Pages

الجمعة، 25 ديسمبر 2009

لا تحزن




 اثناء تواجدي في مسجد المعسكر وقعت ايدي علي كتاب
مطبوع طباعه فاخره جدا وشكله في منتهي الجمال
اخدته وقلت اشوف ايه الموجود جواه ومكنش ابدا في بالي
اني اقرا منه حاجه لاني بقيت قليل القراءة جدا في الكتب المطبوعه
الكتاب اسمه ( لا تحزن ) لفضيلة الدكتور الشيخ ( عائض القرني )


ومن اول كلمة قريتها وحسيت بجد ان الكتاب اسرني بسبب بساطته الشديده
واسلوبه الحيوي الاكثر من ممتاز
ولما انطبع الكتاب واتوزع باع اكثر من 3مليون نسخه في العالم
العربي بس واصبح الكتاب الاكثر مبيعا في العرب
الكتاب فيه وصفات سحريه لمرضي القلق والاضطراب النفسي
ودعوه لنبذ الحزن والتنعم بكل ما في حياتنا من اسباب السعاده
مش عايز اقولكم قد ايه كنت مستمتع جدا وانا مع الكتاب دا
وقدا ايه استفدت منه كتير خاصة خلال الفتره الاخيره اللي انا مريت بيها
وعشان الفايده تعم الجميع
قلت في نفسي لازم ابلغ كل اللي اعرفه وكل اللي بحبهم انهم يقتنوا هذا الكتاب
بجد مش هتندم ابدا انك قريته او ضيعت فيه لحظات من وقتك
انا بتمني الجميع يشتروه
واللي مش هيعرف يوصله
انا دورت ع النت ولقيته الحمد لله
ان شاء الله هيعجبكم وهتستفادوا منه
وابقوا ادعولي

هناك 26 تعليقًا:

عاشقه الرومانسيه يقول...

احجز اول تعليق

عاشقه الرومانسيه يقول...

نيجى للبوست بقى
الكتاب ده انا قريته من فتره عند واحده صاحبتى
واصريت انه يكون عندى واشتريته بالفعل
ومن وقت للتانى باقرى فيه وسبحان الله بيحسن حالتى النفسيه جدااااااا
انا حاسه بكلامك ده لانى عشت التجربه دى مع الكتاب
ربنا يجعل البوست ده فى ميزان حسناتك

ستيتة يقول...

أنا قرأت الكتاب ده في أيام ربنا ما يوريها لمسلم ولا يعيدها علي تاني
كان زوجي مريض وفعلا فعلا الكتاب خلاني اعرف أعيش متماسكة ومطلعش عياليتي أمامه
بالعكس كل ما ألاقي فقرة حلوة أروح أقرأها له وهو في المستشفى
قد إيه كان الكتاب ده بيذكرنا برحمة ربنا الرحمن الرحيم
كتاب اكثر من رائع
تسلم ايدك يا هيما
وربنا يوريك ايام السعد والهنا كلها يارب
تحياتي

لجين أبو الدهب يقول...

الكتاب فعلا اكثر من رائع ..

وحقق نسبة مبيعات عالية جدا ..

جزاكِ الله خير على الرابط والاضافة ..

دمتِ بخير ..

promise is promise يقول...

ألكتاب حلو فعلا يا ابراهيم وبيفكرنى بكتاب جدد حياتك بتاع الامام الغزالى

اختيار موفق فعلا
وشكرا على التحميل

دعاء العطار يقول...

انا سمعت عن الكتاب قبل كده بس للاسف مش قريته بس باذن الله هقراه بعد مااحمله

شكرا ياابراهيم وربنا يجازيك كللل خير يااااااارب

دمت بود

أريــــــــــــــــــــج يقول...

السلام عليكم ورحمة الله وبركاته

حمد الله ع سلامتك اخي في الله اتمنى تكون بافضل حال وبصحه جيده

بالفعل كتاب لا تحزن رائع بمعنى الكلمه اشتريته من اكثر من سنه انه يدخل البهجه للنفس

بارك الله بك ونفع بك

donya يقول...

مساء الخير
الحقيقه انا سمعت كتير عن الكتاب ده
وان شاء الله هقراه

تحياتي

♥نبع الغرام♥♪≈ يقول...

السلام عليكم
كل عام وانت الى الله اقرب

انا قرئت الكتاب دا ولما بكون حالتى النفسية مش قد كده

برتاح عند قرائتة

تحياتى ليك ولاختيارك الاروع
جعله الله بميزان حسانتك
دمت بكل خير
ايناس

لــــ زهــــــراء ــــولا يقول...

