السلام عليكم ورحمة الله
يارب تكون ايام رمضان ايام خير وفرحه
وتوبه وسعاده لكل الناس في كل مكان
وان شاء الله تزيد فيه الموده والحب بين الناس
ونرجع زي ما كنا
اللهم امين
نظرا لضيق الوقت عندي واللي مش مديني فرصه حتي اني ارد علي تعليقاتكم
فانا بشكر كل شخص سال عني او حتي زار المدونه في غيابي
دلوقتي انا هجاوب علي اسئلة التاج اللي اخدته من اختي الغاليه
ام مالك ربنا يكرمها يارب
وبدعي ربنا ان اكون موفق فيه
. .
. .
. .
ماذا يمثل لك رمضان في كلمتين؟
راحه نفسيه و نقاء داخلي
هل كتبت خطتك التي تنوي تطبيقها في رمضان؟؟
مش خطة بالظيط بس فيه اساسيات عندي لازم تكون موجوده كل سنه
وان شاء الله احافظ علي الثوابت بتاعتي وربنا يتقبل
ايه احسن حاجة لك في رمضان ؟
احسن حاجه هي التجمع من اصحابي والذهاب للصلاه سواء صلاه التراويح او صلاة التهجد بلليل
كل ليله
ايه الحاجة اللي انت جربتها رمضان اللي فات وناوي تكررها السنة دي ؟
طبعا الاعتكاف اخر 10 ايام من رمضان
لاني متعود عليه من كذا سنه والحمد لله بيكون له اثر عظيم علي
وعلي كل اللي بيعتكفوا
شعارك السنة دي في رمضان ايه؟
شعاري في رمضان دا ان شاء الله ( ثبات حتي اخر لحظه )
ودا بسبب اني هحضر معظم الايام في الجيش وبدعي ان ربنا يثبتي هناك
لاني متاكد انه هيكون صعب
ناوي تفطر كام واحد في رمضان؟
والله دي بظروفها والله اعلم لاني بجد معرفش ظروفي ايه
لكن بالنيه ان شاء الله ربنا يديني الثواب
ايه الطاعة اللي انت ناوي تداوم عليه بعد رمضان ؟
طبعا المداومه علي صلاة الجماعه وقيام الليل ولو ركعتين
امرر التاج الى؟
امرره لكل اصحاب المدونات اللي انا ضايفهم في قائمة مدوناتي
وربنا يتقبل من الجميع يارب
هناك 21 تعليقًا:
كل سنه وانت طيب
رمضان كريم
يابختكوا بتعرفوا تعتكفوا
بجد ربنا يعينكوا علي طاعته وعبادته
واكيد رمضان في الجيش هيكون صعب بس ربنا يعينك عليه
رمضان كريم وكل سنه وانتوا طيبين هنرفع شعار وعجلت اليك ربى لترضى وشعارنا طبعا مع الاستاذ عمرو خالد سنحيا بالقران
يارب يتقبل توبه كل تائب وانا اولهم ويجيب دعاء كل داعى اللهم امين ويبلغنا رمضان اعوام واعوام
واول تعليق
وتاني تعليق كمان
ورمضان كريم
اخويا ابراهيم
منور يا قمر الدنيا كلها
اخبارك ايه يارب تكون بخير وتكون ارتحت شويه من تعب الجيش فى الايام اللى فاتت
كل سنه وانت طيوب وبصحه جيده ورمضان كريم
وبد جميل قووى تاج رمضان يا ابراهيم والاجابه جميله قووووووووووووى
ربنا يعنا على طاعته وحسن عبادته
ويتقبل منا ومنك صالح الاعمال
رمضان كريم
ايناس
http://nosaelnosakwanosa.blogspot.com/
ده لينك مدونتى التانيه
ادعوك لزيارتها
منتظراك
كل سنه وانت طيب وحمد لله على السلامه ويارب يتقبل منا ومنك باذن الله
