Pages

الخميس، 27 مايو 2010

الكابوس



علي فكره انا مش متعصب ولا حاجه
بس بحب اوصف حاله انا بحس بيها
امبارح كان ماتش الاهلي والزمالك
وطبعا كالعاده الازليه كل الناس بتقول ماتش القمة
وانا بسال السؤال بردو المعتاد
هو انتم مازلتم بتقولوا ان ماتش الاهلي والزمالك قمة؟
يعني ايه قمة؟ وهل لسه هنقول عليها قمة رغم كل اللي بيحصل
يعني لما الفريقين يلعبوا مع بعض اخر16 مباراة
يفوز الاهلي ب 13 ويتعادلوا 2 ويفوز الزمالك مرة
بردوا لسه بنقول قمة
الفوز لفريق القرن المرة دي كان ليه اكتر من طعم
طعم عرف جماهير الابيض الغلبانه هي حجمها ايه
وعرف العميد الحقوووووووووووود هو مين وايه امكانياته
عمري ما شوفت حقد جوا انسان زي ما بيحقد هو واخوه 
علي النادي اللي رباه وعلمه ازاي يلعب كورة
وطعم كمان عرف الناس كلها ان الاهلي مازال اهلي
والطعم الاحلي
اللي خلا كل الناس تحلم وتحلم وتحلم
هناخد الكاس وهنكسب الاهلي
وهنعمل وهنضرب وهنغلب
وهنكسر ولن يوقفنا احد
واحنا خلاص جينا
في الوقت اللي كان فيه كل واحد جوا الاهلي بيفكر في صمت
وسابوا الببغاوات يتكلموا بكلام هم  مش قده
وظهر الحقد الدفين جواهم
لكن بعد الاحلام دي كلها
يصحي الجميع
علي كابوس احمر
شوفوا الصور








هناك 24 تعليقًا:

غير معرف يقول...

مبروك للاهلي .... وهارد لك للزمالك

بس الماتش كان من طرف واحد على عكس المتوقع

تحياتي

(ست* جنى* الحسن) يقول...

انا معاك ان حسام واخوه ناكرين للجميل للفريق اللى رباهم وبصراحة انا مبحبش فريق الزمالك مع انى مليش فى الكورة.
مبروك للاهلى.

promise is promise يقول...

قالك اللى مالوش خير فى البيت اللى رباه مالوش خير فى حد وعمر الانسان المتهور والمتعصب ما يجنى حبيب

يالا عموما ده العادى من فريق كبير ومحترم زى الاهلى

اهم حاجه انت اخبارك ايه ؟ وما قربتيش تعود الى نطاق الزمن ولا لسه ؟

تحياتى

ستيتة يقول...

انا كل اللي مضحكني ومفرفشني
لما بفتكر الدستور وهي بتكتب عن لقاء التعادل
وان الأهلي يا عيني كان مرعوب من الإعصار الجديد والقومة الجديدة والمدرب الجديد
انا بتعجب لما حد يبلغ بيه التعصب انه ينسى كل الماضي القريب والبعيد ويستعبط
مبروك يا عم هيما
وخد اللينك ده لتيكا
حقيقي ما شاء الله عليه ابتدى يعزف امبارح والجمال رجع تاني
http://www.youtube.com/watch?v=bqHr1mFXKfE&feature=related

admin يقول...

تم افتتاح منتدى
ibond.builder-eg.com
ويقوم أعضائه بكتابة موضوعات مجلة المجتمع المدنى العربى
csmag.builder-eg.com
و دليل المصادر المفتوحة
foss.builder-eg.com
بالاضافة لمواقع أخرى سيتم افتتاحها بعد نجاح و ثبات المواقع السالفة ,
مزايا الاشتراك فى الموقع:
* الحصول على عروض مختلفة!
مثال:
الاعلان عن موقع أو مدونة العضو
الحصول على تخفيضات فى أى موقع تابع لنا, حاليا موقعنا يختص بالاستضافات و بيع البرامج, لكن قريبا سيتم تأسيس موقع للتجارة الاليكترونية ان شاء الله

* الاشتراك فى مجموعات التى سيتم انشائها ل :

* تأسيس مكتبة لكتب الأعضاء, و ذلك بعد عمل عدد لا بأس به من الكتب( بشروط أهمها أن يكون الهمل جماعى أو فردى لكن حاز اعجاب أغلبية الأعضاء)
* مجموعات دعم المصادر المفتوحة , مثل الترجمة و الشرح , بالاضافة لدعم أى مشروع عربى مفتوح المصدر
*مقدمى خدمة توصيل أقراص برامج مفتوحة المصدر ,
* تحرير مجلة المجتمع المدنى
* كتابة مقالات دليل البرامج مفتوحة المصدر
* كتابة مرجع للأمن الاليكترونى
* العمل على زيادة تحديث و تطوير المجتمعات المالية العربية لكى تصبح مجتمعات لا نقدية ,( استخدام بطاقات الائتمان و الحسابات الاليكترونية الخ)
* و اجمالا تبادل الخبرات بين أعضاء الموقع
وغير ذلك كثير بإذن الله
شكرا

هي وظروفها يقول...

