Pages

الجمعة، 11 أكتوبر، 2013

ابيع نفسي




قابلته منذ أيام ولم أصدق ما رأته عيني فقد تغيرت هيئته تماما
لكن ملامحه مازلت كما هي تطل منها وسامته المعهوده وقوامه الممشوق
ياسر الذي كان معدما أيام دراستنا بالثانوية والجامعه بالكاد كان يملك
مصاريفه اليومية وملابسه التي كان يرتديها أكل الزمان عليها وشرب
حتي أنه كان يخجل أن يذهب معنا في أي مكان خشية أن يتفاجأ بأن عليه
أن يدفع ولو جنيه نظير مشروب نشتريه .. كل هذا لم يعد موجودا
لما رأيته لم أكن أتوقع انه هو لولا أني احفظ ملامحه وقسمات وجهه 
عن ظهر قلب .. توقفت بجانبي سيارة فارهه ونزل منها شخص يرتدي
نظارة سوداء ورائحة العطر تفوح منه ومن سيارته ثم اقترب مني وناداني
- ازيك يا  genius
رجعتني الكلمة التي سمعتها للوراء سنين طويله فلم أعد اسمع أحدا يناديني
بهذا اللقب الذي خلعه علي زملائي بالجامعه منذ ايام الدراسه
وذلك لأني كنت لا أدع شاردة ولا واردة الا وأقحمت عقلي فيها
وما أن نظرت خلفي الي صاحب الصوت حتي وجدته فاتحا ذراعيه محتضنا اياي
كعادته وانهال علي بسيل من القبلات والتسليمات والسؤال عني وعن احوالي
وعما الت اليه ظروفي واين اعمل وعما اذا كنت ارى أحدا من اصدقائنا القدامي
وانا لا أجد الا اجابة واحده عن كل اسئلته المتلاحقة 
- كله تمام الحمد لله
وقفت معه لدقائق حتي شعرت أنه لم يعد بيننا حديثا مشتركا نتحدث فيه
فاستأذنت منه بحجة تأخري عن عملي علي أمل أن التقي به ثانية في لقاء قريب
ودعني وأعطاني كارت شخصي مدون به أرقام هواتفه أخذته منه وانصرفت
وما هي الا لحظات حتي فتحت الكارت لأقرأ ما عليه فوجدت اسمه
وتحته مكتوب مدير شركة السما لتجارة السيارات الجديدة والمستعمله
بدأت الأفكار تتلاحق والتساؤلات تنهمر من أين له بهذا ؟
احتمال أن يكون قد هاجر وعاد ... لكن هل تكفي 4 سنوات فقط لكل هذا النعيم
احتمال ان يكون قد ورث احدا ... كيف وابوه كان عاملا بالسكك الحديد
قطعت علي نفسي حبل الافكار والتقطت هاتفي لابحث عن شخص يربطني به
وبعد السؤال والتسليمات المعتاده وسيل التوبيخات الذي اسمعه من اي شخص 
اكلمه عن اني لا أسال علي احد منهم وأن قد نسيت ما كان بيننا وأشياء من هذا القبيل
- بقولك يابو حميد ؟
- قول ياباشا 
- انت فاكر ياسر ؟
- ياسر مين ؟
- ياسر الشناوي ياض اللي كان معاانا في الشله
- يااااااااااااااااااسر ايوه طبعا فاكره .. ماله ؟
- اصل انا قابلته النهارده وكان متغير خالص
- متغير ازاي يعني ؟
- يابني كان راكب عربية احدث موديل وباين عليه العز 
- ااااااااه هو انت مش عايش ولا ايه ؟
- هو ايه اللي حصل ؟
- يابني الواد دا طول عمره استاذ ولما جاتله الفرصه مكدبش خبر
- فرصة ايه ؟ سافر يعني
- سافر ايه يا يابني لا دا اتجوز
- هههههههههههه اتجوز وهو اللي يتجوز يتنغنغ كدا
- اه مهو لما تكون جوازة بالشكل دا يبقي لازم يغرق في النغنغة
- شوقتني يابوحميد احكيلي طيب وبالراحة بالله عليك
-  اللي أعرفه انه من سنه كدا كان محمود عبدالواحد صاحبنا بتاع المكتبه عارفه ؟
- اه الواد الرخم دا 
- ايوه ياسيدي اتصل بيا وقالي انه معزوم علي فرح في الدوان تاون وقالي اجي معاه
- وطبعا روحت ما انت طفس
- ههههههههههه هي دي حاجه تتساب.. روحنا بقي
وعينك ما تشوف الا النور ناس ايه اللهم صلي ع النبي حيتان
انا كنت حاسس اني اجرب جنبهم رغم اني كنت لابس البدله الجديدة 
اللي كنت شاريها من سوق الكلية .,, فاكر ؟
- يانهارك اسود هي دي جديدة ؟
- ياعم ما علينا وفجأة لقيت عمك ياسر قاعد في الكوشه
وجنبه بقي العروسه ... حاجه كدا متتوصفش
- ايه ياض اكيد قمر يابن المحطوطة ياياسر 
- أمر بالستر ياخويا دي بومه .. دا أنا لو حطوني جنبها ابقي شبه كريم 
اللي مدوخ البنات دا
- ياخبر للدرجة دي ؟
- والله يابني ما فيها ملامح بنات حاجه كدا استغفر الله العظيم
بس ايه بقي سمعت انها وحيدة ابوها وامها وابوها راجل مليونير 
وهي الوارثه الوحيده .. يابني دا أنا اكلت أكل اليوم دا
-  هو دا اللي همك .. طيب وهو كان عامل ايه ؟
- يابني بقولك ابوها مليونير الواد كان قاعد مزهول
- ياتري ايه اللي عرفه بالناس دي يا أحمد وايه اللي خلاه رمي نفسه الرمية السوده دي
انهيت المكالمة مع صديقي الطفس وجال بخاطري مشهد في احد الافلام
لشاعر كان يقول : 
ابيع نفسي لأول مشتر  ات  ابيع مقهورا حبيباتى وكلماتى
 فليسقط الشعر ولتنهار ابياتى فالشعر شعرى والمأساه مأسااتى.

