Pages

الثلاثاء، 14 يوليو 2009

من البحريه المصريه احييكم



احبائي خلاااااااااص


دا بجد اخر بوست قبل ما امشي


الاول بس والله انا بحبكم جدا جدا كمان وفعلا اكتر حاجه


هتشغلني وانا هناك انتم واحوالكم


ثانيا


انا النهارده كنت في منطقة التجنيد علشان اعرف سلاحي وهامشي امتي


ويشاء رب العالمين ان اسمي يكون اول اسم يتندي


والحاجه اللي مش مصدقها اني دخلت سلاح ( البحريه ) اللي محدش بيدخله


غير بالواسطه


تقريبا مختاروش غير 10 فقط للسلاح دا وانا كنت واحد منهم


الحاجه الاجمل بقي اني هكون موجود في اسكندريه


يعني بينها وبين بيتي تقريبا كدا 20 دقيقه


يعني والله ببركه دعائكم الصادق مكنتش هعرف الاقي نفسي فين


يلا بقي


اديني هلبس ابيض في ابيض ( زي الملايكه اما تشوفها ) واكيد


هعمل زي اسماعيل ياسين لما كان في البحريه ويجيني دوار البحر


قبل ما اختم بس


والله انا بعد ما كتبت البوست اللي فات زعلت جدا من نفسي


جدا كمان


علشان لقيت اني نسيت ناس كتير مذكرتهاش مع انها كانت دايما معايا


ولما رجعت تاني علشان اضيفهم لقيت ان النت فصل عندي


عموما


ميزعلوش مني انا مقدرش علي زعلهم والله


وانا بجد بشكرهم كلهم ويارب يتقبلوا اسفي


ومش عارف اقول ايه غير كدا ل




ورده


فراشه


ريمان


مروه


محمد


promise is promise


همسة ايمان




ويارب لو نسيت حد تاني يتقبل اسفي


اشوفكم بالف خير


وربنا يطمني عليكم


هناك 39 تعليقًا:

♥نبع الغرام♥♪≈ يقول...

يالهوووووووووووووووووووى

وحشتنى مووووووووووووووووت

قوووووووووووووووووووووى

♥نبع الغرام♥♪≈ يقول...

ايه ده بقا

خلاص هتمشى
حانت اللحظه يااااااااااااااااه

احساس صعب قوووووووووووووى

♥نبع الغرام♥♪≈ يقول...

تعرف بجد انت طيب وابن حلال ودعوة ماما دى بالدنيا كلها

ربنا يكفيك شر الطريق وتكمل االكام يوم دول على خير وترجعلنا منور الدنيا كلها

وطبعآ هتنزل اجازات كتير ولاذم اطمن عليك

كل شويه واعرف اخبارك

بجد هتوحشنى مووووت

وكنت هنزل بوست انهارده كنت اتمنا انك تشوفه

قبل ما تمشى

♥نبع الغرام♥♪≈ يقول...

خلى بالك كده من نفسك

وربنا يحميك ويحرصك يارب

واشوفك على خيررررررررر

لا اله الا الله
سيدنا محمدآ رسول الله

ديالا يقول...

معلش بقي الجيش للرجاله

ربنا يوفقك

تقبل مروري

همس يقول...

هيما حبيبى واخوى نمرتك على المركب ايه؟

promise is promise يقول...

خلاص بقا ده اخر بوست اكيييييييييد؟
احنا اقلامنا نفسنا اننا هنفتقدك ممكن بكره الصبح نصحا نلاقى بوست
وحشتونى جدا انا جيت نورت البيت

ههههههههههههههههههه

مبرووك على سلاح البحريه يا دفعه
بس اوعا تنسا اسمك
اسمك ايه يا دفعه وتقول حنانى مش ابراهيم

ومبروك كمان انك مشهتبعد كتير عن بيتك
وبعدين شكلك جبت واسطه جامده وبتضحك علينا هههههههههه

على العموم احنا فى انتظارك
لك منى خالص الدعاء
والتحيات والسلام ختام

غير معرف يقول...

