Pages

الاثنين، 23 أغسطس، 2010

رمضانيات




 
أول مرة من فتره طويله اوي الناس كلها تحس بمعني
الصايم لان رمضان السنه دي جاي في ايام صعبه اوي
خلت كل الناس تعرف معني انها صايمه وتحس بالم الجوع والعطش
واه واه من العطش لوحده
انا بقعد استني المغرب من ساعة ما اصحي من النوم
بس علشان اشرب
تقريبا مقضي ايامي كلها علي الميه والعصير
هو دا الصيام اللي بجد
واكيد هفتكر الايام دي كويس
علشان مش هتتكرر غير كل 33 سنه واكتر
لما يلف ويدور الزمن تاني
الحمد لله علي كل حال
ورمضان مبارك
لالالالا
رمضان كريم

************

مسلسل الجماعه
اللي مقوم الدنيا كلها
وحقق اعلي نسبة مشاهدة لمسلسل في رمضان
رغم اني مش من هواة التليفزيون في رمضان
لكنه شدني اوي
اول مرة احس ان اللي عاملين المسلسل واخدين موقف حيادي شوية
ولاني قريت كتير جدا في تاريخ الاخوان خاصة شخصية الامام حسن البنا
ونشأته وحياته وتاريخ تأسيس الجماعه
شايف انهم لغاية دلوقتي ماشين كويس
رغم انهم بيحطوا احيانا السم في العسل
وبيطرحوا المسائل اللي بيغالطوا فيها الجماعه بصورة مستفزة شوية
لكن احلي ما في الموضوع الشاب اللي اسمه اياد نصار
بجد ولد ممثل فوق المتميز والغريب انه اردني مش مصري
لكن بجد يستحق الاحترام وباين عليه فعلا انه عارف قد ايه
هو بيقوم بدور مين
عشان كدا مهتم بكل كبيرة وصغيره حتي طريقة لبسه واناقته في المظهر
فاقت كل توقع
مسلسل يستحق المتابعه

************

الحمد لله بدأت الحياة العملية مرة تانيه وبصورة سريعه
عملت كذا مقابله شخصية في مدارس لغات ومدارس تجريبيه خاصة
وكان ربنا معايا والقبول كان سمة كل المقابلات
واتحطيط في ورطة اني اختار من بين كذا مكان عشان اشوف الافضل بالنسبة لي
ربنا يوفقنا كلنا
ومعلش بجد لاني مش بدخل ولا بتابع عند حد
لاني فعلا والله غصب عني
معنديش نت في البيت
الراجل صاحب الشبكة مكبر دماغه من فتره
وسايبها تخرب
ومش نافع معاه اي حاجه
يلا ربنا يهديه






هناك 11 تعليقًا:

دعاء العطار يقول...

كلللل سنه وانت طيب

مش عارفه ليه انا العكس

مش حاسه خاااالص برمضان

وهو يوم واحد اللى حسيت فيه بالعطش

ممكن لان انا بنام متأخر بعد الفجر وبصحى ع الساعه 2

احتمال يكون ده السبب

عامة رمضان كريم وربنا يوفقك فى حياتك العمليه الجديده

sony2000 يقول...

كل سنه وانت طيب
ويارب بالتوفيق ديمن
اللهم امين:)

عاشقه وبدوب ف حبيبي يقول...

كل سنه وانت طيب يا ابراهيم كويس انك نزلت بوست نورت مدونتك ويارب ديما بخير هستنى بوستك الجديد

شمس النهار يقول...

ازيك يارب تكون بخير

كل سنه وانت طيب

مبروك انك خلصت الجيش معلش متأخره اصلي كنت غايبه بقالي مده عن التدوين

وان شاء الله ربنا يوفقك في حياتك العملية
وتجد وظيفة مناسبه ومدرسة تكون مستوي كويس

تحياتي

اقصوصه يقول...

رمضان كريم

وكل عام وانتم بخير :)

مصعب صلاح يقول...

السلام عليكطم
رمضان كريم اولا.
ثانيا أنا متبعتش مسلسل الجماعة بس كتير بيهاجموه
أول واحد يدافع كان حضرتك

اعقل مجنونه يقول...

رمضان كريم
وفعلا مسلسل الجماعه من اجمل المسلسلات اللى اتعملت فى التلفيزيون

دى مدونتى لو حبيت تشرفنى
http://kot-cha.blogspot.com/

اه ربنا يوفقك فى الوظيفه الجديده

sun of free dom يقول...

اولا المسلسل جاء ليغير التاريخ ويزوره

حاجة مؤسفة جداا
بس بنتابعه علشان نعرف المخرج عايز يوصل ايه

وطبعا كل دامن نظره وليس من الحقيقة

مجدد القرن العشرين ليس انتهازى ولا يحي السلطة والشهرة كما جاء بالمسلسل

حسبنا الله ونعم الوكيل

قلــ"بـــلال"ــــــب فارس يقول...

اولا المسلسل مش فيه اى حاجه من الحياديه خالص
دا كدب
وارخم حاجه فيه النظرات اللى بيعملها اياد نصر
_________
واتمنى ان تشارك فى الصالون الفكرى
http://qalbfars.blogspot.com/2010/08/blog-post_29.html

الحب الجميل يقول...

كل سنة وحضرتك طيب
رمضان كريم

kem يقول...

كل سنة و انت طيب
حقيقى المسلسل رائع بدءا من الموسيقى للاخراج للتمثيل
اخر حاجة القصة لانها معمولة بلؤم حبتين

ربنا يوفقك فى حياتك ان شاء الله
اول مرة ادخل المدونة اللطيفة دى لكن مش اخر مرة ان شاء الله