اول زياره وان شاء الله مش تكون الاخير

كتاب لاتحزن من اجمل واروع الكتب
وفى اخر الكتاب جمله مكتوبه على الغلاف
دع المقادير تجرى فى اعنتها
ولا تبيتن الا خالى البال
ما بين غمضة عين وانتباهتها
يغير الله من حال الى حال

اهم حاجه فى الكتب ألا تحزرن على اى شئ
لان كل شئ عند الله بميعاد ومقدار

تسلم الانامل على الكلام الجميل

beautiful mind يقول...

عاشقة الرومانسيه
تحياتي اليكي
وربنا يتقبل منك
ومتشكر جدا علي دعوتك الجميله
دومتي لكا خير

beautiful mind يقول...

د ستيته
طبعا مش قادر اعبر عن اعتزازي
بكلام حضرتك
ربنا يتقبل منك
وكل عام وانتي بخير
وتحياتي اليكي

beautiful mind يقول...

لجين ابو الدهب
دي اول زيارة وان شاء الله
هزور مدونتك قريبا جدا
تقبل الله دعوتك
وكل عام وانتي بخير
وتقبلي تحياتي

beautiful mind يقول...

promise is promise
متشكر جدا والله علي كلامك
وكل سنه وانتي طيبه
تحياتي الجميله اليكي
وان شاء الله تكوني بخير وبلاش تغيبي كدا

beautiful mind يقول...

دودووووووو
يلا بقي اهي جات الفرصه عشان تقريه
ربنا يتقبل دعوتك
وكل سنه وانتي طيبه
تحياتي

beautiful mind يقول...

الايام
الله يسلمك
انا بخير حال الحمد لله وكويس جدا
ربنا يتقبل منك
وكل سنه وانتي طيبه
وتقبلي تحياتي اليكي ولكل اهل المغرب الحبيب

beautiful mind يقول...

دنيا
ان شاء الله تقريه
وتقولي رايك فيه
اكيد هيعجبك ان شاء الله
كل سنه وانتي طيبه
وتقبلي تحياتي

beautiful mind يقول...

ايناس
يارب تكوني بخير
انا سعيد انك عندك الكتاب دا
ان شاء الله هينفعك
كل سنه وانتي طيبه
تحياتي

beautiful mind يقول...

لولا وزهراء
ويارب متكونش اخر زياره
يارب الكتاب يكون عجبك
كل سنه وانتم طيبين
وربنا يتقبل منكم انتم الاتنين
تحياتي

غير معرف يقول...

الابن الغالى ابراهيم
انا جاية بعد غيبة معلش ياهيما
اولا البقاء لله وربنا يتغمد جدتك
برحمته ويسكنها فسيح جناته
ثانيا بالنسبة للكتاب فهو اسم على مسمى فهو فى احيانا كثيرة يكون احد
الركائز فى رفع الحزن عنى وكان الشيخ
يحدثنى ويطلب منى الا احزن
يارب اطمن عليك بالف خير ياابراهيم
اخبار الجيش ايه وانت عامل ايه لك
وحشة كبيرة
تحياتى

ريمان يقول...

هو فعلا كتاب رائع وقيم جدا

ريمان يقول...

هو فعلا كتاب رائع وقيم جدا

beautiful mind يقول...

ام مالك
الف حمدلله علي سلامتك
وان شاء الله يارب تكوني بكامل الصحه والعافيه
انا الحمد لله كويس جدا
والحال ماشي وعال العال كمان
واديني موجود اهو بينكم باستمرار ومش بغيب غير ايام بسيطه
ربنا يتقبل دعواتك
وتحياتي العطره الي شخصكم الكريم

beautiful mind يقول...

ريمان
اخبارك ايه؟
الحمد لله ان الكتاب عجبك
كل سنه وانتي طيبه
ويارب تكوني كويسه
اشوفك بخير

شمس النهار يقول...

ازيك عامل ايه

من خلال تصفحي للمدونه اشوف بوستاتك في غيابي علمت بالامر

البقاء لله وعلي قد الصبر يكون الجزاء

هذا الكتاب من اجمل مايمكن ان تقرأ الان

فهو بلغه سهله مفهومه جدا

اهدتني اياه امي
واهديته انا لكثير من اصحابي
وهو بجواري دائما

اتصفح منه كلما اردت
وده بيكون شبه اسبوعي ان ماكنش يومي

كل سنه وانت بخير وصحه وسعاده
ويبعد عنك الحزن
اخبار الجيش ايه يابطل

سلامي

beautiful mind يقول...

شمس النهار
متشكر جدا علي شعورك الراقي
والله انا بخير صحه وافضل حال
وكل شىء تمام الحمد لله
ربنا يتقبل دعواتك
ويارب دايما تكوني بخير
تقبلي مني كل تحيه ةتقدير