Pages

الاثنين، 29 نوفمبر 2010

بين نارين



كل ما نبعد عنه او نفتكر اننا خلاص بقينا بعيد عنه

لاننا عمالين نبني قدامه سدود وحصون وموانع

صعب اي حد يجتازها مهما كانت قوته او جبروته او سلطانه

وكل ما نخرج من سيطرته وهيمنته علي كل افعالنا ومشاعرنا

وبعد ما نقسم اغلظ الايمان اننا عمرنا ما هنرجع له تاني

نلاقي نفسنا

يا اما برضانا

او رغما عنا

واقعين تاني في شباكه

بقصد او من غير قصد

ونرجع تاني للحكاية من الاول

نسهر, نتعب , نفكر , نقرر

وبعد كل تفكير بناخد قرار

وبعدين نرجع تاني عن قرارنا

ياتري نصارحه بحبنا له

ياتري نخفي الشعور دا جوانا

طيب ونخاف ليه طالما احنا مؤمنين ان كل شىء نصيب

طيب ونقول ليه اذا كنا بردو عارفين اننا مش قد الحب دا

نعترف له يمكن يكون بيبادلنا نفس الشعور وساعتها مين هيكون سعيد زينا

وايه يخلينا نعمل كدا مهو ممكن يكون مش شايف فينا اللي ممكن يكون بيدور عليه

يعني نقول وخلاص

ولا نكتم ونخبي وخلاص بردو

لما بنكون محتارين

وبين نارين

بنختار دايما الاسهل

لكن ما ينفعش في الحب اننا نختار الاسهل

اصعب حاجه في الحب الصدمة الاولي

وكل واحد وحظه بقي

ياتري حظي هايبقي ايه؟



هناك 12 تعليقًا:

غير معرف يقول...

كل خير ان شاء الله
ربنا يسعد القلوب يارب
ويسعد قلبك
تحياتى

sony2000 يقول...

هتلاقي
كل خير بأذن الله:)

شمس النهار يقول...

ان شاء الله حظك هيكون زي الفل

ربنا يريح قلبك

:)

Dr/ walaa salah يقول...

فعلا كل شئ قسمه ونصيب

وللاسف الخوف فعلا هو اللي بيخلينا بين نارين

خوف من خسران الحب ده لو اعترفنا

وخوف اننا نخسر الحب ده لو كتمنا شعورنا


لكن كله شئ مكتوب واكيد هنشوف اللي مكتوبلنا

مشكور على موضوعك الواقعي

ساسو يقول...

باذن الله حظك هيبقي جميل
وزي الفل كمان
ربنا يسعد قلبك

Mr. Degheidy يقول...

الحب شىء جميل و لكن المهم يكون بهدف . يعنى بكون هدف الزواج وعفة النفس . وكمان لازم يحكم العقل فى الحب عشان يكون موزون

Hanan يقول...

ان شاء الله يكون نصيبك طيب زيك توكل على الله وباذنه تلاقى كل خير

nada يقول...

يا مستر ابراهيم حضرتك بتزعلنى و حضرتك بتتنرفز على thank you

Unknown يقول...

ان شاء الله هتلاقي نصيبك اللى ربنا

كتبهولك بس يا ابراهيم حاول تفكر ولو

مرة وحده صح ياريت متخترش غلط عشان

مترجعش تتندم فكر كويس اوى قبل

متقولهالها ويارب يكون فيها خير ليك

ومش زيي غيرها


وبعدين يا مستر ابراهيم هو من لاقى احبابو نسى اصحابو دى الدقيقه بقت15 قرش وبليز كول مى لسه ممنعوهاش
ولا صحابك ملهمش حق عليك

غير معرف يقول...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

أقدم عاصمه فى الحب يقول...

خير انشاء الله
بس انا افتكر انك من كفر الدوار مش من اسكندريه ..
؟!
غريبه
عموما
سعدت بمرورى النهارده عندك
ودى وإحترامى :)

Mr.Mohammed Elsaid Zaki يقول...

حبيبى يا هيما والله واحشنى مووووووووت يارب تكون بخير انا محمد السعيد يارب تكون فاكرنى كلامك رائع على فكرة اول مرة اعرف انك مرهف الحس كده سلام يا كبير