Pages

الخميس، 5 أبريل 2012

الحب المستحيل




لما أي حد فينا يكون محتاج لأي حاجه بجد
ونفسه رايحه عليها ومهما كانت الحاجه دي
أكيد بيجي الوقت اللي بياخدها فيه وبيحقق الحلم
اللي كان بيحلم بيه ليل نهار
والحاجه اللي الواحد بيكون نفسه فيها ممكن تكون أكلة معينه
او لبس نفسه يشتريه او شقه او عربية او حتي انه يتجوز
ومصيره إن اجلا أو عاجلا إنه يحقق اللي نفسه فيه
حتي لو بذل الغالي والرخيص ولو ضيع عمره علشانه
حتي ولو كان متأكد انه مش هايلحق الحلم دا 
غير مع اخر نفس في عمره ... بردو بيبقي نفسه فيه
في مرة وانا في الجامعه دكتور قالي : كل واحد هايجي عليه يوم
ويحقق كل حاجه كان بيتمناها ... لو نفسك تلبس بدلة هتلبسها
لو نفسك تركب افخم عربية هايجي يوم وتركبها
ويوم ورا يوم ولقيت كلام الراجل بيتحقق وحصلت معايا
في 100 حاجه ولقيت فعلا كل حاجه ببقي نفسي فيها اوي
وكل حاجه كنت محروم منها بقيت معايا وبقي سهل جدا اني
اوصلها حتي اني في يوم من الأيام 
يعني من الاخر كل واحد نفسه في اي حاجه يسعي انه يحققها وهايحققها
بس تعمل ايه لما تكون الحاجه دي بقت مستحيله
تعمل ايه لما تتمني انك تعيش وانت اصلا ميت
تعمل ايه لما تتمني انك تشوف حد نفسك تشوفه
لما تحب حد بجد وتلاقي نفسك بقي وبينه بلاد ومسافات بعيده
لما يتعذب وانت مش حاسس ولما تحتاجه وهو مش عارف
ولما يبقي نفسك انك تقوله بحبك وبردو متعرفش
ولما تتحول كل حاجه في حياتك لمستحيل
مستحيل أنساك
مستحيل أعيش من غيرك
مستحيل أحب تاني
لإن حبي ليك كان " الحب المستحيل "

هناك 13 تعليقًا:

رحاب صالح يقول...

مساء البنفسج
كلامك بجد جميل
بسى نسيت تقول انك تعمل اية وانت حتي اقرب الناس ليك مش حاسس بيك
مش ده يبقي حب المستحيل
لما بيجي عليك
ولما بيكسر كل حاجة حلوة ف عنيك
لما تحس ان بقي في خيوط كتيرة بينكم مقطوعة...
بس بالنسبة لكل حاجة بتوصلها
ده مش بتوصله وانت ماشي كدة
لا ده بمجهودك وجهودك لان تصل لهذا الهدف
انا كننت ف يوم م الايام بقول اني مش هقدر احقق اي هف ابدا
فاكرة ان في وم في شخص قالي اني منفعش اكتب قصص وزعلت اووي وفضلت كام سنة مش بكتب
بس ف يوم قررت اني اكتب وقررت انها تكون قصة تعجب اي حد وكل حد يقراها
وكانت كذلك
ووصلت للي انا عايزاه او يعني مش اووي بس وصلت او علي الاقل بقيت علي اول الطريق
والحمد لله
وبحمد ربنا دايما
جميل الموضوع جدا

غير معرف يقول...

الموضوع تحفة وبجد اثر فيا جدا
:(

الله ينور عليك بجد انت ماشاء الله عليك كلامك جامد جدا جدا

رحلتنا في الحياة يقول...

انا كمان مقتنعة بان كل شئ نفسنا نحققه لو صبرنا وكان جوانا عزيمة وارداة هتحقق اكيد ودا عن تجربة

Tarkieb يقول...

انا كان نفسي لما اكبر اجيب بفلوسي كلها شوكلاتة ولما كبرت قلت ايه الهبل ده...وانا صغير حبيت بنت الجيران ولما كبرت حبة لقيتها حاجة تسد النفس وتعر اللي يمشي معاها فقلت ايه الهبل ده ...حتى الاخوان اللي انت بتقول عليهم برضة كنت باحسبهم عالم محترمة طلعو اعفن من بنت الجيران....مش شرط ان واحد كان بيتعذب ح يبقى عادل لو مسك الحكم...ماهو اليهود ياما اتبهدلو من النازيين ولما جالهم دولة بهدلو الفلسطنيين.....انت كمان اكيد زيي يعني لو جبت بدل كتير حتحن للجينز وتقول بلاش خنقة دي باين عليها زي شيكولاتة صاحبنا اياه أنا يعني...وحتى لو اتجوزت هههههههه بكرة تضرب نفسك يمين وشمال وتقول انا اللي جبته ده كلى لنقسي ومالها الشيكولاتة ياريتني كنت جبت بفلوسي كلها شيكولاتة وماكنتش اتجوزت....ولو برضة لسة عايز تتجوز يامعلم في عندي ليك اخت بنت الجيران ممكن اكلمهالك بصراحة حاجة بقى ايه احلى من اختها بكتير ..قلت إيه؟ قشطة؟

beautiful mind يقول...

رحاب صالح
شوفتي بقي عشان حطيتي هدفك وحلمك قدامك ربنا أعانك انك تحققيه
المهم اننا نشتغل علشانه
وبالنسبة للموضوع الاول
قعندك حق
دا يبقي مش حب اصلا
قلته احسن
تحياتي ليكي

beautiful mind يقول...

غير معرف
متشكر جدا جدا
ونورني تشريفك

beautiful mind يقول...

ايوشه
دا الكلام اللي بقوله واللي بعمله
عودا حميدا
ويارب تكوني بخير

beautiful mind يقول...

تركيب
هههههههههههه
ملكش حل والله
عامة انا موافق
شغال يا عم اي حاجه
هو حد لاقي
ولا أقولك لا يا عم الشيكولاته احسن
ع الاقل الشيكولاته هتضرني انا لوحدي
انما بنت الجيران دي هتضرني وتضر البشرية كلها
ههههههه

غير معرف يقول...

كلماتك قرأتها العين فادمعت واحسها القلب فادمته ما لنا وما للحب فينا يغزو القلوب ويسكن كل ما فينا نحارب من اجلة ويتركنا نعانى جراحا نصعب ان نداويها.

هبة فاروق يقول...

بوست كله تفاؤل وامل فى بكره
بش مش دايما الاحلام بتتحقق فى ناس كثير بيعيشو ويموته من غير ما يحققو اى حلم من احلامهم
منكرش انى حققت جزء من احلامى لكن فى احلام كثير لسه متحققتش املى فى ربنا يحقق لى احلامى
بوست جميل

beautiful mind يقول...

غير معرف
تعليقك هو الاروع
أسرني ذوقك العالي وكلماتك الجميلة
رجاء لا تحرمنا منها
المدونة نورت بوجودك

beautiful mind يقول...

هبه فاروق
ان شاء الله تحققي كل احلامك استاذه هبه
وتكون حياتك كما تمنيتي
تقبلي خالص التحيات

غير معرف يقول...

لقــوه هــي أن تحتفــظ بهـدوئــك فــي لحظــات اليــأس...

القــوه هــي إظهار السعــاده للأخـريــن مـع أنـك لا تشعــر بهــا...

القــوه هــي الإبتسـامــه مــع أنــك ترغــب فــي البكــاء...

القــوه هــي إسعــاد الأخــر بــ الـرغــم مــن قلبــك محطــم...

القــوه هــي أن تحتفــظ بصمتـك فـي الـوقــت تــرغــب فـي الصـراخ مـن

شـدة كـربــك...

القــوه هــي أن تـواسي الغيــر بــ الـرغــم مــن حـاجتــك أنــت للمـواســاه