السلام عليكم ورحمة الله وبركاته
ازيك يا ابراهيم
مبروك البحرية

غير معرف يقول...

السلام عليكم ورحمة الله وبركاته
ازيك يا ابراهيم
مبروك البحرية

غير معرف يقول...

ياله يا عم هتستريح مننا ومش هتشوف وشنا
حلوة صور مطروح

رضا الكومى يقول...

للأسف يا إبراهيم أول زيارة لى أكون فى وداعك على العموم بالتوفيق إن شاء الله وترجع بالسلامة يا بطل

عمرو يقول...

ربنا معاك يا محمد و يقويك على أداء أشرف ما يمكن أن يقوم به الاٍنسان فى حياته و هو الدفاع عن أرضه و عرضه ..
ربنا معاك أنت و كل زمايلك و ربنا يحميكم و يحرسكم و يخليكم لينا ما أنتم بقى زهورنا المفتحه الواعيه العفيه اللى بنكحل عينينا بيكم لما نشوفكم و أنتم لابسين الميرى :)
هنيالك البحريه فى الحر ده يا عم محمد أديك حتصيف فى اٍسكندريه أهو يعنى جات لك فى وقتها تمام ..
بس برضو خليك على اٍتصال بينا و ما تنقطعش عن التدوين اللى ممكن يكون فرصه كويسه أوى لتدوين و تسجيل الفتره المهمه دى فى حياتك ..
و متشكر أوى على الكلمتين الحلوين اللى قلتهم فى حقى فى البوست اللى فات ربنا يخليك ..
ركز يا محمد و عدى تجنيدك على خير و أوعى تنسى وظيفتك على المدفع أيه :))
لحسن الشاويش عطيه مايعرفش أبوه فى الحاجات دى ..
ترجع بألف سلامه .. ربنا معاك ..

وردة يقول...

مينفعش ازعل منك يا ابراهيم
والله بجد انا بشوف فيك اخويا زي ما بقولك دايما
هو كمان كان بحرية
ومبروك ياسيدي عليك البحرية
انت كده بقيت جاري رسمي
يعني تعالي اتغدي عندنا اي وقت
ههههههههههههه
نورت اسكندرية والبحرية
وان شاء الله تكون فترة تجنيدك جميلة
ويكون ليك فيها اجمل الذكريات
ربنا معاك
سلام

همس يقول...

احلى ما فعلته انك تركت منك ذكره تهون علينا فراقك فنحن فى انتظارك ومهما غبت لن تغيب عن بالنا لحظه فحب الاصدقاء لا يضاهيه اى حب

وردة يقول...

ازيك يا ابراهيم
انا عارفة انك مش موجود هنا معانا واكيد دلوقتي في الجيش
بس كلامك الجميل بنا
ربنا يكرمك ويوفقك في اي مكان انت فيه
وحبيت اقولك
كل سنة وانت طيب بمناسبة الاسراء والمعارج
ربنا يكرمك
سلام

احساس طفلة محبة للرومانسية بس واقعية يقول...

طيب يعنى اكيد فى اجازة
وينفع ان شاء الله كل فترة تبقى تدخل
مش تنقطع تمام عن التدوين

الحمد لله ربنا وفقك فى سلاح كويس وان شاء الله الفترة دى تعدى على خير
ربنا معاك وان شاء الله ترجع بالسلامة

تقبل مرورى

MaNoOoSh يقول...

ربنا معاك ان شاء الله

بس مستنيين مغامراتك على المركب مع الشاويش عطية
ههههههههههههههه


وياريت من وقت للتاني تبقى تفتح المدونة تطمنا

غير معرف يقول...

الف مبروك يا دفعه ...... ربنا يجعلها ايام حلوه

وخد بالك من الأرض ..... البلد امانه في رقبتك :)

غير معرف يقول...

ازيك يارب تكون بخير
بدعوك الى مكتوب
مجموعة ماتيجى نحلم ببكرة
علشان نستفيد من مواضيعك

غير معرف يقول...

ازيك ياابراهيم
ياترى عامل ايه انا بدعى لك كثير
بس والله حلوة بحرية وفى الحر ده تمشى
برضه والله لك وحشة

دعاء العطار يقول...

