Pages

الأحد، 13 مايو، 2012

انها ارادة الله



اوقات كتير جدا بتحصل حاجات عكس اللي احنا بنتوفعها
وعكس المتعارف عليه ..... وضد اي قانون في الطبيعة
ولما بنلاقي نفسنا مستغربين من اللي حصل بنقول
ربنا عايز كدا
وبنبقي متأكدين ان مفيش حاجه مهما كانت في حياتنا كبيرة ولا صغيرة
الا وربنا كاتبها ومقدرها من قبل ما يكون لينا وجود في الدنيا
يعني بنقعد نلف وندور ونخطط ونتكتك ونتوقع ونستنتج ونعمل
 ونقدم الاسباب ونلاقي النتائج بردو زي ما ربنا عايز
لكن في الأول وفي الأخر اختيار الله ما بعده اختيار ودايما بقول الكلمة دي
لأي حد انا عارفه لانه انطبق معايا شخصيا في حياتي كلها
ابقي مخطط لحاجة معينه وتحصلي حاجه تانيه خالص وازعل واموت نفسي
من الزعل ولما الوقت يعدي واكتشف ان انا كنت غلطان اقول يااااااه
قد ايه ربنا كبير
صديق دراسة كان أصيب بمرض خطير سرطان والعياذ بالله
والمرض كان انتشر في العظام وابتدي يجري في جسمه كله
وهو كان بيقاوم ويعافر رغم انه كان كل اسبوع بيروح ياخد جرعة
الكيماوي اللي كانت بتتعبه جدا .. ورغم انه فضل 3 سنين محجوز في المستشفي
بين الحياة والموت لكنه قدر يقاوم ويصارع الغول اللي بينهش جواه ومعشش جوا
كل خلية في دمه وكلنا كنا متوقعين ان المرض الملعون دا هايقضي عليه بين لحظة 
والتانيه ... من شهرين كدا  سمعت خبر وفاته وقد ايه ارادة ربنا كانت موجوده
علاء مات وارتاح من عذابه .... ربنا يرحمه
الغريب في الموضوع كله ان علاء مكنش السرطان هو السبب في موته
علاء مات في حادث سيارة ....
غالبا تأتي الرياح بما لا تشتهي السفن
ومن كتر ما الحكاية دي بتحصل معايا .. بقيت موقن ان اي شىء تمنيته أو بتمناه غالبا 
هايحصلي عكسه ..... ودائما عندما يحدث العكس أجد السعاده 
التي كان يستحيل ان احظي بها فيما تمنيت
فابتسم وأردد من داخلي : انها حقا ارادة الله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
شوية حاجات صغنططه
مممممممممممممم
الحمد لله انا خطبت وخلاص بقي ودعت مرحلة العذوبية
وقررت اني ادخل القفص وانا بكامل قواي العقلية
علي أمل اني ع الجواز كدا الاقي بعض القوي دي لسه موجوده
لأنها بتضعف بالتقادم فربنا يستر
واللي قرا الموضوع اللي فوق كويس ويعرفني بردو كويس
هايعرف ازاي كل كلمة تنطبق علي الموضوع دا بالذات
.....
انت هتغير اسم المدونة بعد ما خطبت .؟
انا اتسألت السؤال دا كتير جدا من كذا شخص
وبصراحة كانت اجابتي واحده
اللي عارف انا كنت مسميها كدا ليه هايعرف انها عمرها
ما هيتغير اسمها وهتفضل زي ما هي
مع انها  لو بقت ايماني هاتبقي أجمل ...هههههههههههه
تحياتي للجميع 
وعذرا للتقصير وعدم المتابعه والله ما منعني من متابعة مدوناتكم 
الا ظروف شديدة .. لكني موجود

هناك 19 تعليقًا:

موناليزا يقول...

ألف مبروووووووووووك على الخطوبة :)

وسبحان الله فعلاً فإرادة الله هى النافذة

منجي باكير يقول...

نعم بالله العليم الخبير الحكيم بخلقه .

*

احلى التبريكات و التهاني


صاحب الزمن الجميل

YA♥SA يقول...

مبروك ع الخطوبة ..وكل كلامك تقريبا بيحصل لي ...ربنا يوفقك

Malak Nour يقول...

