Pages

الاثنين، 13 يوليو 2009

والله هتوحشوني


السلام عليكم ورحمة الله

بجد مش عارف هكتب ازاي ولا هقول ايه

بس كان لازم اني ممشيش من غير حتي ما اسلم عليكم

لاني بجد قضيت معاكم اجمل لحظات عمري وانا هنا

بتاعبكم وتابعوني ودايما كنا لبعض ايد واحده نفرح لفرحنا

ونحزن لحزننا

خلاص اليوم اللي كنت مستنيه جه

وهروح ان شاء الله بكره علشان اعرف السلاح اللي انا هدخله

وهسافر امتي واللي غالبا بيكون في نفس اليوم او بعدها بيوم

انا قولت اكتب البوست دا علشان لو معرفتش بكره اني اكتب

تبقوا انتم عارفين ظروفي

بجد نفسي اشكر ناس كتير ... نفسي اقولكم هتوحشوني

مش عارف ابدأ بمين ولا مين

وخايف انسي حد يزعل مني بس صدقوني كل واحد دخل عندي

او انا دخلت عنده انا حسيت فعلا اني اعرفه من زمان

وبشكر ربنا سبحانه وتعالي انه الهمني بعمل المدونه دي واللي كانت سبب

في اني عرفتكم

د ستيته ( مش عارفه بس نفسي اعرف ) هفتقد حضرتك جدا وهتوحشني موضوعاتك

واسلوبك وثقافتك الجميله وبجد انا اعتز جدا بمعرفتك


استاذ عمرو بدر ( حبشتكانات فلسفيه ) حضرتك انسان جميل ومثقف وكل بوست كنت بتكتبه كان

بيمثل فكره او معلومه جديده .. ربنا يديك الصحه وطول العمر وارجع الاقي مدونتك منورة الدنيا


انوسه ( عاشقة الاحزان ) طبعا يا ايناس انتي عارفه من غير ما اتكلم انا كان نفسي في ايه

وكنت طلبت منك ايه .. بس بصراحه انا كمان هفتقدك اوي لانك كنتي دايما بتنوريني بكلامك

وطيبة قلبك بس علشان خاطري بلاش تحزني علي حاجه هي محزنتش عليكي

ان شاء الله لما ارجع الاقيكي عملتي اللي قولتلك عليه


ديالا ( دموع الورد ) انشط بنات المدونات كل يوم كان ضروري اني افتح مدونتك علشان اعرف ايه

الجديد عندك ... ربنا يوفقك في عملك وان شاء الله مجهوداتك تكلل بالنجاح .. وربنا يكرمك وتلاقي

نصك التاني وتحققي كل احلامك وارجع الاقيكي عروسه ههههه


فتاه من الصعيد ( ملقتلهاش عنوان ) ان شاء الله تفضلي كدا دايما منورة الدنيا بافكارك الجميله

واسلوبك الرائع وبجد انتي شخصيه رائعه ربنا يسعد ايامك


بصراحه في ناس كتير جدا احب اشكرهم علي تعاونهم معايا وتشجيعهم الدايم


ام احمد المصريه

ام مالك

تلميذة سلمان الفارسي

الاستاذه اسر ياسر

د عرفه

د ياسر

ايمان


وان شاء الله اشوفكم بخير بعد 45 يوم

يمكن اكتر ويمكن اقل

لو انا عرفت بكره اني اقولكم انا دخلت ايه وهمشي امتي هكتب لو فيه وقت

ولو معرفتش يبقي الحاضر يبلغ الغايب

ويارب متنسوش المدونه

واذا كانت الموضوعات هتقف شويه

اتمني انكم تقلبوا فيها وان شاء الله هتلاقوني موجود بين السطور

وختاما

السلام عليكم ورحمة الله

هناك 15 تعليقًا:

♥نبع الغرام♥♪≈ يقول...

اخد اول تعليق

حجز بسرعه

♥نبع الغرام♥♪≈ يقول...

لالالالالالا بجد هى اللحظه جت بجد انا وانا بكتب بعيط

حرام كده الناس اللى بنحبها وناخد عليها تسبنا كده بسهوله

والله ده حرام

♥نبع الغرام♥♪≈ يقول...

بجد مش عارفه اقولك ايه غير ربنا معاك ويوفقك للخير

وبجد هفتقدك كتير قوووووووووووى

وبسعد بيك وبوجودك عندى

ربنا ما يحرمنيش منك يا ارق قلب

خلى بالك من نفسك وابقا افتكرنى
اوعا تنسانى مهما حصل بجد ازعل منك
ونفسى بجد ابقا اطمن عليك

♥نبع الغرام♥♪≈ يقول...

تعرف بجد وانا بقرء البوست بجد دموعى نزلت لوحدها مش عارفه ازاى وليه يمكن عشان احنا اسره وحده واتعودنا على بعض
هنعمل ايه بس ده حكم القدر

ربنا يهديك للخير وان شاء الله عندى امل كبير قووى ان نلتقى من جديد

وطبعآ اوعدك انى مش هكون زعلانه بس بجد اللى هيزعلنى اكتر الفراق ده

يارب ترجعلنا بالف مليون سلامه

وبشكرك من كل قلبى على ما كتبت بحقى ياقمر وربنا يحميك

خلى بالك من نفسك

فى رعاية الله وحفظه

لا اله الا الله
سيدنا محمدآ رسول الله

ديالا يقول...

