عارفين فوزية ؟........ فوزيه! ايوه
الاسم مش غريب صح؟
فوزية اللي كانت بنت فؤاد المهندس في مسرحية سك علي بناتك
ايوه هي دي اكيد افتكرتوها
بتاعة مسك ايدي قال ايه بيعديني
فوزية دي بقي مثال لكل المجنونات من بنات حواء
وما اكثرهن.... اه والله
من زمان وانا بسمع مقولة " ناقصات عقل ودين " اللي فيه
ناس بتقول عنها انها حديث كمان الله اعلم بقي
انا كنت فاهم يعني ايه ناقصات دين عشان يعني
بعض الفرائض اللي بتسقط عنهم بسبب ما
ومش مطالبين بتأديتها بعد زوال السبب الما ده
زي الصلاة مثلا وبالتالي عندهم نقص في الدين
أما بقي ناقصات العقل فمعرفتش معناها كويس
غير لما عرفت فوزية
وعرفت ازاي بيكون الجنان الرسمي
وازاي بيكون الخمستلاف حاجه اللي عكس بعض
وبيتعملوا في وقت واحد
وعشان عرفت واتاكدت ان الجنان دا من طبعهن
ودا باعتراف معظمهن صراحة
ودي حاجه مش غريبة ولا جديدة علي ذوات الجنس الناعم
فقررت اني مستغربش من اي تصرف كدا ولا كدا منهن
وفي هذه المناسبة أحب استعير قصيدة رومانسية جميلة جدا
قالها محمد هنيدي في فيلم صعيدي في الجامعة الامريكية
واللي انا كنت باستني الفيلم مخصوص والله عشان اسمعه وهو بيقولها
وباهديها للأخت فوزية
لعل الله ان ينعم عليها بزوال نعمة الجنان اللي عندها
عرفت وفاج
حبيت وفاج
وفاج .... وفااااااااااااج
راحت وفاج
وعرفت ست الحتة
وحبيت ست الحتة
ست الحتة ..... ست الحـــــــــــــــــــــــــــــتة
راحت ست الحتة
وعرفت فوزية
وحبيت فوزية
فوزية.....فوزيـــــــــــة
وروحت انا
هناك 11 تعليقًا:
الستات اعقل خلق الله .... هنو قصور عند مخ الراجل في الفهم بيخليه مش مستوعب بس ..... تقريبا مستوى ذكاء الراجل اقل حبه :P
هههههههههههه
انا مع فتاه
انتوا مش بتعرفوا تفهمونا صح
ودي مش مشكلتنا بقا:)
السلام عليكم
الرجاله دايما بيعتبرو تعليق الست على اي موقف بسيط كنوع من انواع الدلع
قلة عقل
وبيعتبرو تنازلها عن موقفها بسرعه ورضاها بأقل كلمه تناقض
الست بتحب الكلمه الحلوة والمعامله الحسنه
هتلاقيها بين ايديك
بس تعرف حضرتك
لو الراجل اتعامل مع الست بمبدأ حضرتك ده
حاجه كويسه مش وحشه اوي يعني
لانه هيعدي ليها دلالها عليه وهيسايسها
اهو احسن ما يقولها انتي عقلك صغير ولا متناقضه
يا ... فوزيه
فتاة من الصعيد
طبعا عندك حق الستات اعقل خلق الله
وهو فيه حد يستجري يقول غير كدا
والراجل عنده قصور في الفهم كمان
وذكاؤه قليل كمان
واحنا نقدر نقول غير كدا
احنا اللي مجانين
sony2000
والله فاهمين وكل حاجه
ادونا بس فرصه ياجدعان
واحنا نوريكم العجب
سلااااااام
swwet angel
شوفتي بقي ان عندي حق
يعني احنا لازم ناخدهم علي قد عقلهم
دا اذا كان موجود اساسا هههههه
ربنا يصبرنا
ناقصات عقل ودين للاسف الحديث دة مفهوم غلط ناقصات عقل يعنى بيحكموا بعواطفهم اكتر من ما بيحكموا بعقلهم مش اكتر من كدة .
والمرأة مساوية للرجل بالضبط هى مش اقل منه ذكاء ولا هو اقل منها ذكاء اذا ما كانتش هى الاذكى
وراء كل عظيم امرأة
ده عيب يوسر يا كومبيوتر
تتعالى و تتعظم المرأة على الرد على مثل هذا و لكن أحيانا تضطر المرأة على الرد لتصحح مفهوم الرجال.
النساء من أفضل المخلوقات على الأرض كفى أن الرسول وصى بنا و كانت اخر كلماته توصية بالنساء و ذكر الله لنا فى كتابه و تسمية سورتين باسم النساء (سورة مريم و سورة النساء ).
و لو كانت النساء سيئات لما خلقنا الله و لما خلق السيدة حواء لسيدنا ادم و لما خلق السيدة حواء من ضلع سيدنا ادم ؟؟؟؟؟؟؟
لقد فضلنا الله على الرجال فقد خلقنا نصف المجتمع و جعلنا نربى النصف الاخر .
و ناقصات عقل لأن النساء تحكمهم العاطفة فهى ليست كالرجال يحكمون و لا ينظرون لعواطفهم و لذلك لتربى ابناءها من الفتية و الفتيات.
و شخصية فوزية ضحك عليها النساء قبل الرجال فهى شخصية مبالغة لا تعبر عن جزء من النساء و ليست النساء سواء فأعظم رجال من يعاملون نساءهم كأنهم ملكات فيكونوا هم الملوك العظام فى نظر الجميع و بالأخص النساء .
فلابد أن يتعلم الرجال من الرسول كيفية معاملته لزوجاته و يفسروا كلام سيدنا محمد بالمعنى الصحيح و لا يفسرون كلامه كما يحلوا لهم .
بنت من بنات حواء
الله ينور عليكى وفعلا ربنا سمى سورتين عن النساء.
وربناخلق النساء ولولاهم ماكانش هيبقى فيه اصلا رجال
ولو النساء فعلا مالهمش لزمة ماكانشى الاسلام حرم وأد البنات
امممممم...
فوزية؟؟؟؟
ملقتش تشبيه غير كده🤔🤔
عموما فوزية دي كانت عسلاية خالص ع فكرة🥰🥰
إرسال تعليق