فيه حاجات كتير اوي اتغيرت
وحاجات اكتر لسه بتتغير كل يوم قدام عنينا
حاجات احنا مصدقين انها بتتغير
وحاجات مش مصدقين ولا اي حاجه منها
بس هي فعلا اتغيرت .. وبتتغير
للاحسن او للأسوأ .. الله أعلم
المهم اننا قدرنا نغيرها برضانا او غصب عنا
انا تقريبا لسه بحلم باللي حصل
ومش مصدق اننا وصلنا للدرجة دي
وان ثورتنا العظيمة عملت كدا فعلا
وقلبت الكراسي فوق دماغ كل مسئول حرامي
كان قاعد ومبرتع في بلد ابوه ولا حاسس بالناس
وكأني كنت نايم نوم طويل اوي كعادتي
ولما صحيت لقيت نفسي واحد من اهل الكهف
لقيت بلد غير البلد وناس اتغير فيها كتير
وحاجات بقت احسن بجد
ربنا يتمم علينا نصره ونعمته ورحمته
ويديم علينا الامن
****************
هناك 3 تعليقات:
عندك حق والله يا ابراهيم كأنو فعلا حلم
بس حلم حلو اوى يارب يسمع منك ويديمها
علينا نعمه نعمة الحريه
عاش من شاف بوستاتك يا غايب ديما متغيبش كتير
الحمد لله على هذة الثورة العظيمة التى اعادت لنا كرامتنا ويا رب يكمل علينا حلم الثورة اكيد الواحد مكنش يحلم بكل دة بس الحمد لله.
شكرا على الدخول.
منورررررر مدونتك يامعنمي:)
وكل سنه وانتا طيب وبخير ومصر بسلام علي طول يارب
إرسال تعليق