بجد مش عارف اقولك ايه

بس بجد تروح وترجعلنا بالف سلامه

و45 يوم بالظبط عايزه افتح الاقي بوست جديد

وتوعدنا بكده عشان نطمن عليك

وبجد بشكرك اوي انك ذكرتني في البوست معاك

ومعلش بقي الجيش للرجاله

يارتني كان ينفع اروح الجيش

والله كانت امنيه عندي اني ادخل الجيش بس اعمل ايه بس مش بيخدوا البنوتات الامورات الي زينا

ربنا يوفقك ويكفيك شر كل حاجه وحشه

في رعايه الله

ديالا يقول...

وفعلا زي مانوسه قالت حاسه فعلا اننا اسره واحده

واخونا هيسافر وهيسيبنا

بجد ربنا مايكتب الفراق علي حد

خلاص ياانوسه 45 يوم بالظبط هوا هيجي وهيكتب بوست ولو معملش كده كنا هنزعل منه

ستيتة يقول...

ابراهيم

هناك رجال اشعر بالفخر لمعرفتهم ولو على الورق

اعرف ان الخدمة العسكرية ليست بالجدية السابقة
ولكن مهما حصل انت ذاهب لتتعلم ان تكون خط دفاع عن مصر
وستصبح من العينين اللتان لا تمسهما النار .. عين باتت تحرس في سبيل الله

يا ابراهيم
قليل جدا من رجال مصر في وقتنا الحاضر يستحقوا الإحترام
ومنهم من يؤدي سنة الجيش

ننساك؟
مؤكد انت بتهزر
وفي كل أجازة ها تكتب لنا بوست سريع تطمنا عليك وبلاش تجيب سيرة الجيش لأننا مش ها نخدع نفسنا وعارفين انه جيش صفية حلمي
بس ان شاء الله ايامك ها تهون وتبقى زي العسل وها تخرج منها بأصدقاء رجالة حقيقين


ابراهيم
انا شفت شباب كتير قبل دخول الجيش وبعد الخروج منه
ولاحظت اختلافات حادة في شخصيتهم في اتجاه الأحسن والأكثر تحملا

واظن عبارة الجيش مصنع الرجال حقيقية وشفتها بعيني

ها توحشنا
ربنا يعينك ويجعل صحبتك صحبة خير ويهون عليك الأيام

تحياتي

غير معرف يقول...

يااااااااااااااه جيش في الحر ده ...... فكرتني بايامي الخالدة في عالم الجندية , كنت زيك كده دفعة 7 ولا مؤاخذة دفعة العبيد ... اللي بيخش فيها ابيض بيطلع اسود ...... بس عموما الجيش للرجالة واحلي ايام حتي وان كانت صعبة .
ربنا معاك وخلي السلاح صاحي

hasona يقول...

السلام عليكم

ان شاء الله تروح وتصبر وتتعلم الكثير والكثير

وان شاء الله ممكن تكون في أحد الاسلحة الميدانية وتنزرنا كل يوم علي مدونتك
ونطمن عليك دايما

وان شاء الله كلنا بنتحرك وبنرجع تاني نلتقي هنا

غير معرف يقول...

معلش ياابراهيم فترة وتعدى على خير
انا عاوزاك تجمد ده الجيش للرجالة
وانت ابو الرجالة
مخبيش عليك والله دموعى نزلت وانا بنقرا
الخبر وده علشان احنا بقينا اسرة واحدة
انت غالى علينا ياهيما ومش ممكن ننساك
ومن جهة حتوحشنا فده اكيد
بس احنا معاك بقلوبنا ودعاءنا
واهى فترة حتكون لها ذكرياتها
وفى انتظار انك تكتب لنا مغامراتك
فيها ربنا يطمنا عليك ياابنى

ويارب يرزقك بسلاح كويس ومكان قريب
وقادة ولاد ناس ومهذبين
شوفت الدعوة ديه حد دعالك بها قبل كده
اضحك بقا ربنا يوفقك ونطمن دايماعليك

تحياتى

ريمان يقول...

ترجع بالسلامه ان شاء الله

promise is promise يقول...

تروح وترجع بالسلامه ان شاءالله

ادعيلنا وانت مسافر

يالا سلام

فراشة يقول...

والله التدوين حيفتقدك جدا

ازاى بتقول حننساك لا طبعا يا ابراهيم
حنفتقدك جدا وحنفتقد موضوعاتك

ترجعلنا بالف خير
اكيد طبعا حتلاقى موضوعات كتيرة فى الجيش
وترجعلنا باجمل الافكار

ترجع بالسلامه

وردة يقول...

يااااااااه
حتروح الجيش
والله بكرة تفتكر الايام ديه وتضحك
انا كان اخويا دفعة 7 زيك
بس ربنا بيهون
بس ابقي ادخل طمن عليك كل اجازة
اي نعم اول اجازة بتطول 45 يوم بس في انتظارك برضو
بس اوعي تتطنش ومش تدخل
ربنا معاك ويهونها عليك
ويعدي الايام بسرعة
سلام

آفشنا حرامي يقول...

نتمنى مشاركتم معنا
لأن كل ما يهمكم يهمنا
وحرية القلم ملك لنا كلنا