ايه يا هيما

ايه يا هيمممممممممممممما

هتزعلني منك ليه

ايه وليه الشماته دي بقي

اخص عليك يا هيما
ده بدل متقول هردلك يا هيما

فين روح الاهلي وروحه الرياضيه

ولا انتو كده يا اهلويه تتشطروا في الفوز ولو الاهلي اتغلب

يبقي التحكيم وحش ونلاقي العاصفه الاعلامبه الاهلويه الموجهه خاربه بيت الحكم واللي جابوه

ايه هيما خليك معتدل

مبروك ليكم يا صاحبي وهارد لك لالابيض وصباح الفل يا هيما

سَارةٌ يقول...

الأحمر ملعلع في المدوونه كلها ..

حتى لون الكتابه أحمر ..

كل ده و مش متعصب ؟؟

طب لو كنت متعصب بقى كنت هتعمل ايه ؟:D

المهم .. ألف مبروووووووووووووك للأهلي .. ويـآرب يفضل كده دايماً .. ^_^

غير معرف يقول...

طبعا مليش فى وجع الدماغ والكوره
بس مبرررررروك للأهلى وهردلك للزمالك

تحياتى

صيدلانيه طالعه نازله يقول...

لا صوت يعلو فوق صوت الوحوش الحمر

الماتش كان تحفه

و بصراحه بقيت باتفائل قوى اما الزمالك

يبدأ بالتهديف ربنا ما يقطعلهم عاده

و يعيشوا و يتغلبوا

و بعدين سيبهم يا سيدى من نفسهم يتقال

ان ماتشهم لقاء القمه

يفرحولهم شويه بدل الغم اللى هما فيه

شفـقــة و إحســــان يقول...

مبروك للاهلى الفنان ومعلش للزمالك الغلبان
ان شاء الله منصورين والله المستعان
مبروك مليون مبروك

ساسو يقول...

أنا ببارك لفريقي الجامد جدا الأهلي
لأنه بجد يستحق اننا كلنا نقف معاه ونباركله
وبجد كان ماتش جميل جدا
وأجمل مافيه هما لعيبه الأهلي الممتازين
بصراحه الأهلي عم الناس كله
فريق ميتقارنش بحد
وغير بقي بركوته دا لوحده حكايه
بجد موضوعاتك كلها جميله أوي
ياريت تنور مدونتي

beautiful mind يقول...

فتاة من الصعيد
طبعا طبعا يا مروة
مبروك للاهلي سيد الكل
ولا عزاء للصغار
تحياتي

beautiful mind يقول...

ست الحسن جني
عندك حق
شوفتي ازاي الانسان بيبقي ناكر للجميل
ويوصل بيه لدرجة الحقد الاعمي
بس علي مين
الاهلي اهلي
تحياتي

beautiful mind يقول...

promise is promise
ربنا يخليكي يارب
انا الحمد لله كويس جدا
وقريب جدا هرجع للزمن تاني
الحمد لله علي كل حال
ومبروك للاهلي

beautiful mind يقول...

د ستيته
زي ما عنتره قال
سكت فغر اعدائي السكوت
بقالهم نفس يتكلموا
مبروك للاهلي
وشكرا ع اللنك
تحياتي يا دكتور

beautiful mind يقول...

هي وظروفها
ههههه
هو انت منهم
معلش والله ياليدو معرفش انك ابيض كدا
بجد متزعلش
وبعدين ياباشا احنا منقدرش ع زعلك
وحاضر
هابقي معتدل
هههههههههههههه

beautiful mind يقول...

هي وظروفها
ههههه
هو انت منهم
معلش والله ياليدو معرفش انك ابيض كدا
بجد متزعلش
وبعدين ياباشا احنا منقدرش ع زعلك
وحاضر
هابقي معتدل
هههههههههههههه

beautiful mind يقول...

بنوته عاديه
لالالالا
انا مش متعصب خالص
ههههههههه
اول زيارة ويارب نشوفك دايما
تحياتي

beautiful mind يقول...

الحب الجميل
والله احسن
فعلا الكورة وجع دماغ
بس مع الاهلي احسن مزاج
ههههههههه
تحياتي

beautiful mind يقول...

صيدلانية طالعه نازله
الزمالك يا دكتور اثبت انه اكتر فريق في مصر
مش بيعرف يحافظ علي اي فوز
ودايما لما بيبدأ بالتهديف بيتغلب
خاصة مع الاهلي
مبروك للاهلي
وتحياتي

♥♥ شذا ♥ الروح ♥♥ يقول...

ازيك يا هيما

معلهش ماليش فى الكوره ولا بتبعها

بس لاذم اجى اسلم عليك
واطمن يارب تكون بخير

beautiful mind يقول...

شفقة واحسان
ان شاء الله
الاهلي دايما كسبان
خالص تحياتي

beautiful mind يقول...

ساسو
اهلا وسهلا بيكي في المدونة
وان شاء الله هزور مدونتك
كل تحياتي

beautiful mind يقول...

شذا الروح
ربنا يخليكي يارب
انا كويس جدا الحمد لله
شكرا بجد علي زوقك وسؤالك