Pages

الأربعاء، 4 أغسطس 2010

حاجات


حاجة بجد جميله
اني الاقي كمية التعليقات دي كلها
من اعز ناس علي قلبي
وكله بيسال عليا وبيطمن وبيعتذر عن تقصيره
بجد ربنا يخليكم ليا
وان شاء الله تكون جمعتنا كلها خير
وكل تحياتي وحبي وتقديري ليكم كلكم اللي سأل واللي مسألش


حاجه جديدة لانج
خلاااااااااااص خلصت جيش
وبقيت حر يا ناااااااااااس
مش عايز حد يباركلي عشان معاييش شيكولاتات
ولا جاتوهات
اللي هايجي يبارك يجيب الحاجات الحلوة دي معاه
اخيرا شميت ريحة الحرية
طبعا السؤال اللي هيموت ناس كتير اوي
هتعمل ايه بعد كدا؟
مممممممم
انا مش عامل حاجه
انا هاخد فتره كدا زي شهر استجم وادور علي نفسي
والحمد لله ان الشهر دا هيكون شهررمضان
ودا اجمل فرصة اني ارجع بجد زي ماكنت

حاجه تحير وتجنن
اللوحات الجديده بتاعة العربيات
مجنناني اوي اليومين دول
علشان بركب مواصلات كتير اوي
وبقعد بقي اتابعها وانا ماشي
ولا فيه حد عارف يترجم حروفها
اللي كل عربية واخده ليها شوية حروف شكل
حتي انا بيني وبين نفسي قلت اكيد اكيد يعني
كل واحد صاحب عربية من دول
بيختار الحروف اللي تتناسب مع شخصيته
يعني مثلا تلاقي عربيات مكتوب عليها
ن ج م   _  أ س د _  ن س ر
ص ع ب _ م ل ك
وأحيانا تلاقي الموضوع بيتطور وبيبقي حاجه تانيه خالص
زي
ب ق ف _ ب غ ل _ ع ج ل
واحيانا تانيه بقي بيقلب خالص لسفاله وقلة أدب
زي
مممممممم
ولا بلاش
رمضان كريم

حاجه تقرف

كمية المرشحين لمجلش الشعب
ابنكم واخيكم واختكم وامكم
اللي مش بنشوف وشهم الا في المناسبات السودا دي
طيب حتي مش من الواجب والضمير
انهم يخلوا عندهم دم
ويبقوا ميقطعوش الرحم طالما هم اهلنا كدا
ولا هي معرفة مصلحة وخلاص

حاجة تفرح
موووووجة شبكات وجوازات واخده كل اصحابي
حتي مش بيعدي اسبوع الا وبتعزم اما علي شبكة او فرح
والله لسه صغيرين يا جدعان
بيقولهم كلهم ربنا يباركلكم في نصكم التاني
وتاخدوا بايد بعض عشان تعدوا الدنيا دي
ومتقلقوش هحصلكم قريب اوي
بس لما الاقي حد يرضي بيا
هههههههههههه
كل سنه وكلنا بخير
ورمضان يجمعنا دايما يارب

هناك 13 تعليقًا:

غير معرف يقول...

حمد لله على سلامتك
نورت بجد

ديالا يقول...

الف حمدالله ع السلامه
نورتنا بجد
ما احلي طعم الحريه

نوت بيتك والمدونه


كل سنه وانت طيب

دعاء العطار يقول...

حمدالله على سلامتك

والحمد لله انك رجعت بخيييييير

والفففف مبروووووك ع الحريه

ومحلاها عيشة الحريه

وربنا يوفقك فى كل الجاااااى ان شاء الله

دمت بكللللل ود

Tarkieb يقول...

حمد لله على السلامة...كفارة يا ريس

sony2000 يقول...

حمدلا علي السلااااااااااااااااااامه
وعودا حمييييدا
اوعي تغيب كل دا تاني:)
ربنا يسهل ديما ليك ياااارب

الغاردينيا يقول...

صباح الخير ^_^

دي اول زيارة لي و إن شاء الله ليست الأخيره ^_^
اولا حمد لله على سلامتك ورجوعك
ثانيا انا نفسي مش عارفة ليه في برضه موجة جوازت غريبة بين صديقاتي و بتساءل هم مستعجلين على ايه ده احنا لسه متخرجين من شهر ! ههههه

abokamal يقول...

حمدالله على السلامة يا معلم و كله بيعدي و لا انت ايه رأيك المهم تفكر في اللي جاي فاهمني طبعا و سلملي على حبايبنا كلهم و ابا افتح يا عم

mrmr يقول...

اولا : الف مبروووووووك لولولوووووولى
دى علشان انك انهيت فتره الحصار أأأأقصد الجيش
ثانيا : كل سنه وانت طيب
رمضان كريم
ثالثا : عقبالك لما نفرح فيك يوووووه
أأأأأأقصد نفرح بيك

ربنا يسعدك

ستيتة يقول...

كل عام وانت بألف خير يا هيما
ربنا يتقبل رمضان منا ومنكم
تحياتي

мαησηα يقول...

كل سنة وانت طيب يا هيماااااا ويارب يتقبل منا ومنكم يارب

انت مش خلصت جيش يا راجل انت انت فين بقه هه

أتنين حبيبين يقول...

كل سنه وانت طيب
رمضان كريم عليك وعلى الامة الاسلاميه جمعاء
وان شاء الله تحقق اهدلفك بالحياه
مودتى
توتا

beautiful mind يقول...

كل سنه وكلكم طيبين
وربنا يعيد علينا جميعا الايام المباركة دي بكل خير

Unknown يقول...

ازيك يا هيما فينك يا ابنى من ساعت اخر بوست مكتبتش حاجه انت بقيت تغيب علينا اوى كده ارجع بقى بسرعه واكتب لنا بوست جديد