Pages

الجمعة، 2 أكتوبر 2009

السادات ......... والخطاب القاتل

السلام عليكم
انا مسافر بكره ان شاء الله
وحبيت قبل ما امشي اني احط البوست دا
علشن اسيبكم تقروه كويس وتقولوا رايكم فيه
واتمني من ربنا ان ينال اعجابكم



..............
من منا لا يحب الرئيس السادات؟
من منا لا يحترم شخصية هذا الرجل العظيم؟
اذا كان هناك من يقول نعم انا لا احبه ... نعم انا لا احترمه
نعم انا اختلف معه ومع ما فعله
فانا اقول انني كلما اسمع اسم هذا الرجل فانا اقف احترما واجلالا لشخصيته العبقريه
الرئيس السادات الذي لم يمهله القدر لكي يجعل مصر كما كان يحلم
ولكن تطاولت عليه الايدي بحق وبغير حق لكي تنال من حياته
ولكي يقع شهيدا في ساحة العرض غير متراجع ولا متخاذل 
فليرحم الله السادات
........
من فتره كدا مش بعيده كنت بتابع قناتي المفضلة
قناة الجزيرة وكانت بتعرض كل يوم في تمام الساعه 12 و5 دقايق ليلا
فيلم وثائقي من اعداد فريق العمل بالقناة
ومش عايز اقولكم اني كنت بستني الوقت دا كل يوم بجد علشان اتابع الفيلم بكل شغف
لانهم فعلا عندهم عبقرية في العمل تجعل المشاهد ينجذب بكل ذرة قيه للمستوي المعروض قدامه
وفي مرة من المرات
عرضوا فيلم عن اغتيال الرئيس السادات
واسبابه الحقيقه والاشخاص اللي قاموا بهذه الفعله
واثناء الفيلم كانوا بيعرضوا مقاطع لخطاب الرئيس السادات الاخير
في مجلس الشعب المصري يوم 5 سبتمبر 1981 يعني قبل مقتله بشهر بالظبط
لاني اغتيل يوم 6 اكتوبر 1981 
المهم
بجد مكنتش قادر اغمض عنيه وان بتابع المقاطع دي
وكنت بتمني لو يعرضوا الشريط كامل وظل الامر جوايا 
عايز فعلا اشوفه كله
لغاية ما ربنا كرمني وبعد بحث عميق داخل اروقة المواقع والمنتديات
فعلا نجحت اني احمل الشريط كله والخطاب اللي قاله السادات
وكل كلمة نطق بيها
 وكم ادهشني اسلوبه بجد حسيت والله اني قدام والدي

الرئيس بيتكلم كانه قاعد في بيته
وقدامه كل حاجه وعمال يطلع في اوراق ويقرا من الجرايد والمجلات
في الخطاب دا بقي الرئيس فتح النار علي ناس كتير جدا
 علي الاخوان والمعارضين والبابا شنوده
وكل واحد كان بيعارضه في اي حاجه
اللي يهمني اكتر اسلوبه في الكلام بلهجته الريفيه الجميله 
رغم اعتراضي علي بعض الكلمات والحاجات اللي قالها 
واللي ان شاء الله هتسمعوها
انا جبتكلم روابط الشريط بالكامل علشان تقدروا تستمتعوا بيه
وانا متاكد ان كل واحد فيكم هيحتفظ بيه للابد
لانه شىء تاريخي مالوش مثيل
ودا اخر كلام للسادات واللي كان السبب الرئيسي وراء مقتله
ومن الكلام ما قتل
ان شاء الله تقدروا تحملوا الفيلم
بس خلي بالكم
الفيلم عباره عن 4  اجزاء مضغوطه
يعني لازم تحملوا الاربع اجزاء كلهم وبعد التحميل لازم بردو تفكوا الضغط
باي برنامج فك زي مثلا الون رار
ربنا يوفقكم جميعا
وان شاء الله تستمعوا بالفيلم
واتمني من ربنا ان احساسي يوصلكم




************
مساحة الفيلم حوالي 800 ميجا
ومدته اكتر من ساعتين ونصف


ملفات التحميل


1_ موقع الربيدشير


2_موقع سيند سبيس



اشوفكم بالف خير
وان شاء الله تقدروا تحملوا 
وباذن الله الروابط دي كلها شغاله لاني مجربها بنفسي
واللي مش هيعرف يحمل يبقي يستناني بقي لما انزل الاسبوع الجاي 
علشان اعمله شرح ازاي يحمله
يلا بقي سلام

هناك 7 تعليقات:

غير معرف يقول...

