Pages

الخميس، 20 أغسطس 2009

وحشتوووووووووووني



(أقسم بالله العظيم ... ان اكون جنديا وفيا لجمهورية مصر العربيه..



محافظا علي امنها وسلامتها ... حاميا ومدافعا عنها.....


في البر والبحر والجو... داخل وخارج الجمهوريه.... مخلصا



لرئيس الجمهوريه....مطيعا للأوامر العسكرية.....


منفذا لاوامر قادتي ... ومحافظا علي سلاحي .


لا اتركه قط حتي اذوق الموت... والله علي ما اقول شهيد)



داكان اخر حاجه في حفلة تخرجنا .. واديني رجعتلكم تاني



انا بصراحه مش عارف ابدأ ازاي او اقول ايه


بس بجد والله العظيم وحشتوني كلكم



وكنت وانا هناك بفكر فيكم ودايما علي بالي



طبعا اكيد فيه سؤال شاغلكم



احوالي ايه؟ وعملت ايه في الجيش؟


طبعا هجاوب



بس الاول انا احب اشكر كل شخص سأل عني في غيابي



وبجد انا عرفت واتاكدت ان ربنا بيقرب بين ناس



مكنش ابدا في اعتقادهم انهم ممكن يتقابلوا في يوم من الايام


بالنسبه بقي لاخباري واحوالي



انا الحمد لله كويس جدا



ومعنوياتي كويسه جدا الحمد لله رب العالمين


اما بخصوص عملت ايه في الجيش



فانا مش هقدر اتكلم خالص لان دا ممنوع امنيا



حفاظا علي الاسرار العسكريه واللي انا اقسمت قسم الولاء



اني احافظ علي اسرار الجيش



بس انا احب اقول كلمة حق لازم اقولها



رغم كل الصعوبات والضغط النفسي والعصبي والبدني


وكل شىء صعب كنت انا وزمايلي فيه هناك


الا انه بجد والله العظيم اللي مدخلش الجيش بصراحه



فاته كتير جدا في حياته



وفيه حاجات كتير ناقصاه

انا اتعلمت هناك اللي كان استحاله اتعلمه بره في سنين

اهم شىء ازاي تتحكم في نفسك وتعرف قيمتها


وانا احب ا طمن كل الناس

والله العظيم احنا بجد عندنا جيش


جيش قادر يحمي البلد دي

انا بحب بلدي جدا وكنت فاكر نفسي وطني اوي


بس وانا هناك واحنا بنتدرب وبنغني مع بعض

الاغاني الوطنيه


وكله في صوت واحد

وحاجه كدا تخلي جسمك يقشعر

واحساس داخلي اني والله وكل اللي معايا مستعدين


اننا ندفع عمرنا كله علشان حبة تراب من ارضنا

اللي قال ان الجيش مصنع الابطال


فعلا كان كلامه صادق



انا بتشرف اني بخدم في جيش بلدي



وان شاء الله كل كلمة اقسمت عليها هناك


هتكون سيف علي رقبتي


اسيبكم بقي شويه



علشان انتو عارفين

عايز املا الدنيا تنطيط واشوف كل الناس


بس ان شاء الله انا هكون معاكم


لغاية ما اسافر تاني


يلا بقي

هناك 17 تعليقًا:

♥نبع الغرام♥♪≈ يقول...

انا اول تعليق يا جدعااااااااااااان



اوعا وشك منك له

انا وبس

♥نبع الغرام♥♪≈ يقول...

وكمان التانى

وحشتنى قووووووووووووووووى

يا اجمل وارق ابراهيم بالدنيا كلها

وربنا كان قلبى حاسس انك جى ياقمر
بجد والله

انا فيا حاجه لله وربنا ياجدعاااااااااااااااااااااااان

♥نبع الغرام♥♪≈ يقول...

احمدك يارب
اخد التالت كمااااااااااان


كل سنه وانت طيوب ياقمر واسرتك الكريمه

رمضان كريم علينا وعليكوووووووووو

♥نبع الغرام♥♪≈ يقول...

(أقسم بالله العظيم ... ان اكون جنديا وفيا لجمهورية مصر العربيه..



محافظا علي امنها وسلامتها ... حاميا ومدافعا عنها.....


في البر والبحر والجو... داخل وخارج الجمهوريه.... مخلصا


لرئيس الجمهوريه....مطيعا للأوامر العسكرية.....


منفذا لاوامر قادتي ... ومحافظا علي سلاحي .

لا اتركه قط حتي اذوق الموت... والله علي ما اقول شهيد)




الله عليك ياقمر بجد حلو قووى القسم ده

الله الله

♥نبع الغرام♥♪≈ يقول...