ترجع بالسلامه ان شاء الله

وربنا يقويك يارب وبجد هنفتقدك

يالا ترجع لمدونتك وبيتك بالسلامه ان شاء الله

رحلتنا في الحياة يقول...

انا اسفة انى جيت متاخرة بعد ما سافرت انا بس اتمنى بجد فى كل اجازة تفتكرنا ولو ببوست تتطمنا على احوالك واحوال الجيش ان شاء الله المدة تكون صغيرة وتهون بسرعة

ديالا يقول...

انا قلت اجي اطل علي المدونه وارش شويه ميه وافتح الشبابيك

عشان لما يجي يلاقي المدونه حلوه كده

وعشان ميقولناش مخدوتش بالكو منها

محمد يقول...

السلام عليكم ورحمه الله وبركاته
الحمد لله ابراهيم كويس وبيسلم عليكم كلكم وان شاء الله هينزل اجازه قريب
هو قالى اطمنكم عليه لحد ان شاء الله لما يرجع بالسلامه ويطمنكم بنفسه

احمد سعيد يقول...

ههههههههههه

ربنا يعينك

بس بجد عاوزك تكون مؤهل نفسيا للصدمات اللى جايه

D:

♥نبع الغرام♥♪≈ يقول...

السلام عليكم


يااااااااااااااااااااااهه
من غيرك ضلمه وربنا

وان شاء الله تنورها تانى ياقمر
ربنا يسعد ايامك

وردة يقول...

45 يوم لسه مخلصوش يا مجند ولا ايه
ههههههههه
عاوزين نطمن عليك
ونشوف الجيش عمل فيك ايه
اي حد يزعلك شاور انت بس
وملكش دعوة
ههههههههه
ربنا يكرمك
سلام

♥نبع الغرام♥♪≈ يقول...

السلام عليكم
ياااااااااااااااااااه

طولت الغيبه علينا قوووى

طمنا ياقمر عامل ايه

ربنا يرجعك لينا بالسلامه

فى انتظار عودتك

سلامى

فراشة يقول...

اخبارك ايه يا ابراهيم
يارب تكون بخير وترجع بالسلامه

محمد يقول...

ابراهيم بيسلم عليكم كلكم وان شاء الله هو هينزل يوم 15/8 او 16/8
ياااااااااارب يرجعلنا بالسلامه

♥نبع الغرام♥♪≈ يقول...

بجد ربنا يطمنك يامحمد

ويسعدك يارب
منتظرينك يا قمر ترجع لينا بالسلامه

وكل سنه وانت والاسرة الكريمه بالف خير
بمناسبة قدوم شهر الخير رمضان المعظم

مودتى

همس يقول...

كل سنه وانت طيب يا هيما بمناسبه عيد ملادك 11-8 والسنه تكون خلصت الجيش وبدات ممارست حياتك بشكل طبيعى

همس يقول...

ابراهيم بيسلم عليكم كلكم ونازل من 16 او 18-8 مستينيااااااااااااانيك

غير معرف يقول...

كل ده لسه فى البحرية
ياله الدنيا حر هههههههههههههه
عايزاك تشترك فى مكتوب
وتشترك فى مجموعة ماتيجى نحلم ببكرة هههههههه
صحيح احنا مش فى زمن الاحلام هههههههه

إيمان قنديل يقول...

رربنا معاك ويحميك

♥نبع الغرام♥♪≈ يقول...

انت فين كل ده

ماجتش ليه الميعاد عد من زمان


رمضان كريم

وحشتنا قووووووووووووى

ايمان يقول...

يارب يكون خير تاخيرك ياهيما

وردة يقول...

كل سنة وانت طيب يا مجند
رمضان كريم
ابقي طمنا عليك
سلام

♥نبع الغرام♥♪≈ يقول...

ياااااااااااااااااااه

وحشتنا قووى وربنا

عندى امل انك هتيجى اول رمضان صح ان شاء الله

منتظره عودتك
وحشتنى كتيرررررررررررر

كل سنه وانت طيب
رمضان كريم