هناك 10 تعليقات:

ياسمين يقول...

عجبتني الحكاية بس هي حقيقة ولا تأليف...فيه ناس تبيع ناس للدرجة دي عشان تتغني ,طيب ما يمكن بيحبها
وبعدين كل واحد اختياره في مراته بيكون مختلف عن التاني ..!!
كل واحد بيشوف من بره...

شمس النهار يقول...

ضحكني الحوار بينكم جدا
:))
بس ياسر ده في منه كتير
طب ده والله اتجوز من سنة
في بيتجوزوا اكبر منهم بكتير وعلشان الفلوس برضوا

غير معرف يقول...

أخي الفاضل
ما أصعب أن يجبرك الزمان علي ما لا تتطيق أو تتحمل وما أدراك اننا نتخلي عن الاشخاص بســهــوووله ..

لـگـنـنـا أيـضـاً لاَ نتـَمـسـك بَـ أشخاااااصُ

يـَشـعـرونـنا بــأنَ وجــودناو عــَدمــُه واآآآحـــد
كما أن الحب الان أصبح في قصائد الشعراء فقط ويتم ترجمته بالمصالح الشخصيه.

بنوته مسلمه

beautiful mind يقول...

ياسمين
اعجبني تعليقك
لكن بعذ النظر عن كونها حقيقة ام تأليف
فهذا الشخص وغيره كتير جدا ممن يحسبون كل شىء بالمصالح الشخصية موجودون حولنا في كل مكان
تحياتي

beautiful mind يقول...

شمس النهار
عندك حق في كل كلمة
اكيد طبعا اصحاب المصالح موجودين في كل مكان وفي كل زمان
وياتحب يا تقب

beautiful mind يقول...

غير معرف ( بنوته مسلمة )
اعتقد ان حضرتك مش بتعلقي علي الموضوع اللي اانا كاتبه
حضرتك بتوصلي رساله معينه
ووجهة نظرك تحترم
تحياتي ليكي

غير معرف يقول...

اخي الفاضل
انا لااحتاج لتوصيل رساله لاحد ولكنى اعتقد ان الشخص الذي تحكمون عليه من الظاهر من الممكن ان يكون مجبر ع ما فعله فنحن لا نعلم ظروفه .
وانا اعني بكلامي ان نتوقع اي شيئ في زماننا هذا تحت بند المصلحه الشخصيه.
شكرا لردك واعتذر لو ضايقتك.
بنوته مسلمه

كريمة سندي يقول...

كل عام وحضرتك بخير يارب ..

والمظاهر أحيانا تكون قاتلة .. المهم في الحكاية أنه في ناس سطحين أوي ودا طبعا بينتج بيئة هامشية تسلم وتحياتي الطيبة

Abo- Kamal يقول...

ربنا يسعدك يا ياسر و ربنا يهديك يا غرباوي ليه التسسيح ده

أمل حمدي يقول...


يارب تكون بخير إن شاء الله