Pages

الأحد، 11 ديسمبر 2011

التقدير



الكلمة دي فكرتني بكلمة كان صديقي محمد بيقولها دايما
واحنا في الجيش لما كان بيتضايق من اي موقف
( فين التقدير يا جدعان )
ولما كنا في الكلية كان كل واحد فينا عمال يدح طول الليل والنهار
بردو عشان المدعوق اللي اسمه التقدير
حتي لما ضحكوا علينا وقالولنا بعد الثورة اكتبوا طلب توظيف
بس خلي بالكم دول هيعينوا الناس علي حسب التقدير
ولما حد بيزعل من حد بيبقي السبب الرئيسي عدم التقدير
وعدم التقدير دا بقي كان مشكلتي في اخر ايامي
يمكن مكنش الموضوع يمسني شخصيا
لا كان يمس أهلي
علشان فيه ناس هتقول اني بعت بسهوله
لانهم بيشوفوا الموضوع من وجهة نظرهم وبس
لو الارتباط خاص بواحد وواحده بس كان عادي
وايه يعني
لكن فين الاهل؟
فين تقدير الاهل ؟
فجأة لقيت نفسي واقع بين نارين
اني اختار اكمل في الموضوع وارضي بعدم تقدير اهلي
او اني انهي بايدي مشروع كبير كان لسه بيبدأ
وانا اخترت الاختيار التاني
رغم ان اهلي والله العظيم الحوا عليا اني اكمل
وان دا مستقبلي وان اللي حصل عادي
بس انا اللي رفضت اني اكمل
علشان شخص مستهتر
مفكرش ان التصرف بتاعته هيبوظ الموضوع كله
وهيحرم اتنين كان نفسهم يكملوا حياتهم مع بعض
كان تقديره للأمور تقدير خاطىء
واتصرف تصرف مينفعش ابدا يكون من حد كبير ومحترم زيه
علشان كدا
انتهت علاقتي بيها
الي اشعار اخر



هناك 6 تعليقات:

شمس النهار يقول...

ممكن يكون اللي حصل ده فيه كل الخير

وربنا شايللك حاجة احسن

بس قول يارب

هبة فاروق يقول...

تقدير الاهل فى تقديرى الشخصى له الاولويه .مهما كانت الظروف ..فسيقى الاهل لهم دائما الاولويه فى الاختيار
وسيعوضك الله عما خسرته قريبا فلا تندم على ما فاتك
تحياتى وان شاء الله اللى جاى احلى

غير معرف يقول...

ازي حضرتك يا مستر انا ندي لو فكرني اكيد حضرتك زعلان من الي حصل السنة الي فاتت بس والله كان حصلي ظروف كتيرة اوي ولولا الي حصل مكنش زماني مرتاحة دلوقت يعني فعلا لعله خير ,, لان حضرتك الي علمتني الكلمة دي فمش لازم حضرتك تزعل علي خسارة ابدا لان اكيد ربنا شيلك احسن منها بس ياريت المرة الجية تقول بدري شوية عشان اقول مبروك

amiraali يقول...

وعسي ان تكرهوا شيئا فهو خير لكم...
محدش عارف الخير فين...متزعلش علي اي قرار اخدته ...يمكن بعد كده تعرف ان ده كان انسن حل

Unknown يقول...

وعسى ان تكرهو شيئ وهو خيرا لكم

وربنا شايلك نصيبك وان شاء الله نصيبك

يبقى احلى

غير معرف يقول...

تعليقي هنا يمكن اتأخر شويه بس انا دورت كتير وبالصدفه لقيتك اتمني انك تقرا الكلام ده لا تندم علي ما فعلت فقد لاتستحتق من فعلت ذلك بك ولا تدري انها كانت تملك شيئا ثمينا وما يدريك لعلها ندمت وعرفت خطئها وفي النهايه رضا الاهل في الاساس وما فعلته كان صوابا لانه قضاء الله وقدره