تحياتى لك/ سندريلا
كل سنة وانت طيب
وربنا يعينك ان شاء الله على الإلتزام وبلوغ السعادة باكتمال رمضان
تحياتي
كل سنة وانت طيب
وربنا يتقبل منك صالح الأعمال
جزاك الله خيراً
السلام عليكم
سعيدة جدا بمرورى بهذة المدونة
وكل عام وانتم بخر
وربنا يجعلكوا اقرب للطاعة وابعد عن المعصية
ويجعلنا ممن نسمع القول فنتبع احينه
هكون سعيدة جدا لما تنورنا فى المدونة
ربنا يكرمك ياابراهيم
واحسبك على خير من الشباب الصالح
ربنا يثبتك ويبعد عنك الفتن
اجاباتك عن التاج جميلة ومميزة
بس قولى ايه حكاية اختى ام مالك
ديه انا زى ماما ياابراهيم
وفعلا حكون سعيدة لو اعتبرتنى زى والدتك
وانا بعتبرك فعلا ابنى
ربنا يوفقك ياهيما وتطمنى دايما عليك
وعلى فكرة انا بعز اسمك قوى
اصله على اسم عمك ابو مالك
وعاشت الاسامى ياابراهيم
تحياتى
ديالا
كل سنه وانتي طيبه يارب
ورمضان كريم
طبعا رمضان صعب في الجيش كفايه اني هكون بعيد عن اهلي واصحابي
بس ربنا بيهون ويعين
الحمد لله
همس منورانا دايما
وان شاء الله نرفع الشعار معاكي كلنا
وطبعا الاستاذ عمرو خالد حبيب كل الناس
وان شاء الله هتابعه لو فيه وقت
تقبلي مني خالص التحيات
ورمضان كريم
ايناااااااس عاشقة الاحزان
كل سنه وانتي طيبه
ويارب يجعل ايامك كلها سعاده ويبعد عنك اي حزن يارب العالمين
الحمد لله رب العالمين انا كويس جدا
وتجربة الجيش مفيده بكل المقاييس الحمد لله
انا عايزك انتي كمان تجاوبي ع التاج علشان اشوفه قبل ما امشي
وانا زرت مدونتك الجديده ورديت هناك كمان وانتي اكيد شوفتيها
يلا اسيبك دلوقتي تكملي تحضير الفطار بس اوعي تنسي تدعيلي
سندريلا
الله يسلمك يارب
كل سنه وانتي طيبه
وان شاء الله نلتقي دائما علي كل خير
استاذتي الكريمه
د ستيته
والله انا مشتاق جدا لكتابتاك ومواضيعك الجميله واللي كانت اكتر حاجه ماثره فيا هناك
يارب يبلغك رمضان سنين عديده واعمرا مديده يارب العالمين
ورمضان كريم ياست الكل
د ياسر عبد الفتاح
ياااااااه
والله وحشتني جدا
يارب بقي متغيبش علينا كدا
كفايه اني غايب غصب عني
رمضان كريم يا دكتور
والف الف مبروك ع النجاح
دموع القمر
شكرا جدا علي مرورك الكريم
وكل سنه وانتي طيبه يارب
انا فعلا زرت مدونتك وهي جميله ومميزة والله
ويارب تفضلي كدا متالقه علي طول
ام مالك
ياخبر
دا انا والله اتشرف اني اكون زي مالك او احمد اولاد حضرتك
بس انا احب اقول عنك اختي علشان اكون علي راحتي اكتر ههههههه
وانا سعيد جدا كمان ان اسمي علي نفس اسم ابو مالك
ربنا يديم المحبه
ورمضان كريم علي الاسرة كلها وعلي جميع المسلمين يارب
كل سنه وانت بالف خير
واجابات جميله
رمضان كريم
فتاه من الصعيد
كل سنه وانتي الي الله اقرب
ورمضان كريم عليكي وعلي كل اهل الصعيد
إرسال تعليق