لما شيطانك يسيطر عليك بتلاقي نفسك بتعمل حاجات
بتضرب نفسك 100 جزمة لما ترجع لعقلك وتفوق
بعد المصيبة اللي عملتها
وساعات تانيه الواحد بيقرر انه يعمل حاجه شيطانيه
ملهاش اي تبرير غير انك ترضي المارد اللي عايش جواك
من كام يوم كدا قررت قرار شيطاني اني اخرج بره حياتي
واتخلي عنها لمدة يوم كامل واشوف ايه اللي هيحصل
ومحطتش في بالي اني لما اخدت القرار دا نسيت اخد رأي
الناس اللي عايشه معايا .. اهلي واصحابي وزمايلي
بس يمكن عشان عقدة النقص اللي جوايا وعشان اثبت لنفسي
اني اعرف اعمل حاجه لوحدي ولو مرة واحدة في حياتي
قررت تاني مقولش لحد ولا اني اخد رأيهم في حاجه خطيرة
زي دي علشان اعملها وانا مطمن ان محدش هيعارضني ويخليني
ارجع عن قراري
وجه اليوم اللي هنفذ فيه خطتي الشيطانيه للخروج من حياتي
وجربت اني اعيش بره حياتي
ورضيت الشيطان اللي بيقودني
قررت تاني اني ارجع للحياة
ونويت بيني وبين نفسي
ان عمري ما اتخلي عن حياتي
.........................
( لا تحاول اسقاط الكلام السابق علي حالتي
فهو لا يتناسب معي شكلا وموضوعا
انها تخاريف شيطانيه )
هناك 5 تعليقات:
قرار سليم فكلنا لنا سقطات مع النفس ولكن الأجمل أن تعود لنا حياتنا افضل مما كانت تحياتي الصادقة
جميلة جدا ,,, ايه اخبار حضرتك يا مستر يا رب تكون بخير انا خلصت الامتحنات بتعتي ومتفالة جدا ربنا حيستر انشاء الله انا كنت عيزة اخد رأي حضرتك في المدونة الي انا عملتها هي لسة مفهاش حاجة اوي بس احب اسمع رأيك alassaby.blogspot.com ندي
لا تحاول اسقاط الكلام السابق علي حالتي فهو لا يتناسب معي شكلا وموضوعا انها تخاريف شيطانيه
وأنا كذلك
عروستي؟؟
:))
فعلًا عندك حق فكل منا بداخله شيطان يحاول إرضائه ولكن مشكلتنا إننا دايمًا بنفوق وبنصحى متأخر وبنعرف إننا أخطأنا وعشان كده لازم نصدق مع نفسنا ونحرص ونحاول نأخد قرارات متأنية ونبعد تمامًا عن القرارات السريعة .وبجد أشكرك على أسلوبك الرائع .
إرسال تعليق