Pages

الاثنين، 8 يونيو 2009

اطفال.......... وكلاب



ربنا خلقنا مكرمين
.
.
.
احنا بني البشر ( ولقد كرمنا بني ادم )
.
.
.
لكن هو دا فعلا اللي بيحصل..........؟
.
.
.
احيانا احنا بنزل لمرتبه اقل من الحيوانات
.
.
.
واحنا اللي بنعمل في نفسنا كدا
.
.
.
اعذروني انا هنفعل شوية وانا بكتب
.
.
.
يلا تعالوا نشوف
.
.
.
.










حماده ايه دا.......... انت بتاكل ايه؟

كذا مرة اقولك ... ابقي اغسل ايدك الاول يا حبيبي

وبعدين ينفع كدا يا وحش....

كدا تبعثر الاكل دا كله حواليك...؟

اعمل فيك ايه بس؟










ميشو......... طيب اعزم



وحياتك خليني اجي اكل معاك...





ولا اقولك خلاص يا سيدي




انا عارف انك مش بتحب الازعاج





انا ماشي












ودا كلب ابن ناس شويه ....... بس السؤال اللي يطرح نفسه هنا




هو مين فيهم الكلب بالظبط......؟
















انت تاني يا حماده ........ ونايم ع الارض







هو انت يابني غاوي بهدله ولا ايه؟










والكلب دا بروح امه بيتمنظر اوي ...........




هو عارف انه بيتصور ولا ايه؟











اريح وأأمن وسية مواصلات في العالم




يا جماعه يا اللي راكبين انتم ..... العربيه دي 14 راكب




هو انتم كام واحد؟



طيب لم الاجره يا سحس






خد من كل واحد سحتوت








ياست انتي حرام عليكي






ممكن كدا الكلب ياخد برد ولا حاجه






جالك قلب تسبيه كدا في الشباك .........؟











بسم الله ماشاء الله





فوله واتقسمت نصين





الخالق الناطق شبه بعض





ربنا يخليكم للايكي مامتكم







اما انتم بقي فأنا مش عارف انتم بتعيطوا ليه؟





جعانين..؟............. بردانين ؟



امال مش لاقين اهلكم......؟



طيب حد فيكم يقولي هو احنا سنة كام ؟







يا ختي كاميله منك لها



ايه الطعامه دي



واللي ماشين معاكم دول مين بقي



علي فكره انا بكلم الكلب والحصان





ياااااااااااااااااااااااه


اخيرا انا وانت بقينا متساويين


واحنا الاتنين بنام في الشارع


اقولك حاجه يا كلبوبي


متقوم تشوفلنا حاجه ناكلها


انا كتبت البوست دا لحاجه اثرت فيا جدا

وانا بحضر اوراقي علشان الجيش


مكنتش عارف احنا بشر ولا كلاب


واديكم شوفتوا الكلاب


يبقي احنا ايه بقي


سؤال صعب ........... صح ؟

هناك 21 تعليقًا:

QUEEN OF MY AGE يقول...

بجد الموضوع يجنن وبجد ده بيحصل لو انت بتتكلم عن الروتين فى المصالح الحكوميه فهو روتين ممل تلاقى الست بتكلمك وهى قرفانه مهى طبعا عندها حق هى فضيالك وراها مليون حاجه شغلاها يعنى هتقفطف الملوخيه ولا هتشوفك عاوز ايه المفروض نقدر اللى هى فيه ولا الراجل تلاقى مراته ضرباه علقه قبل ما يروح الشغل ودماغه مصدعه تقوله يا استاذ يا عمنا يقولك فوت علينا بكره اصل استحاله ومستحيل ومش ممكن ومن رابع المستحيلات انه يعبرك معلش طولت بس انا بجد زهقانه من الروتين ده والتنبله

وانا من موقعى هذا اطالب بجمعيه للرفق بلانسان بجد الانسان اليومين دول محتاج كل العنايه اكتر من ميشو
وبجد تسلم ايديك
اشوفكم على خير

beautiful mind يقول...

QUEEN OF MY AGE

سعيد جدا بزيارتك دي ويارب يكون ميشو عجبك
قصدي يارب يكون البوست عجبك
وتكون فكرتي وضحت
مرة تانيه
اهلا وسهلا بيكي يا ملكة عمري

♥نبع الغرام♥♪≈ يقول...

السلام عليكم


ياااااااااااااااااااه

اقسم بالله بكيت وانا بقرء

مؤلم قووى

احيك على احساسك الجميل بالغير

ربنا يبارك فيك

تحياتى

ايناس

ستيتة يقول...

فيه بلاد بترمي القمح في المحيط
علشان تفضل افريقيا جعانة ومحتاجة وتظل دائما مورد للمواد الخام ومواد الطاقة
واهلها يفضلوا عندهم مجاعة وجفاف

وفي نفس ذات الوقت فيه جمعيات بتشجب وتندد بالعنف ضد الحيوانات

فيه بلاد بتحترم مواطنها والنفس الواحدة ليها تمن ولما يسقط لهم برجين بتلاتلاف بني أدم ياخدوا قصادهم 3 مليون نفس

وفيه بني أدمين زي الرز لا بيتعدوا ولا ليهم ديه

احنا ايه؟
معرفش

رحلتنا في الحياة يقول...

