Pages

الثلاثاء، 25 أغسطس 2009

استودعكم الله

السلام عليكم ورحمة الله
احبائى كل عام وانتم بخير
ورمضان كريم
ويارب كل الناس يجمع بينها الحب والمؤاخاه والتفاهم
وان شاء الله السنه دي تكون احسن من اللي فاتت
والقادم يكون اجمل باذن الله
خساره
الايام الحلوة بتعدي بسرعه جدا
والاجازة بتاعتي خلصت خلاص
وهسافر النهارده ان شاء الله بعد الفطار
كنت اتمني اقعد معاكم كمان شوية
بس اعمل ايه
هي الظروف كدا
عموما والله بجد انتم وحشتوني من دلوقتي
وانا لو قلت من هنا لبكره انا بحبكم وبحترمكم قد ايه
مش هايكفي
كل واحد بقي يخلي باله من نفسه
ويصوم كويس
ورجاء مني او طلب صغير
ياريت اي حد عارف ان فيه حد زعلان منه
ياريت يصالحه
او يكلمه او يبعتله حتي sms
علشان ربنا يتقبل صيامنا جميعا
اشوفكم بخير ان شاء الله
انا المرة دي مش عارف امتي
بس انا بدعي ربنا يكون عن قريب
استودعكم الله الذي لا تضيع ودائعه
والسلام عليكم

هناك 14 تعليقًا:

ستيتة يقول...

تروح وترجع بألف سلامة
ربنا يهون عليك الأيام وينفعك في مكانك وينفع بك

في امان الله وحفظه

د. ياسر عمر عبد الفتاح يقول...

تروح وتيجي بالسلامة
ربنا يوفقك ويتقبل منك صالح الأعمال

Kiara يقول...

تروح وترجع بالف سلامه

كل عام وانت بخير

------ يقول...

ابراهيم

تروح وترجع بالسلامة اخى

ربنا يحفظك

------ يقول...

مش عارفة اقولك ايه

بس مدونتك كانت جميلة واكيد مش هننساك

ربنا يوفقك وييسرلك كل امورك

تحياتى لك

------ يقول...

ودى تهنئة منى

بمناسبة العيييد

هى مقدمة بس علشان اكون اول واحدة تقولك كل سنة وانت طيب

ترجعلنا بالف سلامة

♥نبع الغرام♥♪≈ يقول...

السلام عليكم

كل سنه وانت طيب بيبى وان شاء ترجع لينا بالف سلامه

ومش تقلق هخلى بالى من المدونه وهاجى اطمن عليك كل شويه

ربنا يحفظك

لا اله الا الله

غير معرف يقول...

ربنا يرجعك بالسلامه ...... وخد بالك البلد امانه في رقبتك يا رأفت :D

غير معرف يقول...

وانت كمان ياهيما
وحشتنا من دلوقت
باذن الله تجرى الايام وترجع بالف سلامة
يابطل
تحياتى

همس يقول...

يارب يحفظك ويصونك ويعزك ويبعد عنك اى شر وتكون من المقبولين هذا العام اللهم امين بحبك فى الله

♥نبع الغرام♥♪≈ يقول...

السلام عليكم

اخبارك ايه انت موجود ولا لسه فى الجيش ولا ايه
مش تعرفنى ياجميل بس بجد مبسوطه انى اطمنت عليك ربنا يحفظك من كل شر

تحياتى

دعاء العطار يقول...

افتقدناك بجد

وتروح وترجع بالففففففف سلامه

-_- يقول...

جزاك الله خيرا

عمرو يقول...

تروح و ترجع بالسلامه و كل سنه و أنت طيب ..
عندك حق فالتسامح من أحلى الصفات اللى بيتمتع بها الاٍنسان و الله ..
بارك الله فيك و تقبل تحياتى و تقديرى ..