امشير بقي وعمايله
زي ما امي قالتلي
اصله بحالات
يوم حر وفجأه يقلب بريح ومطر وزعبايب
يعني من الاخر محدش ياامن له
بس انا وقعت في الفخ دا
من كام يوم لما كان الجو حر
قلت لا مش هيضحك علي بردو
وهفضل متقل هدومي ولابس كل الدولاب
رغم اني مش بستحمل الحر
تاني يوم لسه الجو حر
معلش استحمل شويه
تالت يوم
رابع يوم
قلت خلاص
لا بقي
الصيف جه خلاص
وجيت مخفف
والله مش مخفف اوي
وخرجت ومشيت وعادي
ولا سمعت كلام الست الوالده
اللي قالتلي
يابني هتاخد برد
قلت لالالا
الموضوع ماشي تمام
لغاية ما سافرت الجيش
من يومين كدا
وهناك بقي شوفت اللي نص مصر شافته زيي
صدااااااااااااااع
حكه
رشح
زوري مسدود مش عارف ابلع
ولا عارف اتكلم
وعنيا احمرت
واشتغلت الانفلونزا في كل جسمي
حتي وصلت لنخاشيشي
حلوة نخاشيشي
صح
واديني اهو
بقي عندي صيديله برشام
ومشروبات ساخنه
وباره
والناس بتبعد عني وهي بتكلمني
اصل انا ممكن اكون بقيت مخنزر
يعني عندي انفلونزا خنازير
والعياذ بالله
عموما ولا يهمنا
خنازير
فراخ
ان شالله حتي تبقي انفلونزا نسانيس
يلا
متقروش البوست دا للاخر
لانكم هتعطسوا بعد ما
تخل .. تخل.....
تخل
تخلصوه
هااااااااااااااتشي
هناك 22 تعليقًا:
السلام عليكم
مش كان المفروض تسمع كلام والدتك برضه؟
حتى لو الجور بقى حر شويه مش ينفع تخفف برضه انا حصلى كده بس عدت على خير الحمد لله ورجعت تانى تقلت هدومى
خلى بالك من نفسك
شفاك الله وعفاك
ابقى طمنا عليك
معلش هى الانفلونزا هتاخد وقتها وهتعدى ان شاء الله مش تقلق
ربنا يخليكي يا ريمان
ومتخافيش هسمع كلامها بعد كدا والله
خلاص حرمت
انا كويس وبخير
والمعنويات تمام
وكله عال العال
هاتشي
تحياتي
السلام عليكم
ازيك يا ابراهيم
كل سنه وانت طيب ويارب دايمآ بصحه جيده
الف سلامه عليك
ازمه وهتعدى حصلت معايا انا كمان ولسه بعانى منها
الف مليون سلامه عليك
ربنا يشفيك يارب
مساء الاخير
ما بعرف هي صدفة و الا انه الجو فعلا هذه الايام بسبب المرض و بكون انا مريضة بالانفلونزا
لكن الانفلونزا جد مزعجة !!!
الف سلامة عليكي و عليّ
و يحمي الجميع منها :)
تقبلي مروري الأول هنا
تحياتي
الف سلامة عليك يا بيه
امال فين المناعة؟ هربت فين :)
شفاك الله وعافاك
انا مسحت الكيبورد بالمطهرات
اه
بعد العطسة دي الواحد مش ضامن حاجة
ههههههههه
ادي جذاء اللي مبيسمعش كلام ماما وبابا
انا برده بقاوح كتير وفالاخر بتيجي علي دماغي
تقبل مروري وتحياتي
ألف سلامة عليك يا غرباو.....
تاني مرة أسمع كلام الي أكبر منك خصوصاً لو كانت والدتك (ست الكل )لكن أنا عارفك يتحب تجادل زي عوايدك ماإحنا يامه إتجادلنا في الكلية .
فاكر سمعه أبو لمعه نيلز بوهر المدار التاني و محدش فاهم هو بيتكلم في ايه.
ولا حسنين الي بيشرح فيزياء خارج الكون
و العلامة البرعـ....و الله الأيام دي و حشتني .
سلمتلي علي عندك و لا نسيت و نسيتنا و طلعت خسيس حلوة خسيس دي .
فاكر لما كنت هتووه عندكم في البلد .
هههههههههههههههههههههه
سلامي ليك يا معلم و لكل دفعتنا .
سلامتك يا استاذ ابراهيم
بس من بعيد السلام لو سمحت :)
تحياتي
هههههههههه يعني أول مرة نزورك هنا نلاقيك في الجيش وكمان عندك برد.. اوعي يكون جه من كتر أكل العدس هناك وهو ده اكتر حاجة بتطلعه على طول... كفارة يا عمي وبيعدو قوام وبكرة تقول احلى ايام .. وان شاء الله تخف قوام وشفت بقى اللي ما بيسمعش كلام مامته بيحصل له ايه؟ ألف لا باس عليك يا دفعة
سلامتك من الانفلونزا يادفعة
لكن مش مخلصك تعطس انتو بس جايبلنا ناس اسيويين يعطسو في المدونة وينشرو العدوا لما تروح الجيش
تحياتي
ألف سلامه
والله الحال من بعضه
ابتسامة ملاك
الله يسلمك يا انوسه
انا الحمد لله كويس
وبتعافي اهو تدريجيا
وكل شىء كويس
المهم انتي تكوني بقيتي كويسه
ربنا يطمنا عليكي
تحياتي
الارواح المتمرده
يا الف هلا ومرحبا بيكي
الف سلامه ليكي انتي كمان
وربنا يسلمك
ان شاء الله تزورينا دايما
هو بس في حاجه صغيره ما اخدتيش بالك منها
اني ولد مش بنت
عموما ولا يهمك
وتحياتي
د ستيته
لالالا ياست الكل
متخافيش
الحمد لله بقينا بخير
والمناعه موجوده وعال العال
بس لازم ندوق شوية من البتاع دا
قطع وقطعت سيرته
تحياتي يا دكتور
sony2000
معلش
انا هسمع الكلام والله بعد كدا
خلاص حرمت
بعد اللي شوفته خلاص
يسلم مرورك
وتحياتي
ابو كمال
وحياة ربنا واحشني موت
انت فين يابني
كدا يا خاين حتي ولا رنه ولا اتصال
ماشي ياعم ولا علشان وحيد بقي ومدخلتش الجيش هتنفض
وبعدين مين ينسي ايام الكلية بنت التييييييييييت
والله دا الجيش ارحم
تصدق العيال كلهم وحشوني
فاكر ايام التدريب العملي في مدرسة البنات
ههههههههه
كلمني علي الميل يا محمد لو بتفتح
واحشني ياض
فتاة من الصعيد
حاضر يا استاذه مروة
هسلم عليكي من بعيد وانا لابس جوانتي كمان
علشان اح... اح....
اح
هااااااااتشي
احتمال
يكون لسه عندي برد
تركيب
معلش بقي والله يا استاذنا هي الظروف اللي جت معاك كدا
عموما زيارة مباركة وان شاء الله نزورك ونتشرف بمدونتك الجميله
تحياتي
وربنا يسلمك
وشكرا ع الدعوات
فكره من الزمن دا
معلش اعمل ايه بس
اهي الصورة اللي لاقيتها
يلا الحمد لله علي كل حال
ويسلم مرووك
وتحياتي
sweet angel
الله يسلمك
والف سلامه عليكي
وان شاء الله خير
تقبلي تحياتي
الففففففففف سلامه عليك ويارب امشير وانت لاء
ههههههههههه
تعيش وتاخد غيررها
إرسال تعليق