Pages

الاثنين، 25 أبريل 2011

غير اي حد




من بين كل الاشخاص اللي بنتعامل معاهم كل يوم...
واللي بنقضي معاهم معظم أوقات يومنا .....
منهم اللي بتختارهم بإرادتك .... ومنهم اللي اتفرضوا عليك غصب عنك
من بين كل الوشوش الكتير اللي بتشوفها كل لحظة....
واحد بس من كل دول بتلاقيه طول الوقت معاك
بتشوفه دايما قدامك.....
وبتتمني انه يستني طول عمره كدا معاك
عشان بتلاقي فيه الأنس ... الراحة... الصدق ..... الإحساس
عشان بتلاقي فيه الحب ... اللي انت عايش تدور عليه
وتلاقي نفسك وانت بتتكلم معاه حتي لو في الف موضوع
عنيك وقلبك نفسهم يكلموه في حاجه واحده بس ....
تتشوق كل لحظة انك تسمع صوته ...
حتي وهو لسه مكلمك من دقايق
تتمني تشوفه .. رغم انه معاك طول الوقت
تمشي في الشارع تدور عليه في وجوه الناس..
وانت عارف انك مش هتلاقي حد يشبهه
بس انت بتصبر نفسك وخلاص
تبكي وانت وحدك .....
عشان مش عارف تقوله اللي نفسك فيه وانت معاه
ولما تاخد الف قرار انك تصارحه باللي معذبك...
تلاقي مليون مانع يمنعك
وبتدعي انك تكمل معاه اللي باقي من حياتك..
حتي ولو في مش في الواقع
كفاية انك تقدر تخليه عايش جواك
بتشوفه بعيونك..
وبتسمعه بقلبك....
وبتقوله كل ثانيه
.......... انا بحبك .........


هناك 11 تعليقًا:

Unknown يقول...

البوست ده حلو اوى وانا حسيت كل كلمه فيه اوى اوى

يارب تكون بخير يا ابراهيم ويارب اسمع عنك كل خير

غير معرف يقول...

وليه تعب القلب ده يا بني بس :))

تحياتي

غير معرف يقول...

بسم الله بجد الموضوع حلو وماشى مع جو الربيع ..ورد..خضرة..جو مليان برائحة الزهور.........
بس الحب من وجهة نظر البعض افعال وليس اقوال وكلمة الحب لازم تتسمع بالقلب الاول مش بالاذن بالضبط ذى تجارب العلوم (عملى مش نظرى)

beautiful mind يقول...

منه
عاش من شافك
مختفيه ليه كدا
يارب تكوني بخير

غير معرف يقول...

فتاة من الصعيد
اهو ياستي
شوفتي احنا تعبانين ازاي

beautiful mind يقول...

غير معرف
اكيد عندك حق
افعال مش اقوال
بس الايام دي ولا بينفع لا كدا ولا كدا
اللي معاه فلوس يشيل
تقبل تحياتي

غير معرف يقول...

حلوة اوي بجد يا ريت تكون حضرتك بخير انا ندي لو فكرني درس الكمياء عند ايمان

همس يقول...

مش كفايه بقى ولا ايه

beautiful mind يقول...

ندي
ايوه طبعا ياندي فاكرك
ازيك عامله ايه؟
يلا شدي حيلك الامتحانات قربت
يارب اسمع عنك خير
وان شاء الله هابقي اطمن عليكي من
مدموزيل ايمان

غير معرف يقول...

السلام عليكم . مش كل حاجة بتتشرى بالفلوس ولو الموضوع كدة كان الواحد اشترى قلوب ناس كتير اوى وباع قلوب اكتر. مش مهم الواحد يكون عندة فلوس المهم يكون عندة قلب .
مشكور على التعليق.

غير معرف يقول...

ياريت الواحد يقدر يقول كل اللي جواه لان الكتمان ده شيئ صعب وخصوصا لما يبقي الموضوع كبير وانت مش قادر تتحمل اكتر احساسك بيها عالي كتير وعجبني بس كان لازم تصارحها يمكن كنت تلاقي اللي انت بتدور عليه عندها وتتاكد ان هي كمان بتحبك وتترتاحوا انتو الاتنين