وانت طيب

مبسوطة انى زرت مدونتك

فاتيما يقول...

اشتر لي قطعة أرض لا تدخل في ملك الله
الجملة دى عبقرية
البوست حلو فعلا زى ما س س قالت
مين س س ؟؟؟
ست الكل ستوتة طبعاااااااا

وردشان smilyrose يقول...

السلام عليكم

كل عام وانت بالف خير اخى

اولا بشكر اختى الغالية دودو

لانها اهدتنى هذا البوست

عشت مع كل كلمة فيه

ووجعتنى الامها وفرحنى تقواها

دعاء العطار يقول...

بجد جسدت بمنتهى العبقريه صراع الصح والغلط والقلب والعقل

فعععععلا برافوا عليها وبرافو كمان لان الخير هو اللى انتصر

وشكرا ليك انك نشرتها لنا

beautiful mind يقول...

متشكر جدا لكل اللي علقوا ع البوست
والحمد لله ان الرساله وصلت
وشكر خاص جدا للعظيمه د ستوته
صاحبة الفضل الاول في نشر هذا البوست
*********
حاسوباتبه
طبعا الموضوع متاح وانا اكون سعيد جدا وموافق جدا علي طلبك
ودي فرصه كويسه علشان ناس كتير تقراه
تحياتي للجميع

عاشق الجنة من الإخوان صلى على النبى يقول...

مقال جميل
بس يا ريتك كا كنت وضعت الصور
صلي علي النبي

عاشق الجنة من الإخوان صلى على النبى يقول...

لو سمحت عايز أنقل المقال وحاولت ففشلت
يا ريت تأذن لي
صلي علي النبي

فشكووول يقول...

اجمل ما فيها انها قصيده نثريه او كلمات موزونه خواطرها متواتره وسردها منطقى

كثيره من اللوم وكثير من التطرف فى الافكار والافعال ولكن تعود النفس اللوامه الى كبح جماح التطرف وفى النهايه تقطع النفس اللوامه الطريق على النفس الاماره وينتصر الخير فى الانسان على الشر

جئت من مدونة الدكتوره فرأيت هذه الكلمات الحزينه والتى اراها كلمات راقصه بجمال اجمل النساء وبـ انتشاء سالومى

تحياتى وكل عام وانتم بخير

حبات التوت يقول...

بجد بجد بجد اكثر من رائعة

بجد جميله بشكل لايوصف

مش عارفة اقول عنها اية اكتر من انها فوق الوصف

لن اخون الله امام عينه وفى ملكه

مع تحياتى ويلا

beautiful mind يقول...

ان شاء الله انا هضع القصيده دي في ملف
واحطها هنا
علشان اللي عايزها يقدر يحملها
وتحياتي لكل من حضر وعلق
وسلامي للجميع

Unknown يقول...

الله حلوة اوى
شكراً ياابراهيم
على نقل الموضوع
فعلاً لو الانسان
استحضر وجود
الله
عز وجل فى كل
وجود ما عصاه
ابــــــــــداً

Unknown يقول...

كل سنة وانت
بألف خير
يارب.

dr/shiko يقول...

انا بصراحة عجبتني الخواطر دي .. واقشعر لها بدني ... لن اخون الله في ملكه وامامه

mimi يقول...

أنا مش مصدقة عيني

أنا إيه اللي قريته ده؟

سبحان الله وتبارك فيما خلق

الموضوع ده مش محتاج تعليق

فيه اقتباسات من القرأن الكريم في موضعها بجد

سبحان الله

شكرا ستوتة إنها خليتني أنشر ده

ممكن أنشره عندي في مدونتي ؟

يبقي ليا الشرف

وهحط لينك المدونة بتاعتك ولينك الموضوع

تسلم ايدك وأفكارك

mimi يقول...

حاولت كتير قبل كده أدخل عندك بس المدونة كانت مفتوحة للمدعوين فقط

mimi يقول...

ممكن أنشرها عندي؟؟؟؟؟؟؟

آه من قلبي يقول...

حلوة بجد
الخاطرة روعة
وعندك حق تنشرها
اتمنى تشرفني في مدونتي المتواضعة

ريمان يقول...

لا لا

بجد معرفتش اكملها


صعبه اوى اوى

همس يقول...

الله الله ياهيما البوست عمل انقبلب جامد هنا وعند اصحابى بجد تسلم ايديك يا عسل

promise is promise يقول...

الموسيقى ماثره جدا يا ابراهييييم


مش ممكن

أم بتول يقول...

اشتر لي قطعة ارض لا تدخل في ملك الله !!

فلن أخون الله أمام عينيه وفي ملكه

أكثر من رائعة ياريت نعرف كاتبها الحقيقى لنهنئة عليها ، حاولت تحميلها لكنى للأسف لم أنجح ياريت لو تشرح بالتفصيل كيفية تحميلها .
جزاك الله كل خير

βent Pasha يقول...

جميلة ومعبرة

جزاك الله كل خير

تحياتي