Pages

السبت، 23 يناير، 2010

الموت عشقا ً


لما بنحب بجد بنلاقي كل شىء في حياتنا اتغير
كل حاجه بقي ليها معني......
حتي الحاجات اللي كنا قبل كدا بنعتبرها تافهه وملهاش لازمه
نظرتنا ليها بتتغير ...

مين فينا مقعدش يقرا اول جواب
 وصله من حبيبه كل لحظه
يقراه مرات ومرات حتي وهو حافظه بردو بيلاقي نفسه لازم يقراه
عشان هو حاسس ان روحه فيه
انه حبيبه مسكه وكتبه وحط كل كلمة بشوق دايب جواه
مين فينا مش بيفتكر اول حب في حياته وقد إيه كان قلبه بيدق
جواه لما كان بيشوف حبيبه جاي من بعيد
مين فينا لسه محتفظ بحاجات كتير اوي
وبيقول عنها انها من
ريحة الحبايب

لما بنحب بجد كل حاجه بندوقها بطعم مختلف عن كل مرة
حتي تسريحة الشعر
حتي طريقة لبسنا
حتي رنة الموبيل
حتي اسمنا
اه اسمنا
افتكر كدا اول مرة حبيبك ناداك باسمك
هتقول انها كانت اجمل مرة سمعت فيها اسمي


مين فينا محلمش باحلام كتير اوي نفسه يحققها
احلام بسيطه رغم ان بعضها كان انتحار
الحب كان حلم جميل في حياتنا
لكن تيجي لحظه وتتغير حياتنا تاني
تتغير 180 درجه لنفس السبب
لما اللي بنحبه دا واللي هو كل شىء في حياتنا
بيقرر انه يرحل
يرحل بعيد ويسبنا


بنحس ساعتها بابشع شعور ممكن حد يحس بيه
الم
ضيق
تعب
بعضنا ممكن يستحمل
لانه اتعود انه يستحمل
والبعض ممكن ميستحملش
ويقتله الحنين
لانه بجد كان بيحب
ولان
(بعض الحب يكون الموت)
عشان كدا
يا   كل  من لديه حبيب
لا تسمح لنفسك
ان تجعل من يحبك
يموت عشقا ً ِ

هناك 27 تعليقًا:

فكرة من الزمن ده يقول...

كلامك غريب جدا
كنت بفكر في فكرة زيه وعدت عليا من يومين
قريت جوابات ورسايل وفكرت كل الافكار اللي انت كتبتها
تسلم ايديك
وتحياتي

promise is promise يقول...

انا فين

انا عند ابراهيم ولا عند حد تانى

مش عارفه حاسه ان المود متغير او البوست جديد مش عارفه

بس عموما اهوه احساس بحسه دايما انه ابتلاء من ربنا

فكرتنى بقصه نشرت فى بريد الجمعه من اسبوعين اسمها حاله خاصه بتحكى عن امراه بتعيش عندها 56 سنه بتعيش حاله حب خاصه جدا وفريده من نوعها
ابقا شوفها هتعجبك جدا

شمس النهار يقول...

كلامك جميل فعلا

وكله صح

لو حد حب حد بجد فعلا ياريت مايسمحلوش انه يموت عشقا

سلامي

beautiful mind يقول...

فكره من الزمن دا
ممممممممممم
افهم من كلامك اني قريت افكارك
ولا احنا عندنا تناسخ ارواح
هههههه
عموما الحمد لله ان الفكره عجبتك
ويسلم مرورك
وتقبلي مني كل تحيه

beautiful mind يقول...

promise is promise]
لا انتي عندي بجد
اهو لازم نغير شويه
لكن مقولتيش البوست عجبك ولا لا
وعموما ياستي انا هقرا برد الجمعه
اما اشوف
تحياتي علي مرورك

beautiful mind يقول...

شمس النهار
تحياتي علي كلامك
ويارب تكوني دايما بكل خير

donya يقول...

مساء الخير
الصور جميله والكلام احلي

كلمات صادقه

حبيتها اوي


باي

ستيته حسب الله الحمش يقول...

كله كلام حقيقي
ورومانسية اخر حاجتين تلاتة :)

يا كل من لديه حبيب
لا تسمح لنفسك
ان تجعل من يحبك
يموت عشقا

والا مت ندما

تسلم ايدك

بحر الالوان يقول...

هنالك نوع من المحبين لا يرضون عن الحب الا الموت بديلا ....وكما الشاعر قال

و ما عجبي موت المحبين في الهوى . و لكن بقاء العاشقين عجيب .

الحب امر لا حيلة للمرء فيه الا ان يذوب فيه .

تحياتي لك

beautiful mind يقول...

دنيا
وانا فرحان بجد انها عجبتك
تسلمي ع المرور والتعليق
وتحياتي يادنيا

beautiful mind يقول...