انا سمعت الخطاب .... واعتقد اني شفت الفيلم لو هو هو نفس فيلم السنه اللي فاتت اللي عرضوه عن مقتل السادات

بص السادات كان جريء شويه في كلامه ..... وناس كتير كانت بتكرهه

يعني موش هتلاقي اصلا ناس كتير بتحبه .... وكمان الخطاب ده كان كل المقربين ليه رافضين انه يقوله

بس اعتقد انه موش السبب الرئيسي في اغتيال السادات ...... السبب الرئيسي هو حمله الاعتقالات اللي بالجمله اللي عملها ...... او على الاقل الاعتقالات دي وزعت دمه بين القبائل ..... على اساس ان مالقتش حد متعاطف معاه ..... بل واستريحوا منه

واعتقد ان الاخوان شالوا الليله .... لكن خالد لما قتله كان في ناس كتير من الاخوان معترضه " هذا ما جاء في الفيلم اللي شفته "

هحاول انزله .... تحياتي

promise is promise يقول...

السادات رجل السلام

كفايه ياعم اننا الايام دى مش لاقين حد عند كلمته زيه راجل قد كل كلمه بيقولها

مش زى حكموتنا الموقره الايام دى تطلع بيان النهارده تنفيه اخر اليوم

ما علينا ربنا يرحمه ويرحمنا احنا كمان
ومشكور على مجهودك
وتسافر وتيجى بالسلامه

ستيتة يقول...

الله يرحم السادات رحمة واسعة ويتجاوز عن البلاوي البسيطة اللي وقع فيها

سمعت غوغاء بيقولوا عليه عميل لأمريكا
أظن كل الكلام ده النهاردة سكت خالص بعد اللي احنا شايفينه
كمان كفاح السادات قبل الثورة بمراحل علشان خروج بريطانيا العظمى كلنا عارفينه
يعني وهو بيتفصل من الجيش ويشحت مكنش عامل ده واجب قصاد مرتب ولا علشان قالوا له ها يكون فيه ثورة وها تبقى رئيس مصر
إخلاص السادات في حب مصر بدأ قبل المصالح بمراحل


كانوا بيقولوا عليه فرعون
من كتر ما هم مفترين عاوزة اعرف بيقولوا ايه النهاردة بعد فوات المؤبد وهم لسه في نفس الحبسة


كانوا بيقولوا جعجاع كلام
اظن السادات اللي عازه عمله وعهده آخر عهود كرامة المصري في اي مكان على وجه الأرض بره مصر


اصله عمل الإنفتاح والحرامية كتروا
فعلا الانفتاح كان غير مقنن بس ده مش معناه اننا عشنا رخاء الإشتراكية البهيجة من قبله

انا بحب السادات جدا وأثر في موته وفاكرة كويس الأحداث كلها

وبما اني ساعتها كنت في بورسعيد فبعض قنوات اسرائيل كانت موجهه لأهل القناة وذات ارسال قوي
وساعتها أذاعوا كل ما أخفته مصر وبكل التفاصيل وكان مؤلم لي اني اتفرج على شريط الفيديو اللي بابا سجله واعادة مشاهدته مرات ومرات

بس عارف يا ابراهيم تقدر تقول الآتي

لو كل رئيس أخد مدته القانونية وسمعنا السلام عليكم كان بقى عندنا لكل واحد فيهم تمثال جوا قلوبنا من الحاجات الحلوة اللي عملوها
بس الجثوم على الصدر بيخنق وبيطلع غلطات "قاتلة" وربنا يرحم مصر

أم أحمد المصرية يقول...

يمكن زمان ما كنتش بحبه و هو طبعا ليه مميزاته و ليه اخطاؤه اللي كنت اراها كبيرة لكن بمرور السنوات و برؤية ما هو اسوأ بكثير جدا ادركت ان الرجل لم يكن بالسوء الذي ظننته بل هو بشر يخطيء و يصيب

Yusuf يقول...

مش عارف

يمكن متلاقينيش متعاطف معاه لأني محضرتهوش

كل اللي شفته فيلم احمد زكي وحسيت انه يندرج تحت مسمي النفخ

سمعت عنه اراء كتير ليه واراء تانية ضده

بس انا عندي قناعه ان اخر واحد حكم البلد دي وحاول انه يرضي ربنا ف حكمه

كان محمد علي رحمة الله عليه

وطبعا اختلافنا في الرأي لا يفسد للود قضية

ومستنيك الاجازة الجاية بإذن الله

تحياتي

Unknown يقول...

السادات زيه زى
اى أنسان حتلاقى
اللى يحبه واللى
يكرهه حتى انا نفسى
مش قادرة احدد ولحد الان
لكن اللى اقدر اقوله هو ربنا
يرحمه ويرحمنا إذا ما صرنا الى
ما صار اليه.اللهم آمين .

Unknown يقول...

وكل سنة وأنت
طيب بمناسبة
6أكتوبر