العلاقات الإنسانية حاجة غريبة ومحيرة
مهما حاولت تفهم الناس تلاقيهم دايمًا يفاجئوك بحاجة عمرك ما تتخيلها..
التجارب مش دايما مقياس لكل حاجة بنعملها أو هعملها
تلاقي حد يقرب منك اوي ويبقى قدامك ٢٤ ساعة في اليوم حرفيًا ويسأل عليك طول الوقت لغاية ما تبدأ تهتم بيه انت كمان ومع الوقت تتعلق بيه ويبقى هو محور اهتمامك وتربط سعادتك بيه...
يومك مش بيمشي غير لما تكلمه.. أوقاتك بتبقى صعبة من غيره
حتى أحلامك بتترسم معاه.. يعني بقى كل الدنيا بالنسبة لك
بتحب اللي يحبه وتسمع الأغاني اللي ييبعتهالك وتاكل الاكل اللي يقولك عليه وتلبس اللبس اللي هو يقولك دا لايق عليك...
وفجأة وبدون مقدمات الشخص دا يختفي من حياتك..
تسود الدنيا في عيونك.. يجيلك اكتئاب يخلي النوم يطير من عيونك
ومليون سؤال في دماغك مش لاقي ليهم إجابة.. ليه عمل كدا؟
ليه ظهر في حياتك أصلا؟ ليه علقك بيه؟ ليه اختفى؟
كل اللي فات دا حكهولي صديق لي والدموع مبتنقطعش منه
بيحكيلي عشان اخفف عنه او الاقيله حل.. لكن للأسف دي الحاجة الوحيدة اللي مقدرش أفيده فيها..لأني حطيت نفسي مكانه
السؤال اللي بجد ليه حد ممكن يعمل كدا في حد بيحبه؟
ليست هناك تعليقات:
إرسال تعليق