انا كنت عارف ومتأكد من زمان انك معايا
بس مش عارف ليه كان الشيطان بيوحيلي غير كدا
أحيانا كنت بزعل منك
وأشيل في نفسي
وأقول ليه بتعمل فيا كدا ..؟
هو إنت مش بتحبني زي ما بحبك..؟
طيب ليه مش بتديني اللي نفسي فيه .. زي أي حد ؟
وليه بتحرمني من حاجات كتير نفسي فيها ...؟
وليه ... ؟ وليه ...؟ وليه .....؟
ويفضل الشيطان يلعب بيا وياخدني ويوديني
ويقولي كلام كتير عشان يبعدني عنك
وأبعد .... وأبعد ...... وتاخدني الدنيا عنك
والاقي نفسي صغير أوي ونفسي أرجعلك
وتروح الأيام وتيجي الأيام ... وأعرف قد ايه حبك ليا
وان كل حاجه عملتهالي هي الأحسن ليا
والاقي نفسي كل ما أطلب منك حاجه كنت بتستجيب
وتديهاني وانا مش واخد بالي
عشان كانت جاهل ... ملهي ..... ومستكبر
الأيام دي انت معايا اوي
ومش بتسبني لحظه
بمجرد إني أفكر في حاجه الاقيها بقت قدامي
كل ما ادعي دعوة تتحقق
لو شكرتك لاخر عمري عمر شكري ما يقدر
ممكن أكون أسأت أدبي معاك دلوقتي وانا في حضرتك
لكن يكفيني فخرا أنك لي ربا
ويكفيني عزا انك لي صاحبا
لك الحمد حتي ترضي
ولك الحمد إذا رضيت
ولك الحمد بعد الرضا
هناك 7 تعليقات:
البوست ده جميل اوى اوى اوى يا
ابراهيم والله كأنك بتقول كلام نفسي
اقولو بس مش عارفه ربنا يهديك
ويهدينا جميعا ويبعد عنا الشيطان
ويكفينا شر أنفسنا
منة
ازيك وفينك من زمان
يارب ربنا يهدينا جميعا
تحياتي ليكي
الحمد لله في السراء والضراء
فتاة من الصعيد
ازيك يا مروة حمدلله علي سلامتك
يارب تكوني بخير
والحمد لله طبعا علي كل حال
تحياتي
و نعم بالله
البوست جميل و هادىء و مؤثر
تحياتى و تقديرى لك
ولك ايضا كل التقدير يا ابراهيم
واتمني تكرار الزيارة
كلام جميل اوى فى ميزان حسناتك يارب رضيت بالله ربا وبالاسلام دينا وبمحمد صلى الله عليه وسلم نبيا ورسولا
إرسال تعليق