أعتقد بل أؤمن أن كل شىؤ مقدر من ربنا سبحانه وتعالى والخيرة فيما اختاره الله بس ليه ما تقولش إن من المقدر أصلا إن إحنا نفكر فى شىء ويحصل عكسه أو لو كان حصل الشىء ده لكانت العواقب وخيمه عشان كده لازم نرضى بالمقسوم وإن كان فى ظاهره وحش فأكيد ربنا مقدر لنا جواه شىء عظيم والعكس أحيانا . يعنى مثلا أنا كنت بتمنى من زمان يموت مبارك وكنت بقول شباب فى عمر الورد تومت وهو لأ . أبويا يموت بعد تعب 3 شهور بس وده بلغ من العمر أرزله وأكثر شبابا منى أنا شخصيا بس تعرف ... لولا صحته ماكنش الشباب تعبوا ولولا جبروته مكنش ناس اتتظلموا ولولا حيته المديدة مكنتش الثورة أصلا قامت . فأمرنا بالتالى كله خير أكيد وحفضل علطول أقول إللى جاى أحلى مش كلام تامرحسنى ولكن تعال نتفائل دايما بالخير اللى جواه خير أو بالخير إلىى براه شر عسى إننا نلاقى الخير فى كل إللى بيحصل لنا ......... يا عالم

♥نبع الغرام♥♪≈ يقول...

السلام عليكم

ازيك يا جميل يارب تكون بخير

بجد اراداة الله لما بتيجى من غير ميعاد مافيش احسن منه

ربنا يرحم صديقك علاء يارب ويجعلها اخر الاحزان

والف مليون مبروك على الخطوبه ربنا يوفقك بحيتك ويجعلها ليك زوجه صالحة

غير معرف يقول...

احلي خبر سمعته السنادي الف الف مبروك واعبال الليلة الكبيرة ادعيلي الامتحنات علي الابواب ندي

beautiful mind يقول...

موناليزا
الله يبارك فيكي يارب
والحمد لله علي ارادة الله

beautiful mind يقول...

منجي باكير
ربنا يبارك فيك يارب
خالص تشكراتنا

beautiful mind يقول...

ya sa
الله يبارك فيكي يارب
وعقبااااااااالك

beautiful mind يقول...

malak nour
فعلاوعسي ان تحبوا شيئا وهو شر لكم وعسي ان تكرهوا شيئا وهو خير لكم
ارادة الله فوق كل ارادة
خالص تحياتي

beautiful mind يقول...

نبع الغرام
الله يبارك فيكي وربنا يسمع منك يارب

مصعب صلاح يقول...

السلام عليكم
اولا فعلا ارادة ربنا دايما فوق كل ارادة
...
مبروك ع الخطوبة و ف نفس الوقت ربنا يكون في عونك :D
وبنسبة لتغيير اسم المدونة ممكن يكون
ما قبل الموت (مذكرات خاطب) :D
..

Tarkieb يقول...

مبروك يا ريس وعفبال القران وطلاع القرنية هههههه

beautiful mind يقول...

ندي
الله يبارك فيكي يا قمر
وعقبال يارب النجاح بتفوق كمان
يلا شدي حيلك بقي عايزين مجموع كويس
ابقي طمنينا عليكي

beautiful mind يقول...

مصعب صلاح
اولا الف حمدلله علي سلامتك مرة اخري
ثانيا
ههههههههههه
حلو اوي الاسم الجديد
بس مش للدرجة دي
الخطوبة حلوة
الجواز اللي وحش
هههههههه
عقبالك يا بطل
وابقي اكتب انت مذكراتك انا مش كاتب حاجه ياعم
اخاف

beautiful mind يقول...

تركيب
الله يبارك فيك ياباشا
انتم السابقون
ربنا يستر

شمس النهار يقول...

سبحان الله ولا حول ولا قوة الا بالله

ربنا يرحمه ويتقبله في فسيح جناته
واااااالف مبروك

عقبال الجواز والدخول في القفص رسمي
:))

منجي باكير يقول...

الله يرحم صديقك و يقبله في عفوه

و تلك إرادة الخالق سبحانه أن لا تدري نفس كيف تموت و لا تاموت و لا باي أرض تموت ..

***

بالنسبة لخطوبتك !

ألف مبرووووك لكن سؤالي : هل فعلا إنت بكامل قواك العقلية مثل ما تقول ؟؟ ههههههههه

يظهر لي مراجعة نفسك ضرورك ..ههه

بجد الله يوفّقك في ما فيه الخير و الرضاء


صاحب الزمن الجميل

كريمة سندي يقول...

نرجوا المشاركة في جمعة التاريخ الأسود في 20 يوليو القادم لنصرة ثورة سوريا ووضع علم الثورة تحياتي