Pages

السبت، 11 يوليو 2009

انا جيييييييييييت

ازيكم يا احلي ناس في العالم الالكتروني

انا الحمد لله رجعت بالسلامه من رحلة مطروح



واللي بصراحه كانت قصيره اوي


وكنت اتمني تكون اطول من كدا


بس انا كان لازم ارجع ومطولش لاني خلاااااص




بستعد خلال الاسبوع دا علشان هروح الجيش



عموما والله الرحله كانت جميله جدا ومفيده


وبصراحه بحر مطروح زي ما قلتم حاجه كدا متتوصفش


انقي مياه ممكن تشوفها



ومدينة مطروح مدينة لها طابع فريد غريب

هاديه جدا جدا




وتمشي فيها كانها مفيهاش حد




بس اكتر شىء ازعجني فيها انها مفيهاش ميه خالص


حتي الجوامع بالكاد ممكن تتوضي فيها



لكن والله انا حبيت البلد دي جدا



يمكن علشان انا حسيت انها من ضمن المحافظات




المهمشه في مصر زي الصعيد كدا




المهم



احنا روحنا شط اسمه ( روميل ) وهو عباره عن جزء محصور من البحر




وميته هاديه جدا ومفيهاش موج نهائي يعني مناسبه جدا للاطفال




ولاني مصاب بال ( هيدرو فوبيا ) الحاده



كعادتي قعدت علي الشاطىء وانا مستمتع برؤية اصحابي في الميه




بس انا اكتشفت منطقه هناك دي بقي ع البحر المفتوح



بس ايه تحفه بجد



ودي اللي قضيت يومي كله فيها



واتصورت هناك كمان



بتليفوني الصيني المعفن ( ربنا يخليلنا الصين ) وتنعنشنا




يلا بقي هسيبكم تتفرجوا ع الصورتين دول



بس محدش يعيب اوك




























هناك 14 تعليقًا:

همس يقول...

قمر اذا كنت مشفتهمش امبارح فانا مبسوطه ان اول واحده شفتهم النهارده

همس يقول...
أزال أحد مشرفي المدونة هذا التعليق.
همس يقول...

انت هنا ولا ايه

The illusionist يقول...

اهلالالالالالالالالالالالالالالالالالالالالالالالالالالالالان
استاذ ابراهيم
منور يا عم الحاج
انا غيرت قالب المدونه
وانى افتكر اسم مدونتك
كنت هتشل والله
بس كويس انك بعتهالى من غير ما تقصد
عرفتها تانى
عامل ايه يا باشا
واخحشنى والله منذ اخر مره اتكلمنا فيها
وروحت مطروح
يا بختك
انا كل سنه بروح
بس السنه دى مروحتش لاسباب سيكلوفيزياكيميائيه
وبجد الشواطئ تحفه هناك
اوعى تقولى مروحتش عجيبه والاوبيض
وحمام كيلوبترا
انا روحتهم ومتصور كمان
ابعتلكش الصور ونحطهم جنب بعض
اهه كل مطروحجى يونس التانى
ومروحتش سوق ليبيا شكلك
بس مطروح اكتر حاجه بتميزها
الهدء التام
والعربيات مفيييييييييييييييييييييش
خالص
تلاقى عربيه او اتنين كده كل نص ساعه معديه
بلد اقسم بالله تحفه
نفسى اروح تانى
حمد الله على السلامه
ومبروك اللوك يا معلم

ديالا يقول...

حمد الله علي سلامت ياابراهيم

وياريت تكون انبسطت

والصور جميله ماشاء الله

ديالا يقول...

حمد الله علي سلامت ياابراهيم

وياريت تكون انبسطت

والصور جميله ماشاء الله

فراشة يقول...

حمدالله على السلامه

انت حتقولى على مطروح بعشقها وبموت فيها اجمل بحر طبعا

اوعى تكون ماروحتش شاطىء عجيبة وحمام كليوباترا

بس الصور جميلة جدا
شوقتنى لمطروح
بجد وحشتنى ونفسى اروحلها

مبسوطة اقوى انك رجعت بالسلامة وانك مبسوط

انت خلاص حتروح الجيش
طب وموضوعاتك الجميلة حنوصلها ازاى
على قد ماتقدر ماتغبش علينا

تحياتى

♥نبع الغرام♥♪≈ يقول...

السلام عليكم


اهلا وسهلا بيك

بجد نورت الدنيا كلهاااااااااااا
ياقمر

♥نبع الغرام♥♪≈ يقول...

بجد بجد وحشتنى كتير قوووى يارب دايمآ موجود معانا بس ايه موضوع الجيش ده اللى هياخدك منا

لالالالا بجد ازعل قووووى

عامة ربنا معاك ويوفقك للخير يارب

ومنتظرينك دايمآ قمر منور فى سماء المدونات ياسكر

♥نبع الغرام♥♪≈ يقول...

حسيت بكلاماتك انك كنت مبسوط وسعيد يارب دايما سعيد ومبسوط وعقبال كل مره

وبجد الصور تحفه وانت اللى منورهم



تحياتى

اختك
انوسه

promise is promise يقول...

حمدلله على السلامه يا استاذ ابراهيم وكويس انك اتبسطت هناك وكمان غيرت جو قبل الجيش

تقبل مرورى والسلام ختام

ستيتة يقول...

جميلة الصور يا هيما
وروميل لي معاه احلى ذكريات العمر كله
ان شاء الله تاخد اجازة تاني وتنبسط تاني وربنا يفرح ايامك

تحياتي

MaNoOoSh يقول...

حمدا لله على السلامة من الرحلة القصيرة دي

ومتقلقش الجيش للجدعان وام شاء الله تكون ايامه هينه وبسيطة


ربنا معاك بق والحمد لله ان انا بنت
هههههههههههههههههههههه

أم أحمد المصرية يقول...

حمد لله علي السلامة
و عقبال ما نقولها و انت طالع من الجيش ان شاء الله