Pages

السبت، 13 فبراير 2010

ماشي الحال




كنت وعدتكم اني هكتب بوست من فتره
بس مكتبتنش
بجد مكتبتش لانه غصب عني
معرفتش
الوقت كان ضيق اوي
وبعدين جه عفريت النت وقطع
اصل النت عندي بحالات
عامل زي اسطوانات البوتاجاز اليومين دول
ساعه موجود وايام متشمش حتي ريحته
المهم
عشان بس منزعلش مننا السيد وزير النت
والسيد وزير الجاز وخلافه
خلال الكام يوم اللي فاتوا دول
حصلت حاجات كتير اوي اوي
مش هقول في البلد
لان بلدنا بتحصل فيها حاجات كل ثانيه
لا
حصلت حاجات في حياتي شخصيا
حاجات اتصلحت
وحاجات باظت
حاجات انضافت
وحاجات اتشالت
والحاجات دي كلها
اما بفعل فاعل
واما بفعل عوامل الزمن
وبعد ما دا كله حصل
وقفت كدا مع نفسي وقفه وقلت
انا كدا كويس
ولا الاول
بصراحه ملقتش اجابه
لكن المؤشرات بتقول اني كدا كويس
بس الاول كنت اكوس من كدا شويه
الحمد لله
اااااااااااااه
نسي والله معلش
اقولكم
وحشتوني اوي بجد
وحمدلله علي سلامتي ليكم
هههههههههههه
قاعد اسبوع علي قلبكم
حضروا بقي المسكنات
وبرشام الصداع
والكحه
ولو عندكم ( تاميفلو) ياريت
علشان البوست الجاي
هيكون عن
الطيور
ملحوظه بقي صغنطوته
علشان مستعجل اوي
محدش يقولي هابي فلانتين
عشان بزعل والله م الكلمة دي
يلا بقي
روحوا اشتروا الدباديب
تحياتي

هناك 12 تعليقًا:

ريمان يقول...

السلام عليكم

عارف انا قولت ايه اول ما قرات كلامك اللى بيقول ان فى حاجات اتغيرت فى حياتك الفتره اللى فاتت وحاجات انضافت وحاجات اتشالت وحاجات باظت وحاجات اتصلحت؟

والله قولت يا بختك

لان الواحد بيعانى من الروتييين كل يوم شبه اللى قبله مفيش جديد ابدا ولا تغيير خالص حتى لو تغيير مش كويس برضه مفيش اى شىء بجد حاجه ممله
فمعنى ان فى عندك حاجات اتغيرت والله ده شىء جميل

يلا ربنا يصلح حالنا جميعا
بمناسبه بقى موضوع الفلانتين انا برضه محبش كلمه هابى فلانتين داى
انا اصلا مش بحتفل بالحاجات دى خالص احنا عندنا عيدين بس العيد الاضحى وعيد الفطر المبارك

يلا فى رعايه الله
وابقى طمنا عليك بقى

sweet angel يقول...

السلام عليكم

أول مرور ليا بمدونتك الجميله
ربنا يسعدك

من غير هابي فلانتين

غير معرف يقول...

حمد لله على سلامتك

ويارب الامور تبقى اكوس الايام الجاية وكل حاجة تبقى تماموز

ابقى طمنا على اخبارك دايما

sony2000 يقول...

السلامو عليكو
بجد بوست حلو وانا اول مره اشترك فعالم المدونات
بجد بوست جامد ويارب نسمع عنك كل خير
تقبل مروري وتحياتي

Unknown يقول...

خلاص بلاش هابى فلانتين
عيد حب سعيد

ياريت تبقى احسن من امبارح

غير معرف يقول...

هههههههههه

هي شتيمه ولا ايه ؟

عموما ان شاء الله تكون اكوس من زمان :)

تحياتي

beautiful mind يقول...

ريمان
فعلا بجد والله انا حياتي مفيهاش الروتين غير في حاجه واحده بس
والحاجه دي انا بحاول اني اخليها تتغير كل يوم
عشان كدا معنديش الملل اللي عند ناس كتير
تحياتي يا ريمان
ويارب دايما القاكي بخير

beautiful mind يقول...

sweet angel
هههههههههه
ماشي
من غير هابي فلانتين
انا كمان اكيد هزور مدونتك
واكيد هتكون جميله كدا زي زوقك
تحياتي

beautiful mind يقول...

star in the sky
تماموز الحمد لله
وزي ما قولت ف عنوان البوست
ماشي الحال
ان شاء الله تكون او تكوني انت كمان بخير
ويارب بخير دايما

beautiful mind يقول...

sony 2000
طيب الحمد لله انه عجبك
ويلا كدا عايزين نشوف ابداعاتك
وتنور معانا عالم البلوج
تحياتي ياسوني

beautiful mind يقول...

العيسوي الصغير
ههههههه
يعني انا مش عايز اسمعها بالانجلش تقولها انت بالعربي
يابني دا مبدأ
تسلم علي سؤالك يا غالي
ويارب تكون حياتك تمام
وماشي الحال

beautiful mind يقول...

فتاه من الصعيد
مممممممممم
لا مش شتيمه
اصلها موضه
وانا بلدي خالص ومش بحب الموضات
هابي فلانتين ليكي يا رورو
حلو كدا
عقبال الفلانتين الكبير اللي جاي
ونكون كلنا اكوس من دلوقتي
تحيااااااااااااااتي