Pages

السبت، 22 مايو 2010

ليه كدا



عيبك انك لما بتحب حد بتحبه اوي
بتحبه بكل ذرة فيك
ودا مش كويس 
دا كان كلام اعز اصحابي ليا يوم من الايام
وانا مكنتش شايف ان دا عيب
دا ابسط شىء ممكن حد يعمله تجاه اي حد
بيحس ناحيته انه بقي كل شىء في حياته
لكن للاسف مش كل الناس بتفكر بنفس التفكير
ومهما قلت ومهما عملت
اكيد تصرفات كتير لينا الناس بتفسرها بطريقة 
غير اللي احنا نقصدها خالص
ليه بندور علي اخطاء تافهه جوا اي كلام بنقوله
ليه بنقف لبعض ع الواحده وكأننا مستنين اللي قدامنا يغلط
علشان نعريه قدام نفسه 
ليه دايما بتكون ايام خصامنا اكتر من الايام اللي بنتصالح فيها
مع نفسنا
ليه بنرفض نخرج جزء من اللي جوانا بتلقائية
وبدون اي ضغوط
يمكن علشان مش عايزين اللي قدامنا يعرف هو ايه بالنسبة لينا
وبكدا ممكن يتحكم فينا
تفكير عقيم
ليه بنعمل في بعض كدا

هناك 17 تعليقًا:

غير معرف يقول...

حنانى

المهم ان الانسان يتصالح مع نفسه قبل مايتصالح مع الناس

وكونك بتحب الناس بكل مافيك دا مش شىء وحش بالعكس
جميل ان الانسان يحب اللى حوليه
أوقات الانسان بينخدع من ناس حبهم ويندم فى يوم من الايام انه عاملهم كويس وعطاهم الحب

غير معرف يقول...

لو مش وقفنا لبعض على الواحده وعرينا بعض زى ما ذكرت أكيد النفوس الطيبه هتهدى والامور تمشى بالتفاهم

لكن انت عنك حق أحنا بنستنى غلطات بعض ونقف على الكلام التافهه ونعمل منه قضيه لكن لو اتسهلنا وكل واحد عرف غلطه الامور هتمشى بما يرضى الله

تحياتى

♥♥ شذا ♥ الروح ♥♥ يقول...

ازيك يا ابراهيم
وحشتنى اوى

تعرف انا عن نفسى بسئل نفسى كتير ليه

صدقنى مش لوحك

ربنا يرحمنا برحمته الواسعه

تمنياتى ليك بحياة سعيده

Haytham Alsayes يقول...

فعلا الناس مش مستحمله نفسها اساسا
يبقي عتستحمل حد تاني ليه

ليه كدة صحيح؟

تحياتي

мαησηα يقول...

علشان مش عايزين اللي قدامنا يعرف هو ايه بالنسبة ليناوبكدا ممكن يتحكم فينا

لا مش علشان كده يا هيما

علشان ال أنا جوانا طاغية اوى

الا نا مخلينا شايفين نفسنا بس حلوين اوى

احنا بس مابنغلطش احنا بس لو كنا

ف الموقف ده كنا اتصرفنا بشكل

احسن وافضل وباقل خسائر ممكنة

محدش بيحط نفسه مكان اخوه

ف اى موقف بيحصل

محدش بيحب لاخوه زى مابيحب لنفسه

يا هيما

بس ياسيدى قد يكون ده السبب

غيبتك طالت ليييييييييه ؟؟

انا نقيت عليك ولا ايه ؟ ههههههههه

مش مهم مين يقول...

تعرف ليه عشان بنحب حد اوى وفى الاخر يطلع ميستهلش

رحلتنا في الحياة يقول...

الاجابة على كل دا اننا بشر مش ملايكة
وزى ما فينا جوانب سيئة كتير فى جوانا لسه كويسة
بس للاسف بنسيب السئ يمحى الخير اللى جوانا

(ست* جنى* الحسن) يقول...

سلامو عليكو ..
صدقنى مفيش اجمل من البساطة فيها ايه لما تحب تقول انا حبيت مش مهم رد اللى بتحبه المهم انك ماتكسفتش ومضيعتش حقك واتكلمت.
برجاء قبولى صديقة للمدونة

دعاء العطار يقول...

عشان احنا بشرررررر

بشر دايماً متردد ومتذبذب وجواه كلاكيع كتيييييير

بشر لازم يعكنن وينكد ع جنسه البشر

بشر بيخااااااف حتى من الحب

بشر مش عارف اساسا هو عايز ايه

بس ع فكره جميل اه انك تحب بس ماتخليش حبك ده هو محور حياتك او كلللللللللل حياتك

عشان لاقدر الله لو ماحصلش نصيب تبقى عارف انك هتقدر تعيش ازاى

وربنا يوفقك

ستيتة يقول...

اجيب لك من الأخر
حبيبك الحقيقي يبلع لك الظلط
حبيب قلبك اللي بيحس بقلبك يحب اللي بيكرهه علشان خاطر عيونك
اما اللي واقف على التكة والهفوة
ده مش حبيب ابدا
ده قلب مريض استعيذ بالله منه
ذكرا كان ام امرأة

دودي فلسطين يقول...

ومش عايز الانسان يعرف انو بيحبك

عارف ليش
لان انت من الاول مش بتشوفو انسان بسيط يمكن متكبر يمكن عندو قيمه مجتمعيه

وما بدك تحسسو بقيمتو عايز تخليه زي بقية الناس
الى خلقهم ربنا

بتخلق المشاكل معاه

ويمكن بالاخر تكتشف انو ما يستهلكش
للاسف
للاسف موقف حصلي قبل فتره
زي كلامك الى قلتو
تحياتي ابراهيم

موناليزا يقول...

بيكون بسبب عد ادراك حقيقة ان الدنيا مش مستاهلة وان حياتنا اقصر من انها تضيع فى خصام وزعل

غير معرف يقول...

علشان احنا مابقيناش نعرف نعيش مشاعر صادقه من مشاركه واخلاص وخلافه

العالم اصبح زائف

تحياتي

باحث عن حب يقول...

ليه
؟
علشان
فينا
حاجه غلط
بنترصد
لبعض
فى التافهه
ونصدر
ده
احنا
ربنا
يهدينا
مووضوع
غايه
فى الروعه

beautiful mind يقول...

الحب الجميل
اشكرك جدا علي كلامك الجميل
فعلا الانسان كتير بيتخدع من ناس حبهم
ويندم في يوم من الايام انه عاملهم كويس وعطاهم الحب
كل تحية

beautiful mind يقول...

شذا الروح
ربنا يخليكي يا شذا
متشكر جدا علي دعواتك
تقبلي كل تحياتي
وان شاء الله مش هغيب تاني

سمراء النيل يقول...

بصراحه اللى شفته من الحب مش عارفه احكم بس نفسى كل الناس تحب بعضها او ع الاقل كل واحد يحب ويتصالح مع نفسه ممكن لما يعمل كدا يقدر يتصالح مع غيره ويحبه لاان لايغير الله ما بقوم حتى يغيرو ما بانفسهم