د ستيته
دا بعض ما عندكم
وبعدين بلاش نتكلم عن الرومانسيه
وست الكل موجوده
تحياتي لمرورك الجميل
وان شاء الله منورانا دايما

beautiful mind يقول...

بحر الالوان
الحب امر لا حيلة للمرء فيه الا ان يذوب فيه .
عجبني بجد كلامك
اول زيارة ويارب متكونش الاخيره
تسلم ايدك وتحياتي

العيسوى الصغير يقول...

العنوان حلو و المضمون احلى ولكن عفوا فانى افقد الاحساس

العيسوى الصغير يقول...

لالالا


ممكن تعود على الاسى فبقت متفرقش معيا

فتاه من الصعيد يقول...

جوبات ايه ... انت من ايام السينما الصامته

عموما المفروض ان الحب شيء كويس ومفيد للصحه :)

تحياتي

beautiful mind يقول...

العيسوي الصغير
متقولش كدا ياراجل
انت شاب زي القمر وزي الفل
واكيد التعود علي الاسي لا يصنع منك
تمثالا لا يفرق معه الاحساس
لكن المساله مساله وقت وظروف
جرب انك تتخلي عن حد مهم في حياتك
وشوف احساسك هيثور ولا لا
تحياتي
وان شاء الله هزور مدونتك
واسف جدا علي التقصير

beautiful mind يقول...

فتاه من الصعيد
لا ياستي انا مش ايام السينما الصامته ولا حاجه
بس اكيد اللي عاش لحظات الجوابات دي مقدر الاحساس اللي انا قصدته
انا عن نفسي لسه محتفظ بجوابات عندي
ايام ما كان في حاجه اسمها وش بيحمر وقلب بيدق
لكن للاسف دلوقتي الموبيلات عملت من الحب مسخ
وبعدين يعني ايه الحب مفيد للصحه
انتي حسستيني اني بتكلم عن معجون اسنان
تحياتي يامروة
وشكرا علي ابداء رايك

القدر و انا يقول...

حنانى
فعلا مين فى الدنيا لم يمر بمشاعر الحب
من يشعر بالسعادة مع الحبيب
وايضا من لم يشعر بالالم والمرارة لفقدان الحب او الحبيب

تحياتى

إبتسامة ملاك يقول...

يارب كل من له حبيب مش تحرمه منه

مش اقدر اقول غير كده
تسلم ايدك
بوست جاى فى وقته

ربنا يكرمك يارب وبتمنالك السعاده من كل قلبى يارب
ايناس

beautiful mind يقول...

انووووووووووسه
انتي اللي جيتي ف وقتك
ههههههه
كنتي فين يابنتي
وايه الغيبه دي كلها
ربنا ميحرمناش من طلتك البهيه
وربنا يستجيب دعوتك
اوعي تغيبي تاني كدا
تحياتي

beautiful mind يقول...

القدر وانا
كلامك فعلا صحيح
مفيش حد في الدنيا مهما كان الا ومر بالاحاسيس دي
سواء حب او فرح
او حزن لفقدان حبيبه
ربنا يجمع بين كل قلبين اجتمعوا علي حبه
وتحياتي اليكي

القدر و انا يقول...

حنانى
تحياتى اليك يا مبدع البحيرة وشكرا لزيارتك

ريمان يقول...

السلام عليكم


بجد كلماتك جميله اوى اوى

انا عجبنى جدا البوست ده

بجد اى حد يلاقى حد بيحبه فى الزمن ده بجد وبيحبه حب حقيقى لازم يحافظ عليه ومش يفرط فيه ابدا


تحياتى ليك وبجد اسفه ع التاخير بس والله بجد ظروف النت عندى وحشه اوى

beautiful mind يقول...

القدر وانا
متشكر جدا
وانا مش مبدع ولا حاجه
وان شاء تكوني دايما متألقه
ومدونتك جميله بجد
تحياتي

beautiful mind يقول...

ريمان
اولا حمدلله ع سلامتك بعد الغيبه الطويله
ويارب دايما تكوني موجوده ومنورة البلوج سبوت كله
وتحياتي

dodoo يقول...

اصدق حب بيكون الحب الاول لاننا بنعيشه بكل مانملك من احاسيس لكن فى الغالب بينتهى وبيسيبلنا جرح

كلماتك مؤثره ياابراهيم

دمت بوووود

همس يقول...

حلو اوى البوست وحلو اوى اللى وحلوه اوى اللى يحب حد ميسبوش يموت عشقا ونسيت تقول اللى يحب حد عشان مصلحه وتنتهى المصلحه ولا يعرفه
مع التانى بيحبه من من غير اى حاجه تفتكر دا حب يا رومانسى