انت جايب صور اجانب ليه مش الاجانب بس اللى بيعملوا كده الاطفال فى الشوراع وفى بلاد كتير بتموت من الجوع والبرد واحنا مش بنعمل اى حاجة غير نقول ياحراااااام والله صعبوا عليا
هقول ايه غير العيب فينا احنا على الاقل هما ميعرفوش مبدا التكافل الاجتماعى اللى فى دينا لكن نعرفه ومش بنفذ
حسبنا الله ونعمة الوكيل

د/على خميس يقول...

السلام عليكم و رحمة الله بركاته
أخى الكريم
مدونة جميلة حقيقى و فعلا عقل جميل
لا أعرف أأضحك على اسلوبك الساخر أم أبكى على واقعنا المؤلم فلقد كنت أقرأ منذ قليل تقرير عن التنصير فى افريقيا و هالنى ما قرأت عن استغلال النصارى لفقر المسلمين من أجل تنصيرهم بأكل أو شرب أو تعليم أو كسوة
أسأل الله أن يفرج هم كل مهموم

ربنا يوفقك فى الجيش...

بارك الله فيك

تقبل تحياتى و احترامى

ابو المفاصل الواصل يقول...

شهادة ميلادى
ولدت لاكون سنـــدان لمطرقة الزمـــــن
واستقر فى اكبر ميدان من ميادين المحن
واسدد فواتير الحماقة بلا سبب او تمــن
واحرم من رائحة الورود واشم العفـــن
وصنعوا من ثيابى سجن او قل كفـــــن
فلم اعانى فقط ولكنى كنت انا المعانــاة
وما عشته من الالام صعب علىّ انساه
ولم اجد من يجفف دمعى ويقدم المواساة
فنحن قساة الطباع وللظلم حرس وحماه
وقسوتنا غالبا من باب الفضـــل لاسواه
ونعيش للظلم والهم والكدر رعاة ودعاة
ولا نفيق من ظلم الاخرين مهما قالوا اه

dramaqueen يقول...

بوست قوى
والصور كويسة اوى والتعليقات كمان
بص
احنا بشر
بس الناس مش عارفة تعامل بعضها
عشان كدة كل حاجة بايظة

beautiful mind يقول...

انا بشكر كل الناس اللي علقت علي البوست
واضافت اليه لتجعله اكثر روعة واكثر تاثيرا

تقبلوا مني خالص التقدير والاحترام

Unknown يقول...

الظلم الموجود فى الصور دى بس
يكفى اللى عندهم أحساس من بنى البشر
انهم يبطلوا يضحكوا طوووووووول عمرهم:(

غير معرف يقول...

طالما لازال هناك من يعانى من البشر بهذه الصوره البشعه......فنحن لسنا ببشر ولا كلاب.....نحن طبقه ادنى من الحيوان.
بوست حلو اهنيك عليه

د/عرفه يقول...

لا تعليق

beautiful mind يقول...

د عرفه

كنت اتمني ان توضح لماذا قلت لا تعليق

هل بسبب دناءة الموضوع

ام لان الكلمات لن تصلح للتعليق

اتمني التوضيح

احساس طفلة محبة للرومانسية بس واقعية يقول...

المفهوم الانسانى دائما فى الضياع
لكن المهوم الحيوانى مشاء الله فى ازدياد مستمر
دى الحيونات ليها لبس واكل ومواعيد اكتر من البنى ادمين شفت الصور دى بعينى :(

الموازين اتقلب تقريبا
البوست مؤلم جدا
ربنا يصلح الحال
لكل العالم مش الامة الاسلامية بس
اصل احنا بنتأثر بيهم بسرعة

تقبل مرورى

د/عرفه يقول...

لا لا يا عم مش كده

احيانا الواحد من كتر حزنه وقرفه من واقع شايفه قدامه زى اللى انت صورته
مش بيلاقى كلمات بيعبر بيها
لما يلاقى ناس عندها حقوق الحيوان اولى من حقوق الانسان

اكيد موضوعك جميل
وبيوضح التناقض الموجود عند الناس دى

ربنا يصلح الحال

VÖltaa يقول...

انت مش عارف الدنيا ماشية ازاى شكلك
يابنى احنا اصلا اللى بنخدم الحيوانات دى
ماهو دلوقتى الكلاب بتشترى البنى ادمين وبتربيهم

بس حلوة اوى الكلب اللى فى ارتفاع الحصان
ياما هنعيش ياما نشوف

تسلم ياجميل
الا صحيح اسمك ايه
علشان بكسل اكتب بيتوفل مايند

هههههه

د. ياسر عمر عبد الفتاح يقول...

المقارنة واضحة
وإن كانت صعبة علي نفوسنا
لكن حاصلة

تبقي طمنا علي جيشك

وردة يقول...

لا حول ولا قوة الا بالله
بجد حاجة تتضايق فعلا
فين بتوع حقوق الانسان يجي يشوفو المهازل ديه
ربنا يكرمنا جميعا
ويرفع قدرنا
تحياتي
سلام

عمرو وجيه يقول...

بجد هم يضحك وهم يبكي

بجد تناولت الموضوع بعبقرية متناهية

جزيت خيرا أخي

بجد ربنا يكرمك علي التلميح المضحك المبكي


تحياتي لك

beautiful mind يقول...

تسلموا يا شباب علي المتابعه الجميله
وانا احمد الله ان فكرة الموضوع عجبتكم
وان شاء الله نتلاقي سويا علي الحب والخير

همس يقول...

دا تانى موضوع شدنى اوى بعد قاسم امين ومحبب الى بغض النظر عن جمال المواضيع الاخرى تسلم يا هيما