ربنا يكرمك يا ابراهيم ياغالى وهو ده شرف الوطنيه

اهم حاجه اننا اطمنا عليك وده الاهم يا مان
الجيش للرجاله وانت راجل وقدها نورت البلوجر ياقمر والدنيا كلها

ومليون حمد الله على السلامه وان شاء الله تعدى الايام دى على خير الايام بتفوت بسرعه ياقمر بجد اتحمل وان شاء الله كله يهون يكفينا رجوعك تانى لينا فى وسطنا وده الاهم
اتجدعن بقا وشد حيلك فى الايام الجايا
ورمضان كريم عليك يارب
وربنا يهون عليك الصعوبات يا قمر انت

نقول حمدالله على السلامه مليون مره بجد فرحانه قوووى بيك ياقم بجد
نورت البلوجر

مودتى
انوسه

beautiful mind يقول...

ايناااااااااس
ازيك
والله فيكي الخير
وشكرا علي سؤالك عني
ويارب رمضان يكون سعيد عليكي وعلي كل الناس اللي بيحبوكي
انا هقرا كل الموضوعات اللي فاتتني عندي
بس سبيني شويه اخد نفسي
هههههههه
تسلمي يا قمر علي الردود

همس يقول...

مبروك على النت خلاص معدش فى حاجه اقولها كلمنى لما تفتح

همس يقول...

مبروك على النت خلاص معدش فى حاجه اقولها كلمنى لما تفتح

فراشة يقول...

حمدالله على السلامة يا ابراهيم

الحمد لله رجوعك بالسلامة والحمد لله ليا نصيب اقولك كل سنه وانت طيب

مش عارفه اقولك كلامك عن الجيش وعن بلدنا الغالية قد ايه خلانى عايزه اقف واعملك تعظيم سلام واصقفلك بجد

بحييك ماشاء الله على روحك وانتمائك العالى اللى افتقده كتير من ابناء بلدنا
ربنا يحميك وتنفذ بإذن الله قسمك وتكون سبب فى علو شأن البلد
انا مبسوطة جدا برجوعك وروحك الجميلة
وحقولك حماية بلدنا فى ايديك يا فندم

رمضان كريم

ستيتة يقول...

ابو خليل
حمد الله ع السلامة
هم دول الرجالة ما شاء الله عليك
عقبال ما اشوف الواد احمد ابني زيك
وربنا يعلمك ويرزقك الصبر على الشدائد
ايوه يا عم عاوزين جيش لحسن الواحد قلقان
الحمد لله انك ها تقضي اول يوم رمضان في البيت مع السفرة العامرة

كل عام وانت بألف صحة وخير وفعلا وحشتنا جدا ولسه كنت ببص على عنوان مدونتك في الريدر اول امبارح وبقول اتأخر ابراهيم قوي
بس الحمد لله انك اتخرجت من الأربعين يوم المتعبين وان شاء الله هانت

ديالا يقول...

الف الف حمد الله علي السلامه


ايوه كده المدونات كلها منوره

بجد احنا شبابنا اجدع شباب في العالم كله وبجد ربنا يحميكو لمصر وتدافعوا عنها لاخر نقطه دم


ربنا يعينك يارب ويوفقك ورمضان كريم

promise is promise يقول...

حمد لله على السلامه يا بطل

ايوه هما دول ولاد مصر الجدعان بصحيح شرفتنا ورافع راسنا


كل سنه وانت طيب رمضان كريم

رضا الكومى يقول...

حمدالله على السلامة
يا إبراهيم

وكل سنة وأنت طيب

آه من قلبي يقول...

حمد لله ع السلامة
ويا رب تكون استفدت فعلا
وكل سنة وانت طيب
رمضان كريم
اتمنى تشرفني في مدونتي عشان هي لسة جديدة

غير معرف يقول...

عودا حميد ا اخي ,...

تقبل مروري

غير معرف يقول...

كل جيش وانت طيب :)

رمضان كريم

غير معرف يقول...

واد ياابراهيم
والله مش مصدقة بالصدفة وانا عند ستيتة
وببص فى المفضلة
وجدت انك منزل بوست وكمان من يومين
ده انا كنت قلقانة عليك
ربنا يبارك فيك ياهيما
وفرحتنى المعنويات المرتفعة
لانى معاصرة ناس دخلوا الجيش
ومركبين اهلهم القلق ومش مستحملين
اصلهم فافى
انما انت ماشاء الله رجال بن رجال
الحمد لله على رجوعك بالسلامة
وفرحانة لفرحة الوالدة بعودتك
وده اكيد
ياريت تدخل تقرأ البوست قبل الاخير
عندى علشلن جبت سيرتك فيه
مش غيبة ولا حاجة ادخل شوف
فرحانة قوى بعودتك وربنا يكتب
لك كل الخير وطمنتنا على حماية البلد
تحياتى