من البحريه المصريه احييكم

احبائي خلاااااااااص

دا بجد اخر بوست قبل ما امشي

الاول بس والله انا بحبكم جدا جدا كمان وفعلا اكتر حاجه

هتشغلني وانا هناك انتم واحوالكم

ثانيا

انا النهارده كنت في منطقة التجنيد علشان اعرف سلاحي وهامشي امتي

ويشاء رب العالمين ان اسمي يكون اول اسم يتندي

والحاجه اللي مش مصدقها اني دخلت سلاح ( البحريه ) اللي محدش بيدخله

غير بالواسطه

تقريبا مختاروش غير 10 فقط للسلاح دا وانا كنت واحد منهم

الحاجه الاجمل بقي اني هكون موجود في اسكندريه

يعني بينها وبين بيتي تقريبا كدا 20 دقيقه

يعني والله ببركه دعائكم الصادق مكنتش هعرف الاقي نفسي فين

يلا بقي

اديني هلبس ابيض في ابيض ( زي الملايكه اما تشوفها ) واكيد

هعمل زي اسماعيل ياسين لما كان في البحريه ويجيني دوار البحر

قبل ما اختم بس

والله انا بعد ما كتبت البوست اللي فات زعلت جدا من نفسي

جدا كمان

علشان لقيت اني نسيت ناس كتير مذكرتهاش مع انها كانت دايما معايا

ولما رجعت تاني علشان اضيفهم لقيت ان النت فصل عندي

عموما

ميزعلوش مني انا مقدرش علي زعلهم والله

وانا بجد بشكرهم كلهم ويارب يتقبلوا اسفي

ومش عارف اقول ايه غير كدا ل

ورده

فراشه

ريمان

مروه

محمد

promise is promise

همسة ايمان

ويارب لو نسيت حد تاني يتقبل اسفي

اشوفكم بالف خير

وربنا يطمني عليكم

والله هتوحشوني

السلام عليكم ورحمة الله

بجد مش عارف هكتب ازاي ولا هقول ايه

بس كان لازم اني ممشيش من غير حتي ما اسلم عليكم

لاني بجد قضيت معاكم اجمل لحظات عمري وانا هنا

بتاعبكم وتابعوني ودايما كنا لبعض ايد واحده نفرح لفرحنا

ونحزن لحزننا

خلاص اليوم اللي كنت مستنيه جه

وهروح ان شاء الله بكره علشان اعرف السلاح اللي انا هدخله

وهسافر امتي واللي غالبا بيكون في نفس اليوم او بعدها بيوم

انا قولت اكتب البوست دا علشان لو معرفتش بكره اني اكتب

تبقوا انتم عارفين ظروفي

بجد نفسي اشكر ناس كتير ... نفسي اقولكم هتوحشوني

مش عارف ابدأ بمين ولا مين

وخايف انسي حد يزعل مني بس صدقوني كل واحد دخل عندي

او انا دخلت عنده انا حسيت فعلا اني اعرفه من زمان

وبشكر ربنا سبحانه وتعالي انه الهمني بعمل المدونه دي واللي كانت سبب

في اني عرفتكم

د ستيته ( مش عارفه بس نفسي اعرف ) هفتقد حضرتك جدا وهتوحشني موضوعاتك

واسلوبك وثقافتك الجميله وبجد انا اعتز جدا بمعرفتك

استاذ عمرو بدر ( حبشتكانات فلسفيه ) حضرتك انسان جميل ومثقف وكل بوست كنت بتكتبه كان

بيمثل فكره او معلومه جديده .. ربنا يديك الصحه وطول العمر وارجع الاقي مدونتك منورة الدنيا

انوسه ( عاشقة الاحزان ) طبعا يا ايناس انتي عارفه من غير ما اتكلم انا كان نفسي في ايه

وكنت طلبت منك ايه .. بس بصراحه انا كمان هفتقدك اوي لانك كنتي دايما بتنوريني بكلامك

وطيبة قلبك بس علشان خاطري بلاش تحزني علي حاجه هي محزنتش عليكي

ان شاء الله لما ارجع الاقيكي عملتي اللي قولتلك عليه

ديالا ( دموع الورد ) انشط بنات المدونات كل يوم كان ضروري اني افتح مدونتك علشان اعرف ايه

الجديد عندك ... ربنا يوفقك في عملك وان شاء الله مجهوداتك تكلل بالنجاح .. وربنا يكرمك وتلاقي

نصك التاني وتحققي كل احلامك وارجع الاقيكي عروسه ههههه

فتاه من الصعيد ( ملقتلهاش عنوان ) ان شاء الله تفضلي كدا دايما منورة الدنيا بافكارك الجميله

واسلوبك الرائع وبجد انتي شخصيه رائعه ربنا يسعد ايامك

بصراحه في ناس كتير جدا احب اشكرهم علي تعاونهم معايا وتشجيعهم الدايم

ام احمد المصريه

ام مالك

تلميذة سلمان الفارسي

الاستاذه اسر ياسر

د عرفه

د ياسر

ايمان

وان شاء الله اشوفكم بخير بعد 45 يوم

يمكن اكتر ويمكن اقل

لو انا عرفت بكره اني اقولكم انا دخلت ايه وهمشي امتي هكتب لو فيه وقت

ولو معرفتش يبقي الحاضر يبلغ الغايب

ويارب متنسوش المدونه

واذا كانت الموضوعات هتقف شويه

اتمني انكم تقلبوا فيها وان شاء الله هتلاقوني موجود بين السطور

وختاما

السلام عليكم ورحمة الله

انا جيييييييييييت

ازيكم يا احلي ناس في العالم الالكتروني

انا الحمد لله رجعت بالسلامه من رحلة مطروح

واللي بصراحه كانت قصيره اوي

وكنت اتمني تكون اطول من كدا

بس انا كان لازم ارجع ومطولش لاني خلاااااص

بستعد خلال الاسبوع دا علشان هروح الجيش



عموما والله الرحله كانت جميله جدا ومفيده

وبصراحه بحر مطروح زي ما قلتم حاجه كدا متتوصفش

انقي مياه ممكن تشوفها

ومدينة مطروح مدينة لها طابع فريد غريب

هاديه جدا جدا

وتمشي فيها كانها مفيهاش حد

بس اكتر شىء ازعجني فيها انها مفيهاش ميه خالص

حتي الجوامع بالكاد ممكن تتوضي فيها

لكن والله انا حبيت البلد دي جدا

يمكن علشان انا حسيت انها من ضمن المحافظات

المهمشه في مصر زي الصعيد كدا

المهم

احنا روحنا شط اسمه ( روميل ) وهو عباره عن جزء محصور من البحر

وميته هاديه جدا ومفيهاش موج نهائي يعني مناسبه جدا للاطفال

ولاني مصاب بال ( هيدرو فوبيا ) الحاده

كعادتي قعدت علي الشاطىء وانا مستمتع برؤية اصحابي في الميه

بس انا اكتشفت منطقه هناك دي بقي ع البحر المفتوح

بس ايه تحفه بجد

ودي اللي قضيت يومي كله فيها

واتصورت هناك كمان

بتليفوني الصيني المعفن ( ربنا يخليلنا الصين ) وتنعنشنا

يلا بقي هسيبكم تتفرجوا ع الصورتين دول

بس محدش يعيب اوك

كفرت بك يا الهي

عفوا هذا الموضوع للكبار فقط

اذا كنت من ضعاف التفكير او ضيقي الافق

رجاء غادر المدونه حالا ولا تجهد عقلك في فهم اي كلمة

*

*

*

*

*

*

منذ سنوات وانا اعبدك

واشغل بالي في ان اكون بجانبك

أضعت اجمل اوقاتي وانا معك

حاولت ان اكون مخلصا لك ... فحولتني الي عبد

قدمت لك كل القرابين ... وتلوت لك كل التراتيل

وتماديت في طاعتك

حتي صرت لي كالإله

كنت كالسماء واسعة الافق

تترامي اطرافك

وانا كلما ابحرت اليك بعدت عني

لتاخذني اليك اكثر

فلم انتبه الي نفسي

الا وانا مكبل بقيودك

قدمت اليك كل ما املك

اخذت مني احلي اوقات حياتي

قابعا امامك ..

انتشي من افكارك

التي لا تنتهي

اخذت مني صلاتي .. وحولتها الي صلاة في منتدياتك

حتي اموال صدقاتي ... سرقتها ثمنا لبقائك عندي

وحججت الي مواقعك ...

املا ان احصل علي جنة مدوناتك

وبعدما ارقني التعب

قررت ان اكفر يا الهي الجديد

ساكفر بك وارجع كما كنت قبل ان اؤمن بك

فلا تحاول ان تغريني اكثر بمفاتنك

ساصبح عبدا ابقا

لن تفيدك صلاته ولا تراتيله

*

*

*

*

الي كل احبائي المدونين

رجاء صغير

التعليقات علي هذا البوست فقط لمن فهم المراد

والجهلاء يمتنعون