Pages

الخميس، 13 أكتوبر، 2011

ع الماشي




بعيدا عن الفتنة 
أحب أوجه رسالة للمجلس العسكري
أنا بتكلم وأنا عارف يعني إيه جيش
لأني قضيت فيه 14 شهر من عمري
اتعلمت فيها اللي مقدرتش اتعلمه في 23 سنه
عشان كدا أنا أعرف كويس أنا بتكلم عن مين
وأعرف كويس يعني ايه الوطن بالنسبه للعسكري
ومتأكد ان اللي حصل مع الأقباط فيه كتير من الزيف 
والتزوير لأنك كنت قادر تعمل كدا من زمان
وحميتنا في عز ما كل جبان هرب وخاف وساب مكانه
كنت قادر تسوي ميدان التحرير بالأسفلت بكل اللي فيه
لكن اخترت تكون مع الشعب ودلوقتي بتدفع تمن وقفتك معاه
هو تعليق واحد ممكن أقوله
اللي بيحصل دلوقتي من الشعب " قلة أدب "



الحمد لله شفيت من ملتحمة العين
بعد معاناة 8 أيام كرهت فيها نفسي
ربنا كبير ياجدعان والله




يكفيك ِ جمالاً أنك في عيوني فاتنة



اللي يشتغل في المكان دا 
صعب جدا يعرف يشتغل في مكان غيره
بجد " مفيش مقارنه "


مسنتيكي تيجي 
بكل شوق الدنيا .... بكل حناني
مستني أسمع منك كلمة بابا في أول يوم هتقوليها
مستني أول يوم هوديكي فيه المدرسه
ولما ترجعي تحكيلي اللي حصل معاكي
مستني أشوف فيكي ملامح مامتك وطيبة قلبي
وحشتيني من قبل ما أشوفك




هناك 22 تعليقًا:

أع ـقل مـ ج ـنـونــة يقول...

حمدالله ع السلامة :)

شمس النهار يقول...

الحمد لله
وحمد الله علي السلامة

عي فكرة ناس كتير كان عندهم الدور ده

الجيش مش عارف يتصرف في الحياة المدنية

ولازم يخلص نفسه بسرعة قبل مايعمل عداوات

ايه المبني ده شكله مدرسة؟؟

ربنا يارب يحقق لك احلامك
واشوف عريس وبعدين اب
ربنا يكرمك
:)

Tarkieb يقول...

مدرسة بنات ماشي يا سيدي ليك حق تحب الجيش والدنيا كلها....بس مين اللي عاداك ؟ لانه بيتنقل بسرعة كل اكر الباب لو لمستها اللي بعدك يتعدي....

mena يقول...

ربنا يوفقك ف شغلك

عجبتنى جدا جدا جدا

يكفيك ِ جمالاً أنك في عيوني فاتنة

انت أنسان رائع وجميل من جواك يا

ابراهيم تحياتى لرقة أحساسك

beautiful mind يقول...

اعقل مجنونه
الله يسلمك يارب
وحمدلله علي سلامة وصولك مرة تانيه للمدونة
وان شاء الله تكونب بخير

beautiful mind يقول...

شمس النهار
الحمد لله دي كانت عدوي وحشة جدا وبيتنا كله كان مصاب
الجيش كيان نزيه جدا رغم انف اللي ميعرفش
اه هي فعلا مدرسة بس مش زي اي مدرسة
اللهم امين يارب
ان شاء الله قريب هتفرحي فيا

beautiful mind يقول...

تركيب
انا فعلا اتعديت من حد عندنا في البيت
وكانت العدوي منتشرة جدا في المدرسة بس ربنا ستر
اه ياسيدي مدرسة بنات
وبحب الجيش
وبشرب شاي ليبتون
ومصاحب بنت معقدة وعندها كلب ابيض
هههههههههه
انت جامد

beautiful mind يقول...

منة
ازيك يا قمر
الحمد لله انا بخير وكويس
ويارب تكوني انتي بخير كمان
وربنا يرزقك باللي نفسك فيه
ويحلي ايامك

موناليزا يقول...

عجبنى البوست

ساسو يقول...

ابراهيم
احساسك صادق ورقيق

ربنا يوفقك في حياتك
وتبقي اسعد انسان

ياسمين يقول...

حمداا لله ع سلامتك..
وربنا يرزقك بالبنت أو الولد الصالحين يارب ..
ام مووضوع الجيش والأقباط الله أعلم الحقيقة فين كل واحد بيقولها من وجهه نظره..وربنا ييسر الأمور

ديالا يقول...

الف سلامه عليك

معلش انا بغيب سنه وبعدين ارجع تاني هههههههههه

وربنا يوفقك يارب في شغلك

وكل سنه وانت طيب

re7ab.sale7 يقول...

حمد الله بالسلامة
انا فاكرة اني دخلت المدونة من فترة كبيييييرة جدا
وعجبني تعليقك بكلمة واحدة بس دي ....ههه معاك حق

beautiful mind يقول...

موناليزا
اهلا وسهلا بيكي
شرفتي المدونة

beautiful mind يقول...

ياسمين
الله يسلمك
وشكرا علي دعواتك الجميله
وان شاء الله يدوم التواصل
وتحياتي

beautiful mind يقول...

ديالا
يااااه حمدلله علي سلامتك
انا عارف ان القمر بيطلع مرة واحده في الشهر
بس مكنتش اعرف انه ممكن يطلع مرة في السنه
ان شاء الله تكوني بخير وحياتك الجديده تكون علي خير ما يرام
خالص نحياتي

beautiful mind يقول...

رحاب صالح
ازيك يا استاذه رحاب
ايوه فعلا حضرتك جيتي هنا من زمان شوية
بس المرة دي ان شاء الله تتكر الزيارة كتير
تحياتي
وان شاء الله يدوم التواصل

sony2000 يقول...

حمدلا علسلامه

ربنا يارب يحققلك حلمك
امين

beautiful mind يقول...

سوني
وشك ولا القمر
كنتي فين من زمان
ربنا يتقبل دعائك
تحياتي

amiraali يقول...

حلو اوي اوي
يكفيك ِ جمالاً أنك في عيوني فاتنة
احساسك حلو اوي
ربنا يحققلك احلامك قريب
وتشيل بنوتك حبيبتك قريب ان شاء الله

beautiful mind يقول...

اميره علي
اللهم امين يارب العالمين
شكرا لمرورك الكريم
وان شاء الله يدوم التواصل

بنت قلبى يقول...

اولا كده
احنا الله اعلم بينا الفتره دى من الجيش والشعب الله يسترها علينا يارب


وثانيا بقا

الف حمدل على سلامه حضرتك والله يشفيك ويعافيك

وثالثا واخيرا
يارب يحققلك امنتيته الا بتتمناها
ويرزق كل محتاج يارب
وعلى فكره